اولیائے اللہ نے اللہ کے لئے مخلوق سے پیار کیا: صاحبزادہ احمد عاصم سلیم ہجویری

صاحبزادہ احمد عاصم سلیم ہجویری کی ڈاکٹر حسن محی الدین قادری سے مشائخ کے ہمراہ ملاقات
صاحبزادہ احمد عاصم سلیم ہجویری نے عالمی کانفرنس سے شاندار خطاب پر ڈاکٹر حسن محی الدین قادری کو مبارکباد دی
ملاقات میں محمد حسن عاصم، احمد مدنی ہجویری، سید اسداللہ شاہ گیلانی، صاحبزادہ احمد فراز شریک تھے

Sajjada Nasheen Data Darbar meets Dr Hassan Qadri

لاہور (22 ستمبر 2022ء) منہاج القرآن انٹرنیشنل کی سپریم کونسل کے چیئرمین ڈاکٹر حسن محی الدین قادری سے معروف مذہبی اسکالر صاحبزادہ احمد عاصم سلیم ہجویری نے رہائش گاہ پر ملاقات کی اور چیئرمین سپریم کونسل کو عرس مبارک کے موقع پر منعقدہ عالمی کانفرنس میں شرکت اور فکر انگیز خطاب پر مبارکباد دی۔ انہوں نے تصوف کے دقیق موضوع پر بلند پایہ تحقیقی کام اور اولیائے اللہ کی فکر اور تعلیمات کو دنیا بھر میں فروغ دینے پر شیخ الاسلام ڈاکٹر محمد طاہرالقادری اور ادارہ منہاج القرآن کو مبارکباد دی۔ انہوں نے کہا کہ اس وقت اولیائے اللہ کی تعلیمات کے ذریعے ہم نفرتوں اور کدورتوں کو کم کر سکتے ہیں۔ اولیائے اللہ نے اللہ کے لئے انسانیت سے پیار کیا یہی وجہ ہے کہ اُن کے مزارات آج بھی خاص و عام کی نگاہوں اور آرزوؤں کا مرکز ہیں۔

ڈاکٹر حسن محی الدین قادری نے صاحبزادہ احمد عاصم سلیم ہجویری کو خوش آمدید کہا اور اپنی نیک تمناؤں کا اظہار کرتے ہوئے کہا کہ وہ خانقاہی نظام کی تعلیمی و تربیتی اقدار کے احیاء کے لئے اپنی خدمات انجام دیتے رہیں گے۔ ملاقات میں صاحبزادہ محمد حسن عاصم، صاحبزادہ احمد مدنی ہجویری، سید اسد اللہ شاہ گیلانی اور صاحبزادہ احمد فراز، شہزاد رسول، حاجی محمد اسحاق، قاضی فیض الاسلام اور راجہ زاہد محمود موجود تھے۔

تبصرہ

تلاش

ویڈیو

Ijazat Chains of Authority
We Want to CHANGE the Worst System of Pakistan
Top