سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
عوامی مسلم لیگ کے سربراہ شیخ رشید احمد نے کہا ہے کہ نظام کی تبدیلی کے لئے ڈاکٹر طاہرالقادری کے ساتھ نکلنے کے لئے تیار ہوں۔ قوم کو جلد خوشخبری ملے گی اور استحصالی نظام کا خاتمہ ہو گا۔ پاکستان عوامی تحریک کے مرکزی سیکرٹری جنرل خرم نواز گنڈاپور نے کہا ہے کہ عوامی مسلم لیگ کے سربراہ شیخ رشید احمد اس وقت پارلیمنٹ میں عوام کی آواز بن کر اپوزیشن کا کردار ادا کر رہے ہیں۔
سفیر یورپ الحاج حافظ نذیر احمد قادری نے گزشتہ روز چوہدری ارشد جاوید وڑائچ سینئر نائب صدر تحریک منہاج القرآن گجرات کی خصوصی دعوت پر گجرات تشریف لائے۔ اس دوران انہوں نے منہاج القرآن ڈسٹرکٹ ہیڈ کوارٹر کے علاوہ سٹی ہیڈ کوارٹر کا وزٹ بھی کیا۔
ڈاکٹر حسن محی الدین قادری نے کہا ہے کہ انقلاب کیلئے جماعت قائم کرنے کیلئے دو کروڑ ووٹرز کو نہیں نمازیوں کو کال دی ہے جواستقامت کے ساتھ اُس وقت تک ڈٹے رہیں گے جب تک سیاست کے شیطان بھاگ نہیں جاتے۔ طلباء اور کارکن دوکروڑ نمازیوں کیلئے صفیں بچھاتے جائیں جلد ہی اقامت کہی جائے گی اور ڈاکٹر طاہر القادری کی امامت میں نماز انقلاب قائم ہو جائے گی جس کے نتیجے میں انقلاب کا سویرا طلوع ہو گا۔
منہاج مصالحتی کونسل سپین کے صدر محمد اقبال چوہدری نے اپنے خطاب میں کہا کہ تحریک منہاج القرآن پوری دنیا میں دین اسلام کے پیغام امن کو صحیح معنوں میں لوگوں تک پہنچانے کے لیے کوشاں ہے، شیخ الاسلام ڈاکٹر محمد طاہر القادری پوری دنیا میں امن و سلامتی کے پیغام کو عام کر رہے ہیں۔
منہاج القرآن ویمن لیگ کینڈا کے زیر اہتمام مورخہ 27 اکتوبر 2013 کو جامع مسجد المصطفیٰ میی ساما کینڈا میں عظیم الشان عشق مصطفی صلی االلہ علیہ وآلہ وسلم کانفرنس منعقد ہوئی جس میں ٹورنٹو اور دیگرمقامات سے آئی خواتین نے شرکت کی
تحریک منہاج القرآن چکوال کے زیراہتمام اسلامک سنٹر کی تعمیر کا کام جاری ہے۔ اس کا رقبہ 13 کنال پر مشتمل ہے جسے 100 کنال تک بڑھایا جا سکتا ہے۔ 6 کنال رقبے پر ایک بلڈنگ تیار ہو چکی ہے جو کہ بیسمنٹ کے علاوہ 4 منزل پر مشتمل ہے۔ ساتھ میں ایک خوبصورت مسجد بھی تیار ہے۔ ادارے کا سنگ بنیاد جولائی 2010 میں ناظم اعلیٰ تحریک منہاج القرآن انٹرنیشل ڈاکٹر رحیق عباسی نے رکھا تھا۔
منہاج القرآن انٹر نیشنل کے سربراہ شیخ الاسلام ڈاکٹر محمد طاہر القادری نے کہا ہے کہ علم کی شمع سے دنیا کے اندھیروں کو دور کیا جا سکتا ہے اور کسی بھی ملک کی ترقی و خوشحالی اور استحکام اعلیٰ تعلیم کارکردگی کے بغیر ناممکن ہے۔ بدقسمتی سے پاکستان اس وقت جس مشکل دور سے گزر رہا ہے اس کے ذمہ داری اب تک کی برسراقتدار سیاسی قیادت پر ہے۔ جس نے عوام کو وہ علمی ماحول فراہم نہیں کیا جس میں ہماری نسلیں پروان چڑھ کر اپنے ملک اور قوم کے مستقبل کو روشن بنا سکتیں۔
مصطفوی سٹوڈنٹس موومنٹ اسلام آباد کے زیر اہتمام 11 اکتوبر کو کمیونٹی سنٹر G-9 میں طلبہ کنونشن کا انعقاد کیا گیا جس میں ایم ایس ایم پاکستان کے مرکزی صدر چوہدری عرفان یوسف، نائب صدر رضی طاہر، ڈپٹی سیکرٹری جنرل محمد قاسم مرزا، ڈپٹی سیکرٹری اطلاعات پاکستان عوامی تحریک عمر ریاض عباسی، صدر ایم ایس ایم اسلام آباد سعید خان نیازی نے خصوصی شرکت کی۔ کنونشن میں کامرہ، اٹک، واہ کینٹ اور راولپنڈی کے عہدیداران بھی شریک تھے۔
مصطفوی سٹوڈنٹس موومنٹ لودھراں کے زیراہتمام امید پاکستان طلبہ کنونشن کا انعقاد 24 اکتوبر کو اسلامک سنٹر لودھراں میں ہوا جس کی صدارت مرکزی صدر ایم ایس ایم پاکستان چوہدری عرفان یوسف نے کی، جبکہ مہمان خصوصی سینئر نائب صدر ایم ایس ایم پاکستان عبدالعمار منعم، سید وقاص بخاری کوآرڈینیٹر ایم ایس ایم ملتان ڈویژن، عمر فاروق ضلعی کوآرڈینیٹر لودھراں، صدر ایم ایس ایم لودھراں محمد امیر علی شریک تھے۔
عید الاضحی سال 2013 کے موقع پر منہاج ویلفیئر فاؤنڈیشن کے زیراہتمام پاکستان کے دیگر علاقوں کی طرح جہانیاں میں بھی اجتماعی قربانی کی گئی۔ جن کا گوشت علاقہ بھر کے غرباء میں تقسیم کیا گیا اور گھر گھر جا کر شیخ الاسلام ڈاکٹر محمد طاہرالقادری کی طرف سے عید کی مبارکباد بھی دی گئی۔ اس موقع پر منہاج القرآن کے کارکنان نے بڑھ چڑھ کر کار خیر میں حصہ لیا۔
منہاج القرآن ویمن لیگ لاہور کے زیراہتمام عیدالاضحی کے دن دارالامان شیلٹر ہوم میں بے سہارا، لاوارث خواتین اور بچوں کے اعزاز میں تقریب کا انعقاد کیا گیا جس میں مرکزی ناظمہ محترمہ راضیہ نوید نے خصوصی شرکت کی۔ تقریب کا باقاعدہ آغاز تلاوت کلام پاک اور نعت رسول مقبول صلی اللہ علیہ وآلہ وسلم سے ہوا۔ اس موقع پر ناظمہ تربیت محترمہ سیدہ شازیہ مظہر، ناظمہ دعوت محترمہ سیدہ نازیہ مظہر، آفس سیکرٹری کمپوٹرآپریٹر محترمہ نبیلہ یوسف، محترمہ صائمہ، محترمہ کلثوم عبدالرحمن نے بھی شرکت کی۔
ڈاکٹر محمد طاہر القادری نے مطالبہ کیا ہے کہ صرف نادرہ کی بجائے صوبوں کے 40 سے 50 حلقوں کے نتائج کو خود مختار عالمی نیوٹرل کمیشن کے تحت چیک کروایاجائے تاکہ انتخابات 2013 میں ہونے والی دھاندلی کے حقائق قوم کے سامنے آ سکیں۔ نادرہ چند حلقوں کی دھاندلی سامنے لا یا ہے، مزید حلقوں کی چیکنگ کا کام تنہا اسکے سپرد کرنا بڑی غلطی ہو گی ایسا ممکن ہے کہ نادرہ اپنی ساکھ بحال کر کے بقیہ حلقوں کے نتائج کو درست قرار دے۔
تحریک منہاج القرآن اور منہاج القرآن یوتھ لیگ اورنگی ٹاؤن (کراچی) کے زیراہتمام کراچی شہر کے مختلف ٹاؤنز اور یونین کونسلز میں پروجیکٹر پروگرامز کا آغاز کر دیا گیا ہے، جس میں شیخ الاسلام ڈاکٹر محمد طاہر القادری کے بیدارئ شعور اور موجودہ سیاسی، سماجی اور کرپٹ نظام انتخاب سے متعلق خطابات، انٹرویوز اور شارٹ کلپس سنائے جائیں گے۔ واضح رہے کہ پروگرام کا انعقاد روزانہ کی بنیاد پر کیا جائے گا۔
تحریک منہاج القرآن تحصیل چینوٹ کے زیراہتمام حلقہ فہم دین کا انعقاد کیا گیا جس میں مرکزی ناظم دعوت تحریک منہاج القرآن علامہ رانا محمد ادریس نے خصوصی شرکت کی۔ حلقہ کا باقاعدہ آغاز تلاوت کلام پاک اور نعت رسول مقبول صلی اللہ علیہ وآلہ وسلم سے کیا گیا۔ اس موقع معروف دینی و سماجی شخصیات کے علاوہ علاقہ بھر سے مرد و خواتین کی کثیر تعداد نے بھی شرکت کی۔
مصطفوی سٹوڈنٹس موومنٹ کے زیراہتمام ہری پور میں امید پاکستان طلبہ کنونشن کا انعقاد مورخہ 12 اکتوبر 2013ء کو کیا گیا جس کی صدارت مرکزی صدر ایم ایس ایم پاکستان چوہدری عرفان یوسف نے کی، جبکہ دیگر مہمانوں میں نائب صدر ایم ایس ایم پاکستان رضی طاہر، ڈویژنل کوآرڈینیٹر ایم ایس ایم علی رضا، امیر تحریک ہزارہ ضیاء الرحمن، ناظم TMQہزارہ ارشد طاہر، صدر تحریک ہری پور ڈاکٹر جہانگیر خان عباسی نے شرکت کی۔
3.6M
فیس بک
1.9M
ٹوٹر
© 1994 - 2024 Minhaj-ul-Quran International.