جڑانوالہ (فیصل آباد): منہاج ویلفیئر فاؤنڈیشن اور ایم ایس ایم کی جانب سے راشن پیکجز کی تقسیم

کورونا وائرس کے باعث موجودہ صورت حال نے غریب، متوسط اور دیہاڑی دار طبقے کو بہت زیادہ متاثر کیا ہے، روزانہ اجرت پر کام کرنے والوں کیلئے روزی روٹی کا بندوبست کرنا مشکل ہو گیا ہے، وہ سب گھروں میں قید ہو کر رہ گئے ہیں۔ ایسی صورت حال میں ہم سب کا دینی، ملی اور اخلاقی فریضہ ہے کہ ہم حسب استطاعت ان کی مدد کریں۔

قائد تحریک منہاج القرآن شیخ الاسلام ڈاکٹر محمد طاہرالقادری کی خصوصی ہدایت پر منہاج ویلفیئر فاؤنڈیشن اور تحریک منہاج القرآن کے دیگر فورمز ملک بھر میں مستحق گھرانوں تک راشن پیکج، ماسک اور سینیٹائزر پہنچا رہے ہیں۔ منہاج ویلفیئر فاؤنڈیشن اور مصطفوی سٹوڈنٹس موومنٹ یونٹ (125گ ب) جڑانوالہ کے زیراہتمام 50 سے زائد مستحق گھروں میں راشن تقسیم کیا گیا۔ محمد احسن بلال ضلعی جنرل سیکرٹری ایم ایس ایم جڑانوالہ نے ضلعی ناظم تربیت ودعوت جڑانوالہ حامد محمود قادری اور رانا شکیل انجم راہنما پی پی 100کے ہمراہ راشن گھروں کی دہلیز تک پہنچایا۔

تبصرہ

Top