حافظ آباد: منہاج ویلفیئر فاؤنڈیشن کی جانب سے راشن پیکجز کی تقسیم - فیز 2

کورونا وائرس کے باعث موجودہ صورت حال نے غریب، متوسط اور دیہاڑی دار طبقے کو بہت زیادہ متاثر کیا ہے، روزانہ اجرت پر کام کرنے والوں کیلئے روزی روٹی کا بندوبست کرنا مشکل ہو گیا ہے، وہ سب گھروں میں قید ہو کر رہ گئے ہیں۔ ایسی صورت حال میں ہم سب کا دینی، ملی اور اخلاقی فریضہ ہے کہ ہم حسب استطاعت ان کی مدد کریں۔

قائد تحریک منہاج القرآن شیخ الاسلام ڈاکٹر محمد طاہرالقادری کی خصوصی ہدایت پر منہاج ویلفیئر فاؤنڈیشن اور تحریک منہاج القرآن کے دیگر فورمز ملک بھر میں مستحق گھرانوں تک راشن پیکج، ماسک اور سینیٹائزر پہنچا رہے ہیں۔ منہاج ویلفیئر فاؤنڈیشن حافظ آباد کی جانب سے دوسرے مرحلے میں غریب اور مستحق گھرانوں میں راشن پیکیج تقسیم کیا گیا۔ چئیرمین بیت المال جناب ارشد بٹ صاحب، چئیرمین مرکزی انجمن تاجران سیٹھ ہمایوں احمد، چئیرمین پریس کلب ملک ہمایوں شہزاد نے تقریب میں شرکت کی اور منہاج ویلفیئر فاؤنڈیشن اور سرپرست اعلی تحریک منہاج القران جناب شیخ الاسلام ڈاکٹر محمد طاہرالقادری کی خدمات کو خوب سراہا۔