فیصل آباد: منہاج القرآن ویمن لیگ کی تقریب میں فرحت دلبر اعوان کا خطاب

مورخہ: 12 اگست 2018ء

منہاج القرآن ویمن لیگ فیصل آباد کی ضلعی ناظمہ فرحت دلبر اعوان نے کہا کہ ایمان کی اساس کے تحفظ اور انتہاء پسندی اور دہشتگردی کے قلع قمع کیلئے منہاج القرآن کی کارکنان اور وابستگان پوری دنیا میں اپنا دینی، قومی وملی فریضہ انجام دے رہی ہیں، تحریک کے بانی ڈاکٹر محمد طاہرالقادری نے قرآن وحدیث کی تعلیمات پر مبنی ملت اسلامیہ کو اتنا علمی وتحقیقی ذخیرہ فراہم کر دیا ہے کہ اب کوئی بھی دین دشمن، نظریاتی دہشتگرد اپنے مذموم اور مخصوص تخریبی ایجنڈا کی تکمیل کے لیے آئندہ نسلوں کو گمراہ نہیں کر سکتا۔ علم، امن اور محبت کی اس تحریک کے بیانیہ کو امت مسلمہ کا ہر فرد فخر کے ساتھ دنیا کے کسی بھی خطے میں بیان کر سکتا ہے۔

ان خیالات کا اظہار انہوں نے سمن آباد میں تقریب سے خطاب کرتے ہوئے کیا۔ اس موقع پرفریدہ علی نائب ناظمہ، روبینہ خاکی، قمرالنساء علی، تسنیم افضال، حرادلبر، مصباح افتخار، دیگر خواتین بھی موجود تھیں۔

انہوں نے کہاکہ دینی اقدار اور پاکستان کے وقار کا تحفظ ہمارا ایمان ہے۔ ڈاکٹر طاہرالقادری نے دین کی خدمت بھی کی اور ظالم نظام کے خاتمے کے لیے تحریک بھی چلائی اور بے مثال قربانیاں دیں، کرپٹ عناصر کے چہروں سے نقاب بھی ہٹائے۔ انہوں نے کہا کہ ڈاکٹر طاہرالقادری اور منہاج القرآن نے خواتین کو جدید علوم کے حصول کے مواقع فراہم کئے، انہیں باوقار انداز میں جینے کا سلیقہ اور تربیت دی، خواتین اپنے قائد کی شکرگزار اور ان کی درازی عمر کے لیے دعا گو ہیں۔

تبصرہ

تلاش

ویڈیو

Minhaj TV
Quran Reading Pen
AL-HIDAYAH, Quran Festival, Quran Art Work, al-Hidayah Research Institute, al-Hidayah eLearning Institute
Dr Tahir-ul-Qadri's books App Islamic Library by MQI
Presentation MQI websites
Advertise Here
Top