سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
مصطفوی سٹوڈنٹس موومنٹ ضلع اٹک کا اہم اجلاس مورخہ یکم ستمبر 2013 کو چوہدری عرفان یوسف کی زیر صدارت قطبہ چوک کامرہ میں منعقد ہوا۔ اجلاس میں سابق سیکرٹری انفارمیشن ایم ایس ایم پاکستان رضی طاہر، ضلعی کورآرڈینیٹر ایم ایس ایم اٹک مجاہد اکبر، صدر ایم ایس ایم کامرہ محمد اویس، نائب صدر ایم ایس ایم اٹک محمد عرفان، جنرل سیکرٹری حسنات احمد کے علاوہ ضلع بھر سے ایم ایس ایم کے عہدیداران نے شرکت کی۔
تحریک منہاج القرآن راوی ٹاؤن کے ناظم مالیات محترم حاجی لیاقت علی 5 ستمبر کو ماہانہ مجلس ختم الصلوۃ علی النبی صلی اللہ علیہ وآلہ وسلم میں آتے ہوئے ایکسیڈنٹ کے نتیجے میں شہید ہو گئے۔ ناظم منہاج القرآن علماء کونسل علامہ سید فرحت حسین شاہ نےان کی نماز جنازہ راوی ٹاون میں پڑھائی۔ نماز جنازہ میں کثیر تعداد میں لوگوں نے شرکت کی۔ بعد ازاں ان کی میت کو ان کے آبائی گاؤں نارووال میں تدفین کےلیے لے جایا گیا۔
تحریک منہاج القرآن پھالیہ، منڈی بہاوالدین کے زیراہتمام ورکرز کنونشن 7 ستمبر کو منعقد ہوا جس میں پاکستان عوامی تحریک کے صدر شیخ زاہد فیاض اور مرکزی ناظم علماء کونسل سید فرحت حسین شاہ نے خصوصی خطاب کیا۔ شیخ زاہد فیاض نے ورکرز سے خطاب کرتے ہوئے کہا کہ تحصیل پھالیہ پنجاب کی 5 بڑی تحصیلات میں سے ایک ہے جو میرے دل میں بستی ہے۔
محمد افضل قادری (منہاجین) کو منہاج یونیورسٹی لاہور (MUL) نے M.Phil کی ڈگری دے دی ہے۔ ان کے مقالہ کا موضوع "پاکستان میں اسلامی بینکاری اور اس کا تنقیدی جائزہ" ہے۔ انہوں نے یہ مقالہ ممتاز محقق پروفیسر ڈاکٹر محمد ارشد نقشبندی (ڈپٹی ڈائریکٹر کالجز گوجرانوالا) کی نگرانی میں مکمل کیا۔
ڈاکٹر محمد طاہر القادری نے یوم دفاع کے موقع پر قوم کے نام پیغام میں کہا ہے کہ وطن عزیز کی سرحدوں پر منڈلاتے خطرات اس بات کی گواہی دے رہے ہیں کہ بطور قوم ہم نے فکری و نظریاتی سرحدوں کی حفاظت میں پہلو تہی کی ہے۔ قائد اعظم رحمۃ اللہ علیہ کے اصولوں کی دھجیاں ہر سو بکھری دکھائی دیتی ہیں اور ہمیں اس زیاں کا احساس بھی نہیں رہا۔ کرپٹ نظام انتخاب وہ دیمک ہے جو وطن عزیز کی فکری و نظریاتی اور جغرافیائی سرحدوں کی حفاظت کا احساس بھی چاٹ رہی ہے۔ کرپٹ نظام انتخاب کے خلاف بغاوت ہی ملک کا اصل دفاع ہے۔
6 ستمبر کا دن وطن عزیز کے دفاع کیلئے عظیم قربانیوں کی یاد دلاتا ہے۔ قوموں کی زندگی میں کچھ دن انتہائی اہمیت کے حامل ہوتے ہیں جن کے باعث ان کا تشخص ایک غیور اور جرات مند قوم کا ہوتا ہے۔ آج کے دن وطن عزیز کے ہر فرد کو عہد کرنا ہے کہ وہ وطن عزیز کی نظریاتی و جغرافیائی سرحدوں کی حفاظت کو زندگی کی سب سے پہلی اور بڑی ترجیح بنا کر اس شعور کو اگلی نسلوں تک پہنچا ئیں گے۔
مصطفوی سٹوڈنٹس موومنٹ لاہور کے وفد نے 6 ستمبر 2013 یوم دفاع پاکستان کی یاد میں یادگار شہداء پر حاضری دی جس میں کثیر تعداد میں طلبہ شامل تھے۔ ایم ایس ایم لاہور کے قائدین نے یادگار شہداء پر طلبہ سے گفتگو کرتے ہوئے کہا کہ ملک کے دفاع کیلئے شہداء کی بے مثال قربانیاں ہم پر تقاضا کرتی ہیں کہ ہم پاکستان کے جغرافیائی اور نظریاتی دفاع کیلئے اپنی توانائیاں صرف کریں۔ وطن کا دفاع اسی صورت ممکن ہے جب ملک کی قیادت باکردار، دیانتدار اور صالح ہوگی جس کا انتخاب موجودہ نظام کے تحت ناممکن ہے۔ اسلئے ہمیں نظام بدلنے کی جدوجہد کرنی ہوگی۔
تحریک منہاج القرآن کھوئی رٹہ کے زیراہتمام عہدیداران کا ایک اہم اجلاس صدر TMQ کھوئی رٹہ حافظ محمد وسیم زیدی کی زیر صدارت منعقد ہوا۔ اجلاس کا باقاعدہ آغاز تلاوت قرآن پاک سے ہوا جس کی سعادت کامران سلطانی نے حاصل کی، جبکہ عثمان شوکت مصطفوی نے بارگاہ رسالت مآب صلی اللہ علیہ وآلہ وسلم میں ہدیہ نعت پیش کرنے کی سعادت حاصل کی۔ اجلاس میں ناظم TMQ کھوئی رٹہ محمد ابصار قادری نے ماہانہ کارکردگی رپورٹ پیش کی اور اجلاس کا ایجنڈا شرکاء کو بتاتے ہوئے کارروائی کو آگے بڑھایا۔
مصطفوی سٹوڈنٹس موومنٹ ڈگری کالج کھوئیرٹہ کی تنظیم سازی کے سلسلہ میں ایک اہم اجلاس محمد وسیم زیدی کی زیر صدارت منعقد ہوا۔ اجلاس کا باقاعدہ آغاز سابق جنرل سیکرٹری MSM کھوئیرٹہ خاقان حیدر نے تلاوت قرآن پاک سے کیا بعد ازاں شرکاء اجلاس نے مل کر بارگاہ رسالت مآب صلی اللہ علیہ وآلہ وسلم میں مل کر ہدیہ درود پاک پیش کیا۔ اجلاس کی کارروائی کو آگے بڑھاتے ہوئے ندیل احمد چوہدری جنرل سیکرٹری MSM تحصیل کھوئیرٹہ نے مصطفوی سٹوڈنٹس موومنٹ کا منشور اور اغراض و مقاصد پیش کیے۔
کنونشن سے خطاب کرتے ہوئے علامہ رانا محمد ادریس نے کہا کہ کارکنان منہاج القرآن ہمّت و استقلال کا وہ پہاڑ ہیں کہ دنیا کی کوئی سختی انہیں اپنے مشن سے نہیں ہٹا سکتی۔ وہ قائد کے فرمان پر ہمہ وقت اپنی جان نچھاور کرنے کے لیئے تیار رہتے ہیں۔ منہاج القرآن کی منزل مصطفوی انقلاب کا حصول ہے اور ہم کبھی بھی اس منزل سے پیچھے نہیں ہٹیں گے۔
منہاج ویلفیئر فاؤنڈیشن کے عہدیداران نے 100 متاثرہ خاندانوں میں امدادی سامان تقسیم کیا۔ راش اور کپڑوں کے پیک بنائے گئے تھے، فی پیک 10 کلو آٹا، گھی، چاول، سویاں، چائے، نمک، چینی، صابن، کپڑے (مردانہ، زنانہ، بچگانہ ایک ایک سوٹ) پر مشتمل تھا۔
تحریک منہاج القرآن گلبرگ ٹاؤن بی لاہور کے زیراہتمام یونین کونسل لیول پر ورکرز ٹریننگ کیمپس منعقد کیے جا رہے ہیں، جن کا مقصد نئے ورکرز کی تیاری اور عوام تک رسائی حاصل کرنے کے تکنیکی تربیت مہیا کرنا ہے۔ یونین کونسل 99 مصطفی آباد میں سرفراز احمد کے گھر پر ہونے والے ٹریننگ کیمپ میں نوجوانوں کی کثیر تعداد نے شرکت کی۔
بالمیک مندر نیلا گنبد میں ہندو برادری کے مذہبی پیشوا شری کرشنا مہاراج کے جنم دن کی تقریب کے موقع پر تحریک منہاج القرآن کے ڈائریکٹر انٹرفیتھ ریلشنز سہیل احمد رضا نے کہا ہے کہ پاکستان میں تمام اقلیتوں کو مکمل مذہبی آزادی حاصل ہے اور تمام غیر مسلم اپنی مذہبی رسومات اور تہوار منانے میں مکمل آزاد ہیں۔
تحریک منہاج القرآن میرپور، آزاد کشمیر کا ماہانہ تنظیمی اجلاس مرکزی دفتر میں منعقد ہوا۔ اجلاس میں صدر تحریک منہاج القرآن بشارت علی چوہدری نے ڈاکٹر محمد طاہر القادری کی طرف سے ایک کروڑ انقلابی تیار کرنے کی نئی حکمت عملی پیش کرتے ہوئے کہا کہ اب کارکن عملی جدوجہد کے لیے تیار ہو جائیں اور اس وقت تک چین سے نہ بیٹھیں جب تک ایک کروڑ لوگ تیار نہ ہوجائیں۔
شیخ الاسلام نے "عالمی تاجدار ختم نبوت کانفرنس" سے خطاب کرتے ہوئے کہا کہ عالمی طاقتیں سوچی سمجھی منصوبہ بندی اور حکمت عملی کے تحت اپنے تربیت یافتہ "القاعدہ اور طالبان" کو استعمال کر کے مسلم ممالک میں ایسی صورتحال پیدا کر رہی ہیں جہاں عالمی مداخلت کے مواقع میسر آسکیں، آئندہ دنوں میں شام میں ہونے والی کارروائیاں بھی اسی منصوبہ بندی کا تسلسل ہیں۔ انہوں نے کہا کہ امت مسلمہ کو باہمی اختلافات بالائے طاق رکھ کر اتحاد اور بھائی چارے کی راہ اپنانا ہو گی ورنہ ایک ایک کر کے اندرونی و بیرونی سازشوں کا شکار ہوتے رہیں گے۔
3.6M
فیس بک
1.9M
ٹوٹر
© 1994 - 2024 Minhaj-ul-Quran International.