شیخ الاسلام ڈاکٹر محمد طاہرالقادری کا تحریکِ منہاج القرآن کے عظیم راہنما اور اوائل دور کے باوفا رفیق ملک فضل حسین اعوان کے انتقال پر اظہارِ افسوس
بانی و سرپرستِ اعلیٰ تحریک منہاج القرآن شیخ الاسلام ڈاکٹر محمد طاہرالقادری نے تحریکِ منہاج القرآن کے عظیم راہنما اور اوائل دور کے باوفا رفیق، سابق ڈائریکٹر اکاؤنٹس ادارہ منہاج القرآن ملک فضل حسین اعوان کے انتقال پر گہرے رنج و غم کا اظہار کرتے ہوئےاپنے تعزیتی پیغام میں کہا ہے کہ ملک فضل حسین تحریک منہاج القران کے عظیم راہنما، سرمایۂ فخر تھے، اُن کی مشن مصطفوی کےلیے تاریخی اور ناقابلِ فراموش خدمات ہیں، وہ ایک دیانت دار، فرض شناس، نہایت ملنسار، سادہ مزاج اور بااخلاق شخصیت کے مالک تھے۔
مشن کےلیے ملک فضل حسین کی خدمات ہر اعتبار سے قابل تحسین اور قابل تقلید ہیں، مرحوم آخری سانس تک مشن کے ساتھ وابستہ رہے، اللہ تعالیٰ مرحوم کے درجات بلند فرمائے ان کی قبر کو جنت کے باغوں میں سے ایک باغ بنائے اور انھوں نے مشن مصطفیٰ صلی اللہ علیہ والہ وسلم کی سربلندی کے لیے جو خدمات انجام دیں اللہ رب العزت انھیں توشہ آخرت بنائے، اللہ تعالیٰ سوگوار خاندان کو یہ صدمہ برداشت کرنے کی توفیق عطا فرمائے۔
چیئرمین سپریم کونسل پروفیسر ڈاکٹر حسن محی الدین قادری، صدر منہاج القرآن انٹرنیشنل پروفیسر ڈاکٹر حسین محی الدین قادری، ناظم اعلیٰ خرم نواز گنڈاپور، بریگیڈئیر(ر) عمر حیات، کرنل (ر) خالد جاوید، نائب ناظمین اعلیٰ علامہ رانا محمد ادریس، ڈاکٹر محمد رفیق نجم، نوراللہ صدیقی و دیگر رہنماؤں نے بھی ملک فضل حسین کے انتقال پر گہرے دکھ اور افسوس کا اظہار کرتے ہوئے مرحوم کی بخشش و مغفرت اور بلندیٔ درجات کے لیے دعا کی ہے۔
دریں اثنامرحوم کی نماز جنازہ جامع شیخ الاسلام میں ادا کی گئی۔ نماز جنازہ میں مرحوم کے بیٹوں محمد بشارت، محمد شہزاد سمیت تحریک منہاج القرآن کے رہنمائوں جی ایم ملک، شکیل احمد طاھر، عبدالرحمان ملک، صوفی مقصود احمد، سکوارڈن لیڈر(ر) عبدالعزیز، سید امجد علی شاہ، رانا محمد فاروق، شفقت ندیم، میاں زاہد اسلام، عاقل ملک، ساجد محمود بھٹی، محمد طیب، محمد عباس نقشبندی، مرزا خالد، چودھری ریاض، حفیظ اللہ جاوید، محمد رشید بھٹی، ملک محمد اعوان، محمد نعیم سمیت دیگر نے شرکت کی۔
تبصرہ