پروفیسر ڈاکٹر حسین محی الدین قادری کی چیئرمین ڈی آئی خان نیو سٹی جہانگیر سیف اللہ خان سے خصوصی ملاقات
پروفیسر ڈاکٹر حسین محی الدین قادری کے ڈی آئی خان نیو سٹی پہنچنے پر چیئرمین جہانگیر سیف اللہ خان، جی ایم لینڈ شکیل خان اور بزنس ہیڈ دانش افتخار نے پرتپاک استقبال کیا۔ ملاقات کے دوران پروفیسر ڈاکٹر حسین محی الدین قادری نے پاکستان سمیت عالمی سطح پر قائم منہاج القرآن کے تعلیمی ادارہ جات کے مثبت اور دیرپا اثرات پر تفصیلی گفتگو کی۔ چیئرمین جہانگیر سیف اللہ خان نے اس موقع پر گفتگو کرتے ہوئے کہا کہ منہاج القرآن انٹرنیشنل حقیقی معنوں میں قوم و ملت کی فکری و علمی تربیت کر رہی ہے۔ انہوں نے کہا کہ اہلِ علاقہ کی خوش قسمتی ہے کہ انہیں منہاج یونیورسٹی کے کیمپس کی صورت میں معیاری تعلیم کے گہوارے تک رسائی حاصل ہوگی۔ ملاقات میں پہاڑ پور میں مختلف سماجی و تعلیمی منصوبوں کی ضرورت اور اہمیت پر بھی مشاورت کی گئی۔ آخر میں پروفیسر ڈاکٹر حسین محی الدین قادری کی سالگرہ کا کیک بھی کاٹا گیا۔
اس موقع پر ناظمِ اعلیٰ منہاج القرآن انٹرنیشنل خرم نواز گنڈاپور، چوہدری عرفان یوسف، پروفیسر ڈاکٹر خرم شہزاد، میجر محمد سلمان، عبد الرحمن اور دیگر شخصیات بھی موجود تھیں۔
تبصرہ