سیاسی قوتوں پر عوام کا عدم اعتماد ہمارے مقتدر حلقوں کے لیے لمحہ فکریہ
پاکستان عوامی تحریک کے سیکرٹری جنرل انوار اختر ایڈووکیٹ کی حالیہ ضمنی الیکشن کے حوالے سے گفتگو

پاکستان عوامی تحریک کے سیکرٹری جنرل انوار اختر ایڈووکیٹ نے ضمنی الیکشن میں کم ٹرن آؤٹ پر تبصرہ کرتے ہوئے کہا ہے کہ حالیہ ضمنی الیکشن میں کم ٹرن آؤٹ موجودہ نظام انتخابات پر عوام کا عدم اعتماد ہے ۔موجودہ کم ٹرن آؤٹ مروجہ نظام انتخاب کی وجہ سے عوام کی بددلی کو ثابت کرتا ہے۔ ضمنی الیکشن میں کم ٹرن آؤٹ حالیہ نظام انتخابات سے عوام کی عدم دلچسپی ظاہر کرتی ہے کہ موجودہ نظام انتخابات انتہائی کرپٹ اور مہنگا ہے جس کی وجہ سے عوام انتخابی عمل سے دور ہوتی جارہی ہے۔ انہوں نے کہا کہ الیکشن میں حصہ لینے والی سیاسی قوتوں پر عوام کا عدم اعتماد ہمارے مقتدر حلقوں کے لیے لمحہ فکریہ ہیں۔ پاکستان عوامی تحریک کے سیکرٹری جنرل انوار اختر ایڈووکیٹ نے آئینی اصلاحات کی پارلیمانی کمیٹی سے مطالبہ کیا ہے کہ آئینی ترمیم کے ذریعے موجودہ کرپٹ اور مہنگے نظام انتخابات کو تبدیل کیا جائے، آئین میں ترمیم کے ذریعے متناسب نمائندگی کا نظام انتخابات اپنایا جائے۔