سلسلہ وار ماہانہ درس عرفان القرآن گھوٹکی

مورخہ: 24 جون 2009ء

تحریک منہاج القرآن شعبہ دعوت گھوٹکی کے تحت سلسلہ وار ماہانہ درس عرفان القرآن کی نشست 24 جون 2009 بروز بدھ بعد از نماز عشاء پبلک پارک گھوٹکی میں منعقد ہوئی۔ نماز عشاء کہ وقت سے ہی پنڈال کو خوبصورت استقبالیہ بینروں و کتبوں سے سجایا گیا تھا۔ درس قرآن کیلئے ساونڈ سسٹم کا خصوصی انتظام بھی کیا گیا تھا۔

نقابت کے فرائض راشد شہزاد نے انجام دیئے جبکہ مرکزی نائب ناظم تنظیمات سندھ محترم حفیظ اللہ بلوچ نے استقبالیہ کلمات کا فریضہ انجام دیا۔ نماز عشاء کے بعد اس نشست کا آغاز تلاوت کلام مجید کی آیات بینات کی تلاوت سے ہوا ، جس کی سعادت سید ناصر حسین شاہ نےحاصل کی۔ جبکہ محترم سچل سومرو نے آقا علیہ السلام کی بارگاہ میں ہدیہ عقیدت پیش کیا۔ اس کے بعد علامہ مفتی ارشاد حسین سعیدی، صدر تحریک منہاج القرآن گھوٹکی ندیم احمد کھوکھرکے ہمراہ تشریف لائے۔

سلسلہ نعت کے اختتام پر مفتی ارشاد حسین سعیدی نے درس قرآن کا تسلسل گذشہ بیان کردہ آیات کی دہرائی اور اگلی آیات پر روشنی ڈالتے ہوئے قائم کیا۔ متذکرہ آیات کے شان نزول، تفسیر قرآن بالقرآن اور مفسرین کرام کےحوالہ جات دیتے ہوئے آیات کے لغوی معنی و مطالب، اہمیت، اثرات اور آج کے اس پر فتن دور میں ہماری ذمہ داریوں پر مدلل، مفصل اور پر اثر خطاب فرمایا۔ جسے حاضرین نے بے انتہاء پسند کیا۔ مفتی ارشاد حسین سعیدی کہ خطاب کے اختتام پر ہر ماہ کی طرح اس ماہ بھی حاضرین کے لِئے 5 عرفان القرآن کا تحفہ بذریعہ قرعہ اندازی دیا گیا ۔ جبکہ علامہ مفتی ارشاد حسین سعیدی نے امت مسلمہ، شیخ الاسلام ڈاکٹر محمد طاہر القادری کی صحت، سلامتی اور حاضرین کی جمیع مشکلات اور پریشانیوں کیلئے خصوصی دعا فرمائی۔

تبصرہ

تلاش

ویڈیو

Ijazat Chains of Authority
Top