سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
منہاج القرآن انٹرنیشنل ساؤتھ کوریا اپنی سابقہ روایات کو برقرار رکھتے ہوئے اس سال بھی حضور تاجدار کائنات ﷺ کے میلاد کا جشن شایان شان سے منا رہی ہے، ملک بھر میں مجالس میلاد منعقد ہو رہی ہیں۔ اس سلسلے میں مرکزی سالانہ میلاد کانفرنس کا انعقاد 25 نومبر 2018 کو ساؤتھ کوریا کے شہر شیوا میں واقع یونیورسٹی کے ہال میں کیا گیا۔ ہال کو بہت خوبصورتی سے سجایا گیا تھا، مختلف عنوانات کے بینرز آویزاں تھے، ہال کے شروع میں شیخ الاسلام ڈاکٹر محمد طاہرالقادری کی کتب کا اسٹال بھی لگایا گیا تھا جو تمام شرکاء کی توجہ کا مرکز رہا۔
منہاج القرآن انٹرنیشنل آنس شیوا (ساؤتھ کوریا) کے نائب صدر محمد افضل گجر کو ممبر آف پارلیمنٹ شی ہنگ کی جانب سے Best Citizen کے ایوارڈ سے نوازا گیا۔ منہاج القرآن انٹرنیشنل ساؤتھ کوریا کے صدر شہزاد بھٹی، ناظم مردان علی قادری اور جملہ ایگزیکٹو ممبران نے محمد افضل گجر کو اس سرٹیفکیٹ کے ملنے پر انہیں مبارکباد پیش کی اور ان کی پاکستانی کمیونٹی کے لئے خدمات اور کوریا کے قوانین کے احترام کے عوض ملنے والے اعزاز کو سراہا۔
پاکستان کے 71 ویں جشن آزادی کے موقع پر جنوبی کوریا میں پاکستان ایمبیسی اور پاکستان بزنس ایسوسی ایشن (جنوبی کوریا) کے زیراہتمام مرکزی تقریب منعقد ہوئی، جس میں سفیر پاکستان رحیم حیات قریشی مہمان خصوصی تھے۔ اس موقع پر منہاج القران انٹرنیشنل جنوبی کوریا کے وفد نے بھی تقریب میں بھرپور شرکت کی اور تقریب میں شیخ الاسلام ڈاکٹر محمد طاہرالقادری کی کتب کا منہاج بک سٹال بھی لگایا۔
منہاج القران انٹرنیشنل کے صدر ڈاکٹر حسین محی الدین قادری نے منہاج القرآن انٹرنیشنل ساؤتھ کوریا کا وزٹ کیا۔ آپ کی آمد پر جنوبی کوریا تنظیم کی جانب سے ائیرپورٹ پر استقبال کیا گیا۔ بعد ازاں تنظیمی اجلاس کی صدارت کرتے ہوئے ڈاکٹر حسین محی الدین قادری نے تحریک کے لائحہ عمل اور دیگر امور پر بریفنگ دی۔ ڈاکٹر حسین محی الدین قادری نے عہدیداروں سے گفتگو کرتے ہوئے کہا کہ منہاج القرآن انٹرنیشنل کا دنیا بھر میں تنظیمی کام اپنی مثال ہے۔ تحریک کی ترقی میں کارکنان کے شب و روز کی محنت شامل ہے، جسے مزید تیز کرنے کی ضرورت ہے۔
شیخ الاسلام ڈاکٹر محمد طاہرالقادری کی 67 ویں سالگرہ جنوبی کوریا میں جوش و خروش سے منائی گئی۔ منہاج القرآن انٹرنیشنل (جنوبی کوریا) اور پاکستان عوامی تحریک (جنوبی کوریا) کے زیر اہتمام 19 فروری 2018ء کو سیئول (اتیوان سٹی) بمبئی گرل ہوٹل میں قائد ڈے تقریب منعقد ہوئی۔
منہاج القرآن انٹرنیشنل ساوتھ کوریا کے صوبہ سیئول کے صدر محمد اصغر بانگی نے6 جنوری 2018کو مرکزی سیکرٹریٹ منہاج القرآن انٹرنیشنل کا وزٹ کیا۔جہاں انہوں نے مختلف شعبہ جات کو دیکھا۔ گوشہ درود میں حاضری اور نظامت امور خارجہ کے سیکرٹری محمد وسیم افضل قادری کے والد محترم کی وفات پر ان سے اظہار تعزیت بھی کی۔
منہاج القرآن ساؤتھ کوریا کے زیرِ اہتمام 20 ویں سالانہ محفل میلاد کانفرنس 17 دسمبر 2017ء کو انچن میں منعقد ہوئی۔ کانفرنس میں منہاج القرآن انٹرنیشنل، پاکستان عوامی تحریک، منہاج ایشین کونسل ساؤتھ کوریا کے عہدیداروں، جنوبی کوریا میں موجود جملہ دینی ومذہبی تنظیموں اور جماعتوں کے نمائندوں نے بھی شرکت کی۔ پروگرام میں پاکستان بزنس کمیونٹی کوریا، پاکستان ایمبیسی کوریا کے عہدیدار اور پاکستانی کمیونٹی کے کثیر افراد بھی شریک ہوئے۔
منہاج القرآن ویمن لیگ ساؤتھ کوریا کے زیراہتمام پہلی سالانہ میلاد النبی ﷺ کانفرنس کا انعقاد کیا گیا۔ اس کانفرنس کا انعقاد بمبے گرل ریسٹورنٹ ایتوان سیول میں کیا گیا۔ یہ کوریا میں اپنی نوعیت کی پہلی میلاد کانفرنس تھی جس کا اہتمام صرف خواتین کیلئے کیا گیا۔ اس کانفرنس میں پاکستان ایمبیسی کی نمائندگان، بزنس کمیونٹی کی خواتین سمیت کثیر تعداد میں یونیورسٹی کی طالبات نے شرکت کی۔
ڈاکٹر حسین محی الدین قادری نے کارکنان کی مشاورت سے منہاج القرآن انٹرنیشنل جنوبی کوریا کو سیؤل، کھیونگی دو، تھیگو اور بوسان کی چار ذیلی تنظیمات میں تقسیم کرتے ہوئے جلد از جلد تنظیمات کو مکمل کرنے پر زور دیا۔ انہوں ہدایت دی کہ ہر تنظیم اسلامک سنٹر کا قیام عمل میں لائے جس میں قرآنِ مجید کی تعلیم کا خاص طور پر اہتمام کیا جائے۔ تنظیمات خواتین اور بچوں کی تعلیم و تربیت پر خاص طور پر توجہ دیں۔
ایتوان میں پاکستانی بزنس کمیونٹی جنوبی کوریا کی طرف سے منہاج القرآن انٹرنیشنل کے صدر ڈاکٹر حسین محی الدین قادری کے اعزاز میں عشائیہ کا اہتمام کیا گیا۔ عشائیہ میں بزنس کمیونٹی کے ممبران کی بڑی تعداد نے شرکت کی۔ ڈاکٹر حسین محی الدین قادری نے عشائیہ کے شرکاء سے گفتگو کرتے ہوئے کہا کہ تمام شعبہ ہائے زندگی اللہ تعالیٰ کی صفات کا ہی مظہر ہیں۔ انسانِ کامل رسولِ اکرم صلیٰ اللہ علیہ وآلہ وسلم نے ایک تاجر کی حیثیت سے معاشی معاملات میں راہنمائی فرمائی ہے اور ہمارے لیے حرام و حلال کی حدود متعین کی ہیں۔
منہاج القرآن انٹرنیشنل کے صدر ڈاکٹر حسین محی الدین قادری نے مرکزی میلادِ مصطفیٰ صلیٰ اللہ علیہ وآلہ وسلم کانفرنس خطاب کرتے ہوئے کہا کہ قدرت انسان کو جذبہ محبت کے ساتھ پیدا کرتی ہے، جبکہ نفرت کا جذبہ فطرتی نہیں ہوتا۔ فطرتاً انسان کو اپنی اصل سے محبت کرنے کا جذبہ ودیعت کیا جاتا ہے۔ رسول اکرم صلیٰ اللہ علیہ وآلہ وسلم اس کائنات کی اصل ہیں، آپ کے ساتھ محبت کرنا فطرتی عمل ہے۔ امتِ مسلمہ کے اتحاد کی جڑ بھی محبتِ رسول صلیٰ اللہ علیہ وآلہ وسلم ہے۔
محفلِ میلاد النبی صلیٰ اللہ علیہ وآلہ وسلم سے خطاب کرتے ہوئے ڈاکٹر حسین محی الدین قادری نے کہا کہ ہمارے گناہ عشقِ رسول صلیٰ اللہ علیہ وآلہ وسلم کی صداقت میں بڑی رکاوٹ ہیں۔ اگر ہم اسوہ حسنہ کے سچے پیروکار بننا چاہتے ہیں تو ہمیں گناہوں کی لت سے چھٹکارا حاصل کرنا ہوگا۔ انہوں نے کہا کہ منہاج القرآن انٹرنیشنل اسی نہج پر کام کر رہی ہے تاکہ مکینِ گنبدِ حضریٰ سے ٹوٹے ہوئے تعلق کو دوبارہ بحال کیا جاسکے۔
بوسان: منہاج القرآن انٹرنیشنل بوسان کے زیرِاہتمام منہاج اسلامک سنٹر میں ’میلاد مصطفیٰ صلیٰ اللہ علیہ وآلہ وسلم کانفرنس‘ کا انعقاد ہوا، جس میں منہاج ایشین کونسل کے امیر محمد جمیل قادری، منہاج القرآن جاپان کے راہنماء علی عمران قادری، علامہ محمد اعجاز ملک، محمد اصغر بانگی سمیت بوسان اور اس کے مضافاتی علاقوں سے عشاقانِ رسول صلیٰ اللہ علیہ وآلہ وسلم نے شرکت کی۔ کانفرنس کی میزبانی بابر علی قادری، عقیل مجاہد اور محمد نعیم کر رہے تھے۔
منہاج القرآن انٹرنیشنل کے صدر ڈاکٹر حسین محی الدین قادری 31 دسمبر 2015 کو جنوبی کوریا کے سات (7) روزہ دعوتی و تنظیمی دورہ پر انچھن پہنچے۔ انچھن ائیرپورٹ پر منہاج القرآن انٹرنیشنل اور پاکستان عوامی تحریک کے کارکنان کی طرف سے ڈاکٹر حسین محی الدین قادری کا پرتپاک استقبال کیا گیا اور نہیں پھولوں کے گلدستے پیش کیے گئے۔ ڈاکٹر حسین محی الدین قادری نے استقبال کرنے والے افراد کا شکریہ ادا کرتے ہوئے کہا کہ منہاج القرآن انٹرنیشنل کا مقصد و مشن دینِ اسلام کی حقیقی تعلیمات کا فروغ ہے۔
منہاج القرآن اسلامک سنٹر کے ڈائریکٹر علامہ محمد رضا قادری نے گفتگو کرتے ہوئے کہا کہ سیدنا امام حسین نے قربانی دے کر یہ سبق دیا کہ باطل اور طاغوتی طاقتوں کے سامنے کلمہ حق کہنا اور وقت کے یزیدوں سے ٹکرانے میں ہی اسلام کی بقا ہے۔ منہاج القرآن انٹرنیشنل اپنے عظیم قائد شیخ الاسلام ڈاکٹر محمد طاہر القادری کی قیادت میں اس ملک کو بچانے کے لئے عوام کی ذہن سازی کر رہی ہے اور ہمارا ایجنڈا صرف اور صرف یہی ہے کہ یہاں چہرے نہیں نظام بدلنا ہوگا
3.4M
فیس بک
1.7M
ٹوٹر
© 1994 - 2020 Minhaj-ul-Quran International.
