سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
منہاج القرآن انٹرنیشنل برطانیہ کے زیراہتمام مدینۃ الزھراء بریڈ فورڈ میں شہدائے ماڈل ٹاؤن کے ایصال ثواب کے لیے دعائیہ تقریب کا انعقاد کیا گیا، جس میں علمائے کرام، منہاج القران کے کارکنان و وابستگان کے علاوہ مقامی کمیونٹی کے معززین خواتین و حضرات نے کثیر تعداد میں شرکت کی۔
منہاج القرآن والسال برطانیہ کے زیراہتمام شہداء ماڈل ٹاؤن کی یاد میں دعائیہ تقریب کا اہتمام کیا گیا جس میں ڈائریکٹر امور خارجہ منہاج القرآن انٹرنیشنل جی ایم ملک مہمان خصوصی تھے۔ اس موقع پر ڈائریکٹر منہاج القرآن انٹرنیشنل والسل ڈاکٹر علی اکبر قادری نے پروگرام کی کمپئرنگ کی۔ اس موقع پر جی ایم ملک نے اظہار خیال کرتے ہوئے کہا کہ شہدائے ماڈل ٹاؤن کی یاد میں دعائیہ تقریب منعقد کرنے کا مقصد شہداء کی قربانیوں کو ناصرف یاد کرنا بلکہ ان کے انصاف کے لیے آواز بلند کرنا بھی ہے۔
منہاج القرآن انٹرنیشنل کی طرف سے لارڈ واجد الطاف خان نے ترکی کے عالمی شہرت یافتہ اداکار اور ڈرامہ ارطغرل غازی کے مرکزی کردار اینجن الطان ’’ارتغرل غازی‘‘ کو شیخ الاسلام ڈاکٹر محمد طاہرالقادری کی سیرت طیبہ پر شہرہ آفاق کتاب ’’سیرتِ محمدی صلی اللہ علیہ وآلہ وسلم کا حقیقی خاکہ‘‘ پیش کی ہے۔ ایک ملاقات کے دوران لارڈ واجد الطاف خان نے اینجن الطان کو کتاب کا تحفہ پیش کیا، جس پر اینجن الطان ان کا شکریہ ادا کرتے ہوئے کہا کہ پیغمبر اسلام کی تعلیمات انسانیت کے لیے امن و سلامتی، اخوت و محبت کے آفاقی و اخلاقی پیغام پر مشتمل ہے۔
منہاج القرآن انٹرنیشنل کی سپریم کونسل کے چیئرمین ڈاکٹر حسن محی الدین قادری نے اپنے دورہ برطانیہ کے چوتھے روز منہاج القرآن انٹرنیشنل کے عہدیدراوں اور پاکستانی کمیونٹیز کے نمائندہ افراد کی طرف سے دیئے گئے عشائیہ میں اظہار خیال کرتے ہوئے کہا کہ انتہا پسندی، عدم برداشت اور فرقہ واریت امہ کو درپیش بڑے چیلنج ہیں۔ ان چیلنجز سے نمٹنے کیلئے منہاج القرآن انٹرنیشنل شیخ الاسلام ڈاکٹر محمد طاہرالقادری کی قیادت میں ہمہ جہتی تعلیمی، فکری و اصلاحی کردار ادا کر رہی ہے۔ انہوں نے کہا کہ اتحاد امت، بین المذاہب رواداری اور انسداد دانتہا پسندی تحریک منہاج القرآن کے دعوتی اہداف ہیں۔
منہاج القرآن انٹرنیشنل لندن کی ایگزیکٹیو کونسل نے شیخ حماد مصطفیٰ المدنی القادری کو لندن سکول آف اکنامکس یونیورسٹی سے ماسٹر ڈگری مکمل کرنے پر مبارکباد پیش کی۔ اس سلسلہ میں ایک تقریب کا انعقاد کیا گیا، جس میں منہاج القرآن انٹرنیشنل لندن کی لوکل ایگزیکٹیو کونسل کے ممبران نے شرکت کی، اس موقع پر ممبران نے شیخ حماد مصطفیٰ المدنی القادری کو مبارکباد پیش کرتے ہوئے آپ کے مستقبل کے لیے نیک خواہشات کا اظہار کیا، تقریب میں کیک بھی کاٹا گیا۔
جگر گوشہ شیخ الاسلام شیخ حماد مصطفی المدنی القادری نے لندن سکول آف اکنامس یونیورسٹی سے Master in International Relations کی ڈگری اعلیٰ امتیازی گریڈ کے ساتھ مکمل کر لی ہے، لندن سکول آف اکنامکس یونیورسٹی کی طرف سے منعقدہ کانووکیشن میں انہیں ڈگری سے نوازا گیا۔ اس اہم اور پر مسرت موقع پر شیخ الاسلام ڈاکٹر محمد طاہرالقادری دامت برکاتہم العالیہ نے شیخ حماد مصطفی المدنی القادری کو اعلیٰ امتیازی گریڈ کے ساتھ ماسٹر ڈگری مکمل کرنے پر مبارکباد دی اور اپنی ڈھیروں دعاؤں سے نوازا۔
منہاج کالج مانچسٹر یوکے کے زیراہتمام ’’لیونگ لیگسی فیسٹیول‘‘ میں شیخ حماد مصطفیٰ المدنی القادری نے خطاب کرتے ہوئے کہا کہ حضور ﷺ کی ذات مبارکہ کائنات میں اخلاق حسنہ کا اعلیٰ ترین نمونہ ہیں۔ آپ ﷺ کے اخلاق کیسے تھے، اس بارے جب سیدہ عائشہ صدیقہ رضی اللہ تعالیٰ عنھا سے پوچھا گیا تو آپ نے بیان کیا کہ سارا قرآن حضور صلی اللہ علیہ وآلہ وسلم کا اخلاق ہے۔ انہوں نے کہا کہ آپ صلی اللہ علیہ وآلہ وسلم انسانیت کے لیے سراپا رحمت ہیں۔ آپ ﷺ کی تعلیمات اور سیرت طیبہ پر عمل کرنے سے ہی حقیقی کامیابی مل سکتی ہے۔ اس موقع پر پروگرام میں علمائے کرام، اساتذہ کرام، سکالرز، طلباء، فیملیز اور مختلف شعبہ ہائے زندگی کی ممتاز شخصیات نے بھی شرکت کی۔
منہاج کالج مانچسٹر یوکے کے زیراہتمام ’’لیونگ لیگسی فیسٹیول‘‘ 20 نومبر 2021 کو منعقد کیا جائے گا۔ شیخ حماد مصطفیٰ المدنی القادری پروگرام کے مہمان خصوصی ہوں گے اور خصوصی خطاب بھی کریں گے۔ اپنی نوعیت کے اس منفرد پروگرام میں دنیا بھر کے ممتاز علمائے کرام اور ثنا خوان مصطفیٰ ﷺ شریک ہوں گے۔
منہاج القرآن انٹرنیشنل بریڈ فورڈ یوکے کے رہنماء علامہ محمد افضل سعیدی کے بھائی اصغر علی مرحوم کے ایصال ثواب کے لیے قرآن خوانی کی محفل مدینہ الزھراء میں منعقد ہوئی۔ محفل میں برطانیہ بھر سے معروف علماء و مشائخ عظام کے علاوہ منہاج القرآن برطانیہ کے سکالرز، منہاج یورپین کونسل کے قائدین اور منہاج القرآن یورپ کے وابستگان نے بھی شرکت کی۔ اس موقع پر مقررین نے فلسفہ موت و حیات کے حوالے سے اظہار خیال بھی کیا۔
منہاج القران انٹرنیشنل ڈربی کے زیراہتمام 15 اگست 2021 کو ’’محفل ذکر حسین‘‘ علیہ السلام کا انعقاد ڈربی اسلامک سنٹر میں کیا گیا۔ پروگرام میں ڈربی اسلامک سنٹر کے امام قاری محمد کاشف نے شان اہل بیت کے حوالے سے خطاب کیا۔ علامہ علی اکبر قادری منہاجین نے انگریزی زبان میں پیغام کربلا‘‘ کے موضوع پر گفتگو کرتے ہوئے کہا کہ وقت کی یزیدی قوتوں کیخلاف حق کی آواز بلند کرنے کا نام پیغام حسینیت ہے۔
منہاج القران انٹرنیشنل ڈربی کے زیراہتمام ڈربی اسلامک سنٹر میں ماہ محرم الحرام کی نسبت سے ’’محفل ذکر حسین‘‘ علیہ السلام کا انعقاد کیا گیا۔ پروگرام میں والسال سے مہمان خصوصی اور شیخ الاسلام ڈاکٹر محمد طاہرالقادری کے شاگرد حضرت علامہ علی اکبر قادری منہاجین نے انگلش میں اظہار خیال کرتے ہوئے سامعین کو لفظ حسینیت کا حقیقی مطلب سمجھایا۔ انہوں نے کہا کہ شہادت امام حسین علیہ السلام تاریخ اسلام کا سنہرا باب ہے، جس نے ثابت کر دیا کہ اسلام کی اقدار کو نواسہ رسول نے زندہ کیا۔
منہاج القرآن انٹرنیشنل یوکے بریڈفورڈ کے زیراہتمام شہدائے ماڈل ٹاؤن کی ساتویں برسی کے موقع پر دعائیہ تقریب 17 جون 2021ء کو منعقد ہوئی۔ تقریب میں منہاج القرآن انٹرنیشنل یوکے بریڈفورڈ کے رہنماؤں نے شرکت کی۔ اس موقع پر مقررین نے اظہار خیال کرتے ہوئے شہدائے ماڈل ٹاؤن کے انصاف کا مطالبہ کیا۔
منہاج القرآن انٹرنیشنل یوکے گلاسگو کے زیراہتمام شہدائے ماڈل ٹاؤن کی 7ویں برسی کے موقع پر دعائیہ تقریب 17 جون 2021ء کو منعقد ہوئی۔ تقریب میں منہاج القرآن انٹرنیشنل گلاسگو کے رہنماؤں اور لوگوں نے شرکت کی۔ اس موقع پر قرآن خوانی ہوئی جبکہ مقررین نے اظہار خیال کرتے ہوئے شہدائے ماڈل ٹاؤن کے انصاف کا مطالبہ کیا۔
منہاج القرآن انٹرنیشنل یوکے نیلسن کے زیراہتمام شہدائے ماڈل ٹاؤن کی 7ویں برسی کے موقع پر دعائیہ تقریب 17 جون 2021ء کو منعقد ہوئی۔ تقریب کا آغاز قرآن خوانی سے ہوا، پروگرام میں منہاج القرآن انٹرنیشنل نیلسن کے رہنماؤں اور لوگوں نے شرکت کی۔ اس موقع پر مقررین نے اظہار خیال کرتے ہوئے شہدائے ماڈل ٹاؤن کے انصاف کا مطالبہ کیا۔
تحریک منہاج القرآن سٹوک کے زیراہتمام شہدائے ماڈل ٹاؤن کی ساتویں برسی کے موقع پر 17 جون 2021ء کو مدینہ اسلامک سنٹر سٹوک آن ٹرینٹ میں دعائیہ تقریب کا انعقاد کیا گیا۔ تقریب میں تحریک منہاج القرآن سٹوک کے ممبرز، کارکنان اور وابستگان نے بھرپور شرکت کی۔ تقریب میں علامہ پروفیسر نعیم طارق ہجویری نے 17 جون 2014ء کو ماڈل ٹاؤن لاہور میں ہونے والے ظلم و بربریت پر گفتگو کرتے ہوئے شہداء کے لیے انصاف کا مطالبہ کیا۔
3.6M
فیس بک
1.9M
ٹوٹر
© 1994 - 2024 Minhaj-ul-Quran International.