منہاج القرآن مورو سندھ کے زیراہتمام قائد ڈے کی پُروقار تقریب
تحریک منہاج القرآن مورو سندھ کے زیراہتمام شیخ الاسلام ڈاکٹر محمد طاہرالقادری صاحب کی 71ویں سالگرہ کا کیک کاٹا گیا، جس میں خصوصی شرکت مرکزی نائب ناظم اعلیٰ تحریک منہاج القران سندھ محترم جناب مخدوم ندیم ہاشمی، منہاج القرآن علماء کونسل اپر سندھ کے صدر مفتی عبدالحفیظ کھوڑو قادری، منہاج القرآن مورو ضلع نوشہرو فیروز سندھ کے صدر سعید احمد میمن نے کی۔ تقریب کا آغاز تلاوت قرآن پاک سے ہوا، خدا بخش کلہوڑو نے تلاوت قرآن پاک کی اور بارگاہ رسالت مآب صلی اللہ علیہ وآلہ وسلم میں مصطفی کریم نے ہدیہ نعت پیش کی، شیخ الاسلام ڈاکٹر محمد طاہرالقادری کی سوانح حیات اور تحریک منہاج القرآن کے موجودہ صدی میں امت مسلمہ پر احسان و انعام پر خصوصی خطاب جناب مخدوم ندیم ہاشمی نے کیا۔ اس موقع پر منہاج القرآن علماء کونسل کے صدر مفتی عبدالحفیظ کھوڑو قادری، سعید احمد میمن نے بھی خطاب کیا۔ تقریب منہاج القرآن کے ذمہ داران الطاف حسین میمن سمیت رفقاء معززین شہر نے شرکت کی۔ تقریب کے اختتام پر شیخ الاسلام ڈاکٹر محمد طاہرالقادری کی صحت و تندرستی اور درازیٔ عمر کے لیے دعا کی گئی۔
تبصرہ