سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
چیئرمین سپریم کونسل تحریک منہاج القرآن ڈاکٹر حسن محی الدین القادری نے کہا ہے کہ سفر انقلاب زندگی عام سفروں جیسا کبھی نہ تھا نہ ہوگا اور نہ ہو سکتا ہے۔ یہ کاروان انقلاب عام کارواں جیسا ہے نہ اسکی منزل عام منزل جیسی ہے۔ انقلاب کے اس سفر کا نقطہ آ غاز ہو چکا اب یہ نقطہ انتہا تک ضرور پہنچے گا۔ سمجھدار لوگ وہی ہوتے ہیں جو اچھی طرح اور پوری تیاری کے ساتھ چلتے ہیں۔ شیخ الاسلام ڈاکٹر محمد طاہر القادری کی امامت میں نماز انقلاب قائم ہونے والی ہے۔ ان شاء اللہ منہاج القرآن یوتھ لیگ کے نوجوان اگلی صفوں میں ہونگے اور سلام پھیرنے تک ہر نوجوان استقامت کا پہاڑ بن کر کھڑا ہو گا۔
تحریک منہا ج القرآن سیالکوٹ کے زیراہتمام تین روزہ پیغام امام حسین کانفرنس کا انعقاد کیا گیا جس کا تیسرا پروگرام 10 اپریل کو صاحب میرج ہال میں منعقد ہوا۔ پروگرام کا آغاز تلاوت کلام پاک اور نعت رسول مقبول صلی اللہ علیہ وآلہ وسلم سے ہوا، بعد ازاں حضرت امام حسین علیہ السلام کی بارگاہ میں منقبت پیش کی گئی۔ اس موقع پر صاحبزادہ علامہ ظہیر احمد نقشبندی نے ’’اسلام زندہ ہوتا ہے ہر کربلا کے بعد‘‘ کے موضوع پر خصوصی خطاب کیا۔
کانفرنس سے خطاب کرتے ہوئے منہاج ایشیئن کونسل کے امیر محمد جمیل چودھری نے فلسفہ شہادت امام حسین پر روشنی ڈالی اور اہلبیت کے مصائب بیان کئے۔ انہوں نے کہا کہ واقعہ کربلا کسی مسند یا دولت کے حصول کے لئے نہیں بلکہ حق اور باطل کے درمیان تفریق کا فیصلہ تھا۔ یہی وجہ ہے کہ آج حق کا نام بلند ہے اور باطل (یزید) لعین ہے۔
مورخہ 10 نومبر 2013 کو منہاج القرآن ویمن لیگ بارسلونا سپین کے زیرِ اہتمام سالانہ شہادت امام حسین کانفرنس کا انعقاد کیا گیا، جس میں گرد و نواح سے بھی خواتین نے شرکت کی۔ منہاج القرآن سسٹرز لیگ اور منہاج القرآن چلڈرن لیگ نے اپنے خوبصورت انداز میں جگر گوشہٌ بتول امام عالی مقام حضرت امام حسین رضی اللہ عنہ کی بارگاہ میں منقبت کی صورت میں عشق حسینی کا اظہار کیا۔
تحریک منہاج القرآن سیالکوٹ کے زیراہتمام تین روزہ پیغام امام حسین علیہ السلام کانفرنس کا انعقاد کیا گیا جس کا دوسرا پروگرام 9 نومبر کو صاحب میرج ہال سیالکوٹ میں منعقد ہوا۔ پروگرام کا باقاعدہ آغاز تلاوت کلام پاک اور نعت رسول مقبول صلی اللہ علیہ وآلہ وسلم سے ہوا۔ تقریب میں تحریک منہاج القرآن کے جملہ فورمز کے عہدیداران کے علاوہ علاقے کی معروف و مشہور سماجی اور سیاسی شخصیات بھی شریک تھیں۔
علامہ مفتی ارشاد حسین سعیدی نے تحریک منہاج القرآن میں شمولیت اختیار کرنے والے علماء کرام سے خطاب کرتے ہوئے کہا کہ شیخ الاسلام ڈاکٹر محمد طاہر القادری اس صدی کے مجدد ہیں۔ انہیں دنیا اسلام کا حقیقی وکیل تسلیم کرتی ہے۔ وہ مذہبی اور مسلکی تنگ نظری کے خلاف پوری دنیا میں بھر پور آواز بلند کر رہے ہیں۔ان کی دینی اور ملی خدمات نے اسلام کی نشاۃ ثانیہ کی راہ ہموار کر دی ہے۔
تحریک منہاج القرآن آزاد کشمیر کی مشاورتی کونسل کا اجلاس راولپنڈی میں منعقد ہوا۔ منہاج القرآن آزادکشمیر کے تمام اضلاع اور تحصیلات کے عہدیداران کی کثیر تعداد نے اجلاس میں شرکت کی۔ اجلاس کی صدارت احمد نواز انجم نائب ناظم اعلیٰ تنظیمات منہاج القرآن انٹر نیشنل نے کی جبکہ جموں و کشمیر عوامی تحریک کو آرڈینیشن کونسل کے سربراہ سردار اعجاز احمد سدؤزئی اور مصطفوی سٹوڈنٹس موومنٹ آزاد کشمیر کے صدر انصر بشیر ایڈووکیٹ نے اجلاس میں خصو صی شرکت کی۔ اجلاس کا باقاعدہ آغاز تلاو ت قرآن پاک سے محمد عرفان صدیقی نے کیا۔
ڈاکٹر دانش صاحب اللہ جل مجدہ کی مدد و نصرت سے میں نے اس قوم کو جو کچھ بتایا وہ حق اور سچ ہے اور اس statement کے سچے ہونے کے شواہد قوم کے سامنے آنے شروع ہو گئے ہیں یعنی 22 اکتوبر کو جان کیری کے ساتھ پاکستانی Prime Minister کی ملاقات تھی اور ڈرون اٹیکس کے جاری رہنے پر اتفاق کیا تھا اور آپ نے دیکھا کہ گورنمنٹ آف پاکستان کے بقول نام نہاد مذاکرات کے عمل کے شروع ہوتے ہی یہ اللہ بہتر جانے کہ شروع ہوا تھا، نہیں ہوا تھا، شروع ہونے والا تھا، نہیں ہونے والا تھا مگر گورنمنٹ کے بقول ڈرون اٹیک ہوا اور حکیم اللہ محسود مارا گیا، تو میری statement کو تو شہادت میسر آئی اور پھر امریکہ کے وائٹ ہاؤس اور سٹیٹ ڈیپارٹمنٹ کے آفیسرز کا statement آیا ہے کہ حکومت پاکستان نے ہم سے کوئی باضابطہ احتجاج بھی نہیں کیا۔
تحریک منہاج القرآن سیالکوٹ کے زیر اہتمام تین روزہ امام حسین (علیہ السلام) کانفرنس کا انعقاد کیا گیا جس کی صدارت راشد محمد باجوہ صدر تحریک منہاج القرآن سیالکوٹ نے کی، جبکہ محمد سلیم بٹ چیئرمین MDF ضلع سیالکوٹ نے خصوصی شرکت کی۔ کانفرنس کا آغاز تلاوت کلام پاک سے ہوا جس کے بعد نعت رسول مقبول صلی اللہ علیہ وآلہ وسلم کی سعادت محمد عرفان الحق نے حاصل کی۔ کانفرنس میں منہاج القرآن کے رفقاء اور عہدیدران کے علاوہ علاقہ بھر سے کثیر تعدادمیں لوگوں نے شرکت کی۔
تحریک منہاج القرآن لیاری ٹاؤن (کراچی) کے زیراہتمام ایک کروڑ نمازیوں کے سلسلہ میں بیدارئ شعور ورکرز کنونشن کا انعقاد کیا گیا جس میں مرد و خواتین کی کثیر تعداد نے شرکت کی۔ تقریب کا باقاعدہ آغاز صحیفہ انقلاب کی آیات بینات سے کیا گیا، بعد ازاں تاجدار کائنات صلی اللہ علیہ وآلہ وسلم کی بارگاہ میں گلہائے عقیدت نچھاور کیے گئے۔ اس موقع پر صدر ایم ایس ایم کراچی لطافت اختر، نائب ناظم ڈسٹرکٹ ساؤتھ لیاری ٹاؤن محمد نواب، کوآرڈینیٹر لیاری ٹاؤن ایاز محمود بھی شریک تھے۔
31 اکتوبر 2013 بروز جمعرات منہاج القرآن علماء و مشائخ کونسل ضلع پاکپتن کا اہم اجلاس ناظم علماء و مشائخ کونسل تحصیل پاکپتن عرفان کمبوہ کے ادارہ فاران سکول سسٹم پاکپتن میں منعقد ہوا، جس میں امیر تحریک پاکپتن سید ابو داؤد شاہ بخاری، صدر تحریک منہاج القران شیخ محمد اشرف حیدری، ناظم تحریک منہاج القران تحصیل پاکپتن محمد عقیل شہباز ایڈووکیٹ و ضلع بھر کے معزز علماءکرام و مشائخ عظام نے شرکت کی۔ اجلاس کی صدارت سر پرست تحریک منہاج القرآن ضلع پاکپتن رانا منظور علی نے کی۔
منہاج ویلفیئر فاؤنڈیشن کے زیراہتمام غریب فیملی میں بیٹی کے جہیز کا سامان تقسیم کیا گیا۔ اس موقع پر منہاج ویلفیئر فاؤنڈیشن کے اسسٹنٹ ڈائریکٹر حافظ خرم شہزاد اور تنویر ہمایوں نے شرکت کی۔ فیملی نے منہاج ویلفیئر فاؤنڈیشن کا شکریہ ادا کیا اور شیخ الاسلام ڈاکٹر محمد طاہر القادری کی درازئ عمر کے لیے دعا کی۔
شرکائے کانفرنس سے خطاب کرتے ہوئے راضیہ نوید (مرکزی ناظمہ منہاج القرآن ویمن لیگ) نے کہا کہ منہاج القرآن ویمن لیگ اسوہء سیدہ فاطمۃ الزہراہ رضی اللہ عنہا و سیدہ زینب رضی اللہ عنہا کی امین ہے۔ آج وقت نے ہمیں ایک ایسے دوراہے پر لاکھڑا کیا ہے جہاں ایک طرف حسینی کردار ہے تو دوسری طرف یزیدی۔ اب ہم پر منحصر ہے کہ ہم کون سی راہ اختیار کرنا چاہتے ہیں۔ میدانِ کربلا میں خانوادہ رسول صلی اللہ علیہ وآلہ وسلم کی شہادت کے بعد جس طرح سیدہ زینب رضی اللہ عنہا نے جرات مندی، ہمت اور حوصلہ کی مثال قائم کی ہے وہ امتِ مسلمہ کی خواتین کے لئے مشعلِ راہ ہے۔
مصطفوی سٹوڈنٹس موومنٹ خانیوال کے زیراہتمام امید پاکستان طلبہ کنونشن کا انعقاد کیا گیا جس میں مرکزی صدر ایم ایس ایم چوہدری عرفان یوسف اور مرکزی سینیئر نائب صدر عبد العمار منعم نے خصوصی شرکت کی۔ پروگرام کا باقاعدہ آغاز تلاوت کلام پاک سے ہوا جس کی سعادت حافظ نصیر نے حاصل کی، جبکہ حافظ حفیظ سعید نے بارگاہ مصطفی صلی اللہ علیہ وآلہ وسلم میں گلہائے عقیدت نچھاور کیے اور سٹیج سیکرٹری کے فرائض محمد رضوان نے سرانجام دیے۔
تحریک منہاج القرآن گجرات سٹی کی نظامت ویلفیئر کے زیراہتمام یتیم اور مستحق بچیوں کی اجتمائی شادیوں کی عظیم الشان تقریب 31 اکتوبر بروز جمعرات بوقت دوپہر بمقام قندفشان میرج ہال میں منعقد کی گئی، جس میں مرکزی ناظم اعلیٰ تحریک منہاج القرآن خرم نواز گنڈا پور نے خصوصی شرکت کی۔ تقریب کا باقاعدہ آغاز تلاوت کلام پاک سے ہوا جس کی سعادت قاری القراء اور ٹی وی کے معروف قاری قاری اللہ بخش تقشبندی نے حاصل کی۔
3.6M
فیس بک
1.9M
ٹوٹر
© 1994 - 2024 Minhaj-ul-Quran International.