ڈنمارک: ڈاکٹر حسن محی الدین قادری کا منہاج القرآن ڈنمارک کی لائبریری میں ’’قرآن وال‘‘ کا افتتاح
منہاج القرآن انٹرنیشنل کی سپریم کونسل کے چیئرمین ڈاکٹر حسن محی الدین قادری نے منہاج القرآن ڈنمارک کی لائبریری میں’’قرآن وال‘‘کا افتتاح کیا۔
قرآن وال بنانے کا مقصد عوام الناس کو قرآن مجید فرقان حمید کی تعلیمات کی طرف راغب کرنا ہے۔ عرفان القرآن کے ڈینش ترجمے کے ساتھ ساتھ اردو اور انگلش تراجم کو قرآن وال کا حصہ بنایا گیا ہے۔ قارئین کے آرام کا خیال رکھتے ہوئے پڑھنے کیلئے بیٹھنے کا بھی انتظام کیا گیا ہے۔
چیئرمین سپریم کونسل نے ڈنمارک کی تنظیم کی فہم القرآن کو عام کرنے کی کاوشوں کو سراہتے ہوئے قرآن وال کی پوری ٹیم رضوان احمد چوہدری، ڈاکٹر لاریب احمد، انیقہ احمد اور آمنہ احمد کو مبارکباد دی اور اسناد سے نوازا۔
اس موقع پر راجا محمد افضل، علی حسنین احمد، سجاد ساہی، ارسلان جاوید، حاجی مظفر علی، محمد اسحاق رانا اور محمد جمیل قادری بھی موجود تھے۔
تبصرہ