کویت: منہاج القرآن انٹرنیشنل کے زیراہتمام یوم پاکستان کی تقریب کا انعقاد
منہاج القرآن انٹرنیشنل کویت کے زیراہتمام الطاہر ہاؤس سالمیہ سٹی میں یوم پاکستان کی پروقار تقریب منعقد ہوئی جس میں کارکنان کی کثیر تعداد نے شرکت کی۔ تقریب کا آغاز تلاوت کلام پاک سے ہوا جس کی سعادت محمد قاسم منیر قادری نے حاصل کی، جبکہ نعت رسول مقبول کی سعادت صوفی تنویر احمد، محمد آصف، محمد رفیق، اویس چیمہ، محمد اسحاق، محمد شہباز اور عبد الروف بھٹی نے حاصل کی۔ لٹل سٹارز میں محمد بلال منیر قادری، محمد عبداللہ اصغر، محمد طلحہ چوراہی، محمد احمد چوراہی، محمد عثمان چوراہی، اور محمد زوہیب کاشف نے ملی نغمہ پیش کیا۔ تقریب میں نقابت کے فرائض شاہد حمید نے ادا کیے۔ اس موقع پر شاہد طفیل نے قرارداد پاکستان کے تناظر میں موجودہ حالات میں تحریکی ذمہ داریوں پہ مدلل روشنی ڈالی۔ تقریب کے اختتام پر صلاۃ و سلام کی گونج میں کیک کاٹا گیا اور وطن عزیز کی سلامتی کیلئے دعا کی گئی۔
تبصرہ