علامہ ڈاکٹر طاہرالقادری نے آج کے دور میں جب عظیم تحریک اور مشن کا آغاز کیا ہے، یہ محض ایک جماعت نہیں بلکہ یہ شرق سے غرب تک پھیل جانے والی اصلاح احوال اور امت کے بکھرے ہوئے شیرازے کو پھر سے ایک لڑی میں پرونے والی تحریک ہے۔

29 جنوری 1988ء کو ادارہ منہاج القرآن میں حاضری پر سرپرست اعلیٰ پروفیسر علامہ محمد طاہرالقادری کے ساتھ ادارہ کے جملہ شعبہ جات کا مفصل مشاہدہ کیا۔ مجھے مسرت ہوئی کہ اہل سنت والجماعت کا یہ ادارہ فقید المثال ہے۔

شیخ الاسلام ڈاکٹر محمد طاہرالقادری کسی ایک فرد، مسلک یا گروہ کے قائد نہیں بلکہ ملت اسلامیہ کے عظیم رہنما ہیں۔ اتحاد بین المسلمین کے داعی ہونے کی حیثیت سے بہت سی مشکلات کے باوجود انہوں نے ہمت اور ثابت قدمی سے دنیا میں اسلام کی خدمت کی ہے۔

ڈاکٹر صاحب ایک عظیم، ذہین شعلہ بیان مقرر ہیں۔ اپنی تنظیم کو نہایت ہی منظم انداز میں لیکر رواں دواں ہیں اور سب سے اہم بات جو میں نے ان میں دیکھی وہ وسعت مطالعہ ہے۔ وہ ہر موضوع پر بغیر کسی جھجک کے کئی کئی گھنٹے گفتگو کر سکتے ہیں۔

میرے خیال میں اتحاد، متحرک جدوجہد اور روشن خیال اصلاح موجودہ صدی کی پکار ہے اور پروفیسر صاحب اور ان کی تحریک اس چیلنج سے عہدہ برآ ہونے کی صلاحیت اور قابلیت رکھتی ہے۔ میں ان کی اور اسلام کی کامیابی کے لئے دعا گو ہوں۔

یوں تو میری نظر میں پاکستان کی تمام اہم شخصیات ہیں لیکن موجودہ دورمیں طاہرالقادری کی شخصیت بہت اثر انگیز ہے۔ وہ ایک بہترین عالم اور مشنری جذبے کے تحت کام کرنے والے کامیاب انسان بھی ہیں۔

شیخ الاسلام ڈاکٹر محمدطاہرالقادری نے پاکستان میں تعلیمی انقلاب برپا کرنے اور اخلاقی و روحانی زندگی کی روبہ زوال قدروں کو بحال کرنے کیلئے جو خدمات سرانجام دیں وہ قابل ستائش ہیں۔

قبول اسلام کے بعد اس نے اپنے محسوسات بیان کرتے کہا کہ ڈاکٹر محمد طاہرالقادری نے جب وجود باری تعالی پر مجھے دلائل سے قائل کر لیا اور جب میرے دل پر ہاتھ رکھا تو میں نے اچانک اپنے اندر ایک عجیب طاقت کو پیدا ہوتے ہوئے محسوس کیا

ڈاکٹرطاہرالقادری نے سرزمین پاکستان میں شرافت کی سیاست کے کلچر کو فروغ دیا اور تحریک منہاج القرآن کے تحت فرقہ واریت کے ناسور کا خاتمہ اور اتحاد امت کے لئے جو علمی، فکری و عملی کام کیا ہے وہ کسی سے پوشیدہ نہیں۔

سابق سینیٹر تاج حیدر نے کہا کہ ہمت، استقلال اور ثابت قدمی کے ساتھ ڈاکٹر محمد طاہرالقادری کی خدمات اور افکار و نظر یات امت مسلمہ کے لئے مشعل راہ ہیں کیونکہ وہ حسینی کردار کے امین ہیں۔ اور آج ایسی شخصیت کی ملک و قوم اور بالخصوص عالم اسلام کو ضرورت ہے ۔ ۔ ۔ ۔

محترم ڈاکٹر اویس فاروقی نے کہا کہ ڈاکٹر طاہرالقادری کا امت مسلمہ کے اتحاد کے لئے عملی اقدامات کرنا غلبہ اسلام کی جانب ایک قدم ہے۔ امت کی موجودہ صورت حال نہایت ہی گھمبیر ہے اس وقت اگر کوئی لیڈنگ رول ادا کر سکنے کے قابل ہے تو میری نگاہ ڈاکٹر صاحب پر ہی ٹھہرتی ہے۔

پروفیسر طاہرالقادری ایک محنتی لگن رکھنے والے اور اپنے آورشتوں کے حصول کے لئے دن کو دن اور رات کو رات سمجھنے والے نہیں ہیں، وہ اس کیمیادان کی مانند ہیں جو ہزاروں ٹن کیمیاوی مواد کو کھوجنے، جلانے اور تجزیہ کرنے کے بعد صرف چند ماشے، چنداونس ریڈیم دریافت کرتے ہیں۔

ڈاکٹر محمد طاہرالقادری صاحب سراپا علم و عمل ہیں اور موجودہ دور میں وہ عالم اسلام کے لئے ایک لیڈنگ مین کی حیثیت رکھتے ہیں۔ علم کا کوئی شعبہ ایسا نہیں جس میں آپ کو دسترس حاصل نہ ہو۔

تحریک منہاج القرآن اس دور میں دین اسلام کے عالمگیر فروغ اشاعت کا جو کام کر رہی ہے وہ لائق صد تحسین ہے۔ اس کی سارا کریڈٹ شیخ الاسلام ڈاکٹر محمد طاہرالقادری کو جاتا ہے جن کی روشن خیال فکر و سوچ نے ہم جیسے لوگوں کو بھی ایک ملاقات ہی میں اپنا گرویدہ بنا لیا۔

یہ وہ دور ہے جب نوجوان نسل ہمیں اپنا ہیرو مانتی ہے لیکن ہمارے لیے یہ ایک اعزاز کی بات بھی ہے کہ ہم شیخ الاسلام ڈاکٹر محمد طاہرالقادری کو اپنا آئیڈیل مانتے ہیں۔ میں ذاتی طور پر آپ کے علم و عمل سے بے حد متاثر ہوں۔ کیو ٹی وی وہ ذریعہ ہے جس نے ہم کو شیخ الاسلام ڈاکٹر محمد طاہرالقادری سے شناسائی دی ہے۔

2002 میں کویت میں منہاج القرآن اسلامک سنٹر کے وزٹ کے موقع پر اپنے تاثرات میں کہا کہ ڈاکٹر محمدطاہرالقادری میرے لئے انتہائی قابل احترام ہیں، وہ خداداد صلاحیتوں کے مالک ہیں، ان کی شخصیت علمیت، دیانتداری، معاملہ فہمی اور ملک وقوم سے سچی محبت اور لا تعداد خوبیوں سے مالا مال ہے اور ایسی شخصیت ہی نابغہ عصر کہلاتی ہے

میرے نزدیک ڈاکٹر محمد طاہرالقادری ایک فرد یا شخصیت کا نام نہیں بلکہ آپ وہ ادارہ، تحریک اور شمع علم ہے جس کی روشنی دنیا کے کونے کونے میں پھیل چکی ہے۔ جس طرح اللہ تعالیٰ نے ہم سب کو پیدا کیا اور ایمان کی دولت و نعمت سے نوازا

TV کے نامور اداکار محترم فردوس جمال نے کہا کہ شیخ الاسلام کرشماتی شخصیت کے مالک ہیں۔ مختصر سے وقت میں ان کی ہمہ جہتی خدمات اور کارنامے عشق کی دولت کے بغیر ممکن نہیں۔ گویا آج ہم ایک عاشق کی سالگرہ کے موقع پر انہیں خراج تحسین پیش کر رہے ہیں۔

اداکار ندیم نے اپنے خیالات کا اظہار کرتے ہوئے کہا کہ ڈاکٹر طاہرالقادری صاحب ہمارے روحانی، مذہبی اور سیاسی قائد ہیں۔ انہوں نے اپنے خطابات کے ذریعے ہم جیسے دنیاداروں کے دل کی دنیا بدل دی ہے۔ ہم اللہ تعالی کا شکر ادا کرتے ہیں کہ اس نے اس دور میں ہم گناہگاروں کو ڈاکٹر طاہرالقادری جیسی عظیم ہستی کی سنگت عطا کی۔

1994ء میں جامعہ اسلامیہ منہاج القرآن میں محفل مشاہرہ میں اظہار خیال کرتے ہوئے کہا کہ مجھے آج ادارہ منہاج القرآن میں طلبہ سے خطاب کرتے ہوئے بہت خوشی ہو رہی ہے، ہم ڈاکٹر طاہرالقادری کے مداح ہیں اور عرصہ سے ان کے علم سے مستفید ہو رہے ہیں، ڈاکٹر صاحب کی شخصیت میں ایک سحر ہے جس سے ہر شخص مرعوب ہو جاتا ہے

معروف اداکار شجاعت ہاشمی نے منہاج یونیورسٹی کے ہفتۂ تقریبات میں بطور مہمان شرکت کی اور اس موقع پر اپنے خیالات کا اظہار کرتے ہوئے کہا کہ میں ڈاکٹر محمد طاہرالقادری صاحب صد محترم و مکرم کا یہ کارنامہ جو آج اپنی آنکھوں سے دیکھا اور محسوس کیا، ان شاء اللہ قیامت تک جاری رہے گا، کہ یہ عین اس اسلام کی بات ہے جس کی حفاظت کا وعدہ خود اللہ ربّ العزت نے فرمایا ہے۔ میری تمام محبتوں اور تمنائیں محترم قائد اور ان کے ادارے اور تحریک کے لئے ہیں۔

محترم عثمان پیرزادہ (TV آرٹسٹ) نے کہا کہ ڈاکٹر محمد طاہرالقادری صاحب کو اللہ تعالیٰ نے بے انتہا علم سے نوازا ہے، بلاشبہ وہ دینی علم ہی نہیں بلکہ فنونِ لطیفہ اور دیگر کئی علوم پر بھی دسترس رکھتے ہیں۔ ان کی فنون لطیفہ اور دیگر موضوعات پر علمی گرفت نے مجھے پہلی ہی ملاقات میں حیران کر دیا اور بعد ازاں یہ حیرانگی بڑھتی گئی۔ ان سے ملاقات کے بعد سب سے پہلا اثر مجھے ان کی شخصیت کے حوالے سے جو محسوس ہوا وہ یہ تھا کہ میرا قلب و ذہن یہ کہہ رہا تھا کہ یہ واقعتاً ایک سچا اور مخلص انسان ہے۔

شیخ الاسلام ڈاکٹر محمد طاہرالقادری کی زیر قیادت تحریک منہاج القرآن بین الاقوامی سطح پر فروغ دین اسلام کا عظیم فریضہ سرانجام دے رہی ہے۔ ڈاکٹر طاہرالقادری کی آقا دو جہاں صلی اللہ علیہ وآلہ وسلم سے عشق و محبت کا والہانہ انداز اور پھر اس محبت کے پیغام کو پوری دنیا میں پھیلانے کا انداز لائق صد تحسین ہے ڈاکٹر صاحب کا بات سمجھانے کا اسلوب انتہائی آسان اور دلائل سے بھر پور ہوتا ہے۔ جس سے ہر شخص قائل ہو جاتا ہے۔

ڈاکٹر طاہرالقادری ایک صاف اور شفاف کردار کے مالک شخصیت ہیں وہ علم کی روشنی ہیں، انہوں نے پوری دنیا میں اسلام کا پیغام محبت اور امن عام کیا ہے، ڈاکٹر طاہرالقادری بلاشبہ امن کے سفیر ہیں، وہ تنگ نظر نہیں ماڈریٹ ہیں، وہ اللہ کے غضب سے ڈر کر اسلام کی طرف نہیں بلاتے بلکہ اس کی رحمت کی امید دلاتے ہوئے اسلام کی دعوت دیتے ہیں۔

ڈاکٹر محمد طاہرالقادری کا نام سنا تھا لیکن آپ سے ملاقات کا موقع نہیں مل سکا۔ 2008ء ستائسویں شب کو جب تحریک منہاج القرآن کے عالمی روحانی اجتماع میں حاضر ہوا تو مجھے آپ کو براہ راست سننے کا موقع ملا۔ مجھے پہلی بار یہاں آکر احساس ہوا کی موجودہ دور میں عالم اسلام میں کوئی ایسی شخصیت بھی موجود ہے جو اپنے قدردانوں سے نہیں بلکہ اپنے علم و عمل سے پہچانی جاتی ہے۔

اسلام وہ دین ہے جس نے زندگی میں ثقافتی و سماجی سطح پر ہر طبقہ فکر کی حوصلہ افزائی کی لیکن بد قسمتی سے ہمارے ملک میں عوام نے لاعلمی کی وجہ سے فنکار برادری کی مناسب حوصلہ افزائی نہیں کی۔ دوسری طرف شیخ الاسلام ڈاکٹر محمد طاہرالقادری نے ہر طبقہ فکر کو اپنے قریب کیا۔ ان میں فنکار برادری بھی شامل ہے۔ مجھے پہلی بار شیخ الاسلام ڈاکٹر محمد طاہرالقادری سے جب 2007ء کے شہر اعتکاف میں ملاقات کا موقع ملا تو میں حیران رہ گیا کہ آپ انتہائی سادہ دل اور سادہ لوح ہیں۔

میں شیخ الاسلام ڈاکٹر محمد طاہرالقادری کے ساتھ اس وقت انتہائی متاثر ہوئے بغیر نہ رہ سکا جب آپ کے ساتھ رمضان المبارک 2007ء میں افطار کا موقع ملا۔ اس وقت ہم پہلی ملاقات میں آپ سے بے حد متاثر ہوا۔ یہ وہ موقع تھا