سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
منہاج ایشئین کونسل کے زیر اہتمام منہاج القرآن انٹرنیشنل کی سپریم کونسل کے صدر صاحبزادہ ڈاکٹر حسن محی الدین قادری کا دورہ ہانگ کانگ و جاپان شروع ہوگیا۔ صدر سپریم کونسل مورخہ 29 مارچ 2013ء بروز جمعہ کو ہانگ کانگ پہنچے گئے۔
ڈاکٹر حسن محی الدین قادری نے کولون مسجد ہانگ کانگ میں نماز جمعہ کے عظیم الشان اجتماع سے خطاب کرتے ہوئے کہا کہ اللہ رب العزت نے قرآن مجید میں جہاں اپنی اطاعت کا ذکر کیا وہیں اپنے ذکر کے ساتھ اپنے نبی مکرم صلی اللہ علیہ وآلہ وسلم کا ذکر کر کے ہمیں بتا دیا کہ اگر اللہ پاک کی رضا، خوشنودی اور قُرب حاصل کرنا ہے تو نبی پاک صلی اللہ علیہ وآلہ وسلم کی اطاعت کرنا ہو گی۔
پاکستان کلب ہانگ کانگ کی طرف سے صدر سپریم کونسل ڈاکٹر حسن محی الدین قادری کے اعزاز میں مورخہ 29 مارچ 2013ء کو عظیم الشان عشائیہ کا اہتمام کیا گیا۔جس میں ہانگ کانگ بھر سے مختلف اہم سیاسی، سماجی، مذہبی اور اہم شخصیات نے بھر پور شرکت کی۔
اقوامِ متحدہ میں مشاورتی ادارہ کے سٹیٹس کی حامل بین الاقوامی تنظیم "عالمی امن فیڈریشن" نے 16مارچ 2013 کو بارسلونا میں "قیام امن کے لیے اسلامی کمیونٹی کا کردار " کے عنوان پر ایک کانفرنس کا انعقاد کیا جس میں مذکورہ تنظیم کے ہسپانوی عہدیداران، منہاج القرآن انٹرنیشنل سپین کے نائب صدر ظل حسن قادری، ڈیلی دوست (آن لائن اخبار)کے چیف ایڈیٹر ڈاکٹر قمر احسان اور دیگر سماجی تنظیمات کے سربراہان نے شرکت کی۔
لندن: برطانیہ میں ہاؤس آف لارڈ کے پاکستان نژاد ممبر لارڈ نذیر احمد نے لندن میں شیخ الاسلام ڈاکٹر محمد طاہرالقادری سے ملاقات کی۔ دونوں راہنماؤں کے درمیان دو گھنٹے تک جاری رہنے والی طویل ملاقات میں پاکستانی سیاسی و انتخابی نظام زیر بحث رہا۔
منہاج ماڈل سکول میرپور آزادکشمیر میں سالانہ تقریب تقسیم انعامات کی انتہائی پُر وقار تقریب منعقد ہوئی۔ تقریب میں مہمانِ خصوصی محترم بشارت محمود اے وی پی summit bank تھے۔ جبکہ صدارت ممتاز سماجی شخصیت سرپرست منہاج ویلفئیر فاؤنڈیشن میرپور حاجی محمد ارشد مغل نے کی۔
پاکستان عوامی تحریک کے مرکزی صدر ڈاکٹر رحیق عباسی نے کہا ہے کہ 11 مئی کے انتخابات کے نتیجہ میں نیا 'مک مکا' گروپ ملک کی بھاگ دوڑ سنبھالے گا، جس کا مقصد ذاتی دولت میں اضافہ اور ملک کی غریب عوام پر مظالم کا نیا سلسلہ ہو گا۔
منہاج کالج برئے خواتین طالبات کی پوشیدہ صلاحیتوں کو نکھارنے کے لئے تعلیمی و نصابی سرگر میوں کے ساتھ ساتھ ہم نصابی سرگرمیوں کا بھی اہتمام کیا جاتا ہے۔ اس بات کے پیش نظر منہاج کالج برائے خواتین میں بین الجماعتی مقابلہ جات منعقد کروائے گئے۔ جس میں تمام سوسائٹیز نے اپنی بہترین کارکردگی کا مظاہرہ کیا۔
سیالکوٹ 27 مارچ تحریک منہا ج القرآن سیالکوٹ کی ایگزیکٹو باڈی کا اجلاس ہواجس کی صدارت صدر تحریک منہا ج القرآن سیالکوٹ راشد محمود باجوہ نے کی۔ اجلاس کا آغاز تلا وت قرآن پاک سے ہوا جس کی سعادت حافظ احتشام محمود ملک نے حاصل کی اس کے بعد نعت رسول مقبول کی سعادت محمد عرفان الحق نے حاصل کی۔اجلاس Vote For None سلسلہ کے دھرنوں کے لیے انتظامی پالیسی پر بحث کی گئی اور ضلع بھر میں الیکشن کے دن دھرنا اور ریلی کے راستوں اور دیگر تفصیلات کو فائنل کیا گیا۔ اجلاس میں عہدیداران نے کہا کہ گیارہ مئی کو ہونے والے الیکشن کے دن دھرنا دے کر، کرپٹ سسٹم کے خلاف اپنی پر امن آوازکوبلند کرنا ہے۔
نوشہرہ: 27 مارچ دوپہر 12 بجے پرانا لاری اڈہ نوشہرہ سے شروع ہوئی جس میں کسان، مزدور، دوکاندار اور تاجر شامل تھے۔ ریلی کی قیادت ملک اختر اسلام، ملک غلام محمد اعوان، محمود راجپوت اور نذیر پرنس کر رہے تھے۔ تکبیر چوک نوشہرہ میں ملک اختر اسلام، ملک غلام محمد اعوان، محمود راجپوت اور نذیر پرنس نے خطابات کیے۔ واضح رہے کہ اس وقت تک نوشہرہ میں پورے دن رات میں صرف چار گھنٹے بجلی آتی ہے اور شیڈول سے9 گھنٹے زیادہ لوڈشیڈنگ کی جا رہی ہے اور اس وقت امتحانات دینے والے طلباء سخت پریشانی میں ھیں۔ اس شاندار لوڈشیڈنگ پر اعلی کارکردگی کی وجہ سے محکمہ ءِ واپڈا نےایس ڈی او نوشہرہ کو ٹرافی اور نقد انعام سے نوازا ہے۔ نوشہرہ کے محلہ جڑوال کی بجلی پچھلے پانچ روز سے بند ہے۔ احتجاجی ریلی مین بازار نوشہرہ سے اور تکبیر چوک سے ہوتی ہوئی واپڈا کمپلینٹ آفس نوشہرہ پہنچی جہاں پہ شرکاء نے اپنا احتجاج ریکارڈ کروایا۔
تحریک منہاج القرآن سیالکوٹ کے زیراہتمام ایگزیکٹو باڈی کا اجلاس منعقد ہوا جس کی صدارت صدر تحریک منہا ج القرآن سیالکوٹ راشد محمود باجوہنے کی۔ اجلاس کا آغاز تلاوت قرآن پاک سے ہوا جس کی سعادت حافظ احتشام محمود ملک نے کی اور نعت رسول مقبول کی سعادت محمد عرفان الحق نے حاصل کی۔
شام کے عظیم محدث ڈاکٹر سعید رمضان البوطی کی وفات پر شیخ الاسلام ڈاکٹر محمد طاہر القادری کا اظہار تعزیت
تربیتی نشست میں شیخ الاسلام ڈاکٹر محمد طاہرالقادری نے گفتگو کرتے ہوئے کہا کہ انسان کی دنیا میں آمد کا کوئی نہ کوئی مقصد ہے۔ اللہ تعالیٰ کی اطاعت، بندگی کے ساتھ زندگی گزارنا بھی اسی مقصد میں شامل ہے۔ انہوں نے کہا کہ آج مادی دور میں اپنی زندگی کا مقصد متعین کرنا بھی کامیابی ہے۔ بالخصوص اسلام کے مطابق زندگی گزارنا دنیا و آخرت میں کامرانی کا سبب ہے۔
ڈاکٹر طاہرالقادری نے کہا کہ پاکستان کی تاریخ میں پہلی بار لوگ پولنگ کے دن پورے ملک میں دھرنے کی صورت میں کرپٹ نظام کے خلاف اپنی آواز بلند کریں گے۔ انہوں نے کہا کہ ہم الیکشن کے بعد حکومت کو کارکردگی دکھانے کا وقت دیں گے تاکہ قوم سمجھ سکے، جس کے بعد ہماری جدوجہد مزید واضح ہوجائے گی۔ مئی کے اختتام تک قوم کو دھوکہ دہی پر مبنی پولنگ کے نتیجے میں بدترین معلق حکومت دیکھنے کو ملے گی۔
ڈاکٹر محمد طاہر القادری نے کہا ہے کہ پاکستان عوامی تحریک کے لاکھوں کارکن اور ساری قوم 11 مئی کو پرامن دھرنے دے کر اس استحصالی نظام انتخاب کو مسترد کریں گے۔ پاکستان کی 65 سالہ تاریخ کا یہ پہلا واقعہ ہوگا جہاں لوگ ووٹ ڈالیں گے وہاں لاکھوں افراد پولنگ سٹیشنوں سے دور رہ کر اور امن و امان برقرار رکھتے ہوئے اس نظام کو یکسر مسترد کرینگے۔ پاکستان کے تمام شہروں میں دھرنے ہونگے۔ دھرنے کے شرکاء کسی کو ووٹ ڈالنے سے نہیں روکے گیں بلکہ صرف اس کرپٹ نظام انتخاب کے خلاف اپنا احتجاج ریکارڈ کرائیں گے اور قوم کو یہ بتائیں گے کہ کرپٹ نظام سے لڑنا ہو گا 11 مئی کو دھرنا ہو گا۔
3.6M
فیس بک
1.9M
ٹوٹر
© 1994 - 2024 Minhaj-ul-Quran International.