لودھراں: منہاج القرآن ویمن لیگ کے زیراہتمام استقبال رمضان کی روحانی تقریب

مورخہ: 04 مئی 2019ء

منہاج القرآن ویمن لیگ لودھراں کے زیراہتمام استقبال رمضان کے سلسلہ میں روحانی تقریب کا انعقاد ہوا جس میں خواتین کی کثیر تعداد نے شرکت کی۔ تقریب کا آغاز تلاوت کلام مجید اور نعت رسول مقبول ﷺ سے ہوا۔ منہاج نعت کونسل برائے خواتین نے نعت خوانی کی۔

منہاج القرآن ویمن لیگ کی ضلعی صدر ارشاد منظور نے شرکاء محفل سے خطاب کیا، انہوں نے اپنے خطاب میں کہا کہ ماہ صیام رب کی رحمتیں سمیٹنے کا مہینہ ہے۔ اصلاح احوال اور تزکیہ نفس کے لیے یہ مہینہ سب سے بڑا ذریعہ ہے۔ روحانی بالیدگی کے حصول کے لیے ہمیں اس ماہ مقدس کے ایک ایک لمحے سے بھرپور استفادہ کرنا چاہیے۔ رمضان کا مہینہ قرب الٰہی کے حصول کا مہینہ ہے۔ ہمیں چاہیے کہ اس مہینہ میں قرآن پاک سے اپنا رشتہ جوڑیں۔

انہوں نے تحریک منہاج القرآن کے سالانہ سلسلہ وار دروس عرفان القرآن جو لودھراں میں 12 مئی سے شروع ہورہے ہیں، میں خواتین کی بھر پور شرکت پر زور دیتے ہوئے کہا کہ ہمیں ان دروس عرفان القرآن سے روحانی برکات سمیٹنی چاہیں۔

اس موقع پر سابق پرنسپل ڈگری کالج برائے خواتین میڈم زرینہ چودھری نے بھی اصلاحی خطاب کیا اور خواتین پر زور دیا کہ وہ اپنی زندگیاں قرآنی تعلیمات کے مطابق گزاریں۔ انہوں نے نزول قرآن کی مقصدیت کو سمجھنے پر زور دیا۔ آخر میں ملکی استحکام کے لیے دعا کی گئی۔

تبصرہ

تلاش

ویڈیو

Minhaj TV
Quran Reading Pen
Presentation MQI websites
Advertise Here
Top