کراچی میں تربیتی ورکشاپس برائے معلمین و معلمات کا انعقاد

مرکزی نظامت دعوت و تربیت تحریک منہاج القرآن کے زیراہتمام تربیتی ورکشاپس برائے معلمین و معلمات کا انعقاد کراچی میں ہوا جن میں مرکزی ڈائریکٹر عرفان القرآن کورسز علامہ محمد شریف کمالوی نے خصوصی شرکت کی۔ ان تربیتی ورکشاپس میں آئیں دین سیکھیں کورس کے لیے اساتذہ کی تیاری کی گئی تاکہ اس کورس کے ذریعے بنیادی دینی تعلیمات عوام تک پہنچائی جائیں۔

ان تربیتی کیمپوں میں امیر تحریک سید ظفر اقبال، ناظم کراچی راؤ کامران محمود، ڈاکٹر نعیم انور نعمانی، قیصر اقبال قادری، اطہر جاوید صدیقی، حاجی اقبال وادھریا اور صابر مصطفوی کے علاوہ معلمین و معلمات کی کثیر تعداد نے شرکت کی۔

کیمپوں کی تفصیل درج ذیل ہے۔

نمبرشمار	تاریخ	مقام	کوآرڈنیٹر	شریک ٹاؤنز
1	3 مارچ 2011ء	جامعہ عرفان القرآن	مفتی محمد مکرم قادری	طلبہ جامعہ
2	4 مارچ 2011ء	جامعہ عرفان القرآن	مفتی عطا محمد فیہم	بن قاسم ٹاؤن،لانڈھی ٹاؤن،کورنگی ٹاؤن،شاپ فیصل ٹاؤن،ملیر ٹاؤن
3	5 مارچ 2011ء	مصطفوی شریعہ کالج	علامہ شبیر احمد اویس	طالبات کالج
4	6 مارچ 2011ء	منہاج اسلامک سینٹر گلبائی	ابراہیم سنگھار	لیاری ٹاؤن،کیماڑی ٹاؤن،بلدیہ ٹاؤن،سائٹ ٹاؤن
5	6 مارچ 2011ء	سیکرٹریٹ گلشن اقبال	فرحت عباس	جمشید ٹاؤن،گلشن ٹاؤن،صدر ٹاؤن،شاہ لطیف ٹاؤن،سچل ٹاؤن
6	7 مارچ 2011ء	سیکرٹریٹ گلشن اقبال	اشرف قیصر	اورنگی ٹاؤن،نارتھ کراچی،ناظم آباد،لیاقت آباد

ان تمام ورکشاپس میں شیخ الاسلام ڈاکٹر محمد طاہرالقادری کا ’’علم کی اہمیت‘‘ پر خطاب سنایا گیا اور آئیں دین سیکھیں کورس میں طریقہ تدریس پر علامہ محمد شریف کمالوی نے لیکچر دیئے۔