کوپن ہیگن: ڈاکٹر حسن محی الدین قادری کا منہاج القرآن کے زیرتعمیر سینڑ ایمگر کا دورہ

چیئرمین سپریم کونسل منہاج القرآن انٹرنیشنل ڈاکٹر حسن محی الدین قادری نے کوپن ہیگن ڈنمارک میں منہاج القرآن کے زیرتعمیر سینڑ ایمگر کا دورہ کیا۔ اس موقع پر منہاج القرآن انٹرنیشنل ڈنمارک ایمگر کے صدر یاسر گوندل، جنرل سیکرٹری اسد نذیر اور دیگر عہدیدار بھی موجود تھے۔

انہوں نے ڈاکٹر حسن محی الدین قادری کو تعمیراتی پراجیکٹ بارے تفصیلی بریفنگ دی، بریفنگ کے دوران ڈرون ٹیکنالوجی کا استعمال کیا گیا۔ڈاکٹر حسن محی الدین قادری نے عمارت کے مختلف حصوں کو دیکھا، اس موقع پر انتظامیہ کی طرف سے زیرتعمیر عمارت کے مختلف شعبہ جات، امام کی رہائش گاہ، سیکیورٹی سمیت تعمیراتی پراجیکٹ بارے تفصیلی بریفنگ دی گئی۔ منہاج القرآن ڈنمارک کا یہ زیرتعمیر سنٹر تکمیلی مراحل میں ہے۔