آج رات ایک ہزار مصطفوی طلباء مینار پاکستان سیکیورٹی کے فرائض سنبھالیں گے
صدر مصطفوی سٹوڈنٹس موومنٹ امجد جٹ کا سنٹرل ایگزیکٹو کونسل کے اجلاس سے خطاب

مصطفوی سٹوڈنٹس موومنٹ کے مرکزی صدر امجد جٹ نے گزشتہ روز موومنٹ کی مرکزی ایگزیکٹیو کونسل کے اجلاس سے خطاب کرتے ہوئے کہا کہ لاہور کی مختلف کالجز اور یونیورسٹیز کے 10 ہزار طلباء عالمی میلاد کانفرنس میں شریک ہوں گے۔ اس موقع پر سیکرٹری جنرل موومنٹ ساجد گوندل، عبدالغفار مصطفوی، تجمل حسین انقلابی اور اسد اللہ جان بھی موجود تھے۔ انہون نے اپنے خطاب میں مزید کہا کہ محبت رسول صلی اللہ علیہ وآلہ وسلم ایمان کی جان ہے اور میلاد مصطفیٰ صلی اللہ علیہ وآلہ وسلم منانا اظہار محبت ہے۔ اس لیے لاہور اور اس کے مضافات سے ہزاروں طلباء سے رابطہ کیا ہے اور طلباء کو تحریک منہاج القرآن کے زیر اہتمام ہونے والی 11 اور 12 ربیع الاول کی درمیانی رات عالم اسلام کی سب سے بڑی عالمی میلاد کانفرنس کی دعوت دی ہے جس میں خصوصی خطاب ڈاکٹر طاہرالقادری کر ینگے۔ انہوں نے یہ بھی بتایا کہ ایک ہزار مصطفوی طلباء سیکیورٹی کے فرائض سر انجام دینے کے لیے آج رات مینار پاکستان پہنچ جائیں گے۔