محبتوں کے پیامبر اور عالمی سفیر امن شیخ الاسلام ڈاکٹر محمد طاہر القادری کو ان کی 59ویں سالگرہ کے موقع پر دل کی اتھاہ گہرائیوں سے مبارکباد پیش کرنے کے لئے 19 فروری بروز جمعۃ المبارک شام 30 : 6 بجے منہاج اسلامک سنٹر بارسلونا میں ایک شاندار تقریب کا انعقاد کیا جائے گا۔ جس میں تحریک منہاج القرآن بارسلونا کے جملہ عہدیداران، منہاج ویمن لیگ، منہاج یوتھ لیگ اور بارسلونا کی پاکستانی کمیونٹی کے نمائندگان شرکت کریں گے۔ تقریب میں خواتین کی شرکت کا باپردہ انتظام کیا گیا ہے۔

تقریب میں قائدین منہاج القرآن بارسلونا اور مختلف سیاسی جماعتوں اور فلاحی تنظیمات سے تعلق رکھنے والے افراد شیخ الاسلام ڈاکٹر محمد طاہرالقادری کی امت مسلمہ کے اتحاد اور عالمی امن کے قیام کے سلسلے میں کی جانے والی کوششوں پر اظہار خیال کریں گے۔ ان میں منہاج مصالحتی کونسل بارسلونا کے صدر محمد اقبال چوہدری، امیر تحریک منہاج القرآن بارسلونا علامہ عبدالرشید شریفی، بلال یوسف، ڈائریکٹر ہم وطن جاوید مغل اور دیگر احبا ب شرکت کریں گے۔ اس موقع پر منہاج اسلامک سنٹر بارسلونا کے طلبہ وطالبات ترانے بھی پیش کریں گے۔ تقریب کے اختتام پر 59 پاؤنڈ کا کیک کاٹا جائے گا۔