پروفیسر ڈاکٹر حسین محی الدین قادری کی ماسکو میں RUDN یونیورسٹی کی قیادت سے ملاقات

ماسکو: پروفیسر ڈاکٹر حسین محی الدین قادری، ڈپٹی چیئرمین بورڈ آف گورنرز، منہاج یونیورسٹی لاہور نے ماسکو میں (Peoples’ Friendship University of Russia) RUDN University کے ذمہ داران سے خصوصی ملاقات کی۔ فروری 1960ء میں قائم ہونے والی RUDN University روس کی معروف اور بین الاقوامی سطح پر نمایاں جامعات میں شمار ہوتی ہے۔

ملاقات میں منہاج یونیورسٹی لاہور اور RUDN University کے مابین علمی روابط کے فروغ اور باہمی تعاون کے نئے امکانات پر تبادلۂ خیال ہوا۔ دونوں جانب سے طلبہ کے لیے تعلیمی مواقع میں وسعت، علمی تبادلے، تحقیق اور ادارہ جاتی تعاون کے مختلف امکانات کا جائزہ لیا گیا۔ پروفیسر ڈاکٹر حسین محی الدین قادری نے RUDN University کے ذمہ داران کو منتخب علمی و تحقیقی کتب بھی پیش کیں۔ ملاقات میں اس امر پر اتفاق کیا گیا کہ دونوں یونیورسٹیز کے درمیان علمی و تحقیقی تعاون کو مزید آگے بڑھانے کے لیے باہمی رابطوں اور مشاورت کا سلسلہ جاری رکھا جائے گا۔