شہراعتکاف میں منرل واٹر اور ٹھنڈے پانی کے خصوصی انتظامات

تحریک منہاج القرآن کے شہراعتکاف میں معتکفین کے لیے سخت ترین گرمی میں ممکنہ بہترین انتظامات کیساتھ سہولیات فراہم کی گئی ہیں۔ سحری و افطاری کے اوقات میں معتکفین کے لیے منرل واٹر اور ٹھنڈے پانی کے خصوصی انتظامات کیا گیا ہے۔ شہراعتکاف میں منرل واٹر کا خصوصی پلانٹ کام کر رہا ہے، جہاں معتکفین اپنی ضرورت کے مطابق پینے کا صاف پانی لیتے ہیں۔

پانی کو ٹھنڈا کرنے کے لیے برف کی مفت فراہمی بھی جاری ہے۔ اس موقع پر انتظامیہ کی طرف سے معتکفین کو بروقت برف فراہم کی جاتی ہے۔ معتکفین منرل واٹر اور برف حاصل کرنے میں نظم و ضبط کا مظاہرہ کرتے ہیں۔ علاوہ ازیں معتکفین کی سحری و افطاری کے لیے حفظان صحت کے اصولوں کیمطابق کھانا بھی تیار کیا جاتا ہے۔