امت مسلمہ کا وقار اور بقاء اتحاد و یکجہتی میں ہے: ڈاکٹر طاہرالقادری

مورخہ: 10 اگست 2019ء

قائد منہاج القرآن کی ملت اسلامیہ کوحج اور عیدالاضحی پر مبارکباد، پاکستان کی سلامتی کیلئے دعا
اللہ تعالیٰ دنیا بھر میں آزمائش سے دو چار مسلمانوں کی مدد فرمائے، ان کی مشکلات دور کرے

Dr Tahir-ul-Qadri congratulates Muslims on Eid-ul-Azha and Hajj

لاہور (10 اگست 2019ء) قائد تحریک منہاج القرآن شیخ الاسلام ڈاکٹر محمد طاہرالقادری نے کہا ہے کہ امت مسلمہ اور اسلامیان پاکستان کو حج اور عید الاضحی کی بابرکت ساعتیں مبارک ہوں، اللہ تعالیٰ دنیا بھر کے مسلمانوں پر اپنا فضل فرمائے اور جہاں جہاں مسلمان تکالیف اور آزمائش سے دو چار ہیں وہاں اللہ تعالیٰ ان کی غیب سے مدد فرمائے، ان کی مشکلات دور کرے اور ان کے لیے خوش و خرم زندگی گزارنے کے اسباب پیدا کرے۔ انہوں نے اپنے پیغام میں کہا کہ امت مسلمہ کی ترقی، خوشحالی اور معاشی استحکام اتحاد و یکجہتی میں ہے، جس روز امت فروعی اختلافات بھلا کر ایک مٹھی کی طرح ہو جائے گی اسی دن سازشیں اور ناپاک منصوبے ریت کی دیوار کی طرح زمین بوس ہو جائیں گے۔ انہوں نے کہا کہ امت کے وقار کی بحالی اور اسلام کی نشاۃ ثانیہ نوجوانوں کی اعلیٰ تعلیم و تربیت اور علم و ہنر سے مشروط ہے، رواں صدی جو قومیں جدید سائنس اور ٹیکنالوجی سے لاتعلق رہیں گی وہ اپنے اقتدار اعلیٰ کی حفاظت کر سکیں گی اور نہ ہی اپنے عقائد و نظریات کی ترویج کو روبہ عمل لا سکیں گی۔ انہوں نے کہا کہ عیدالاضحی کے بابرکت لمحات میں قوم کے بیٹوں اور بیٹیوں کے لیے میرا پیغام ہے کہ وہ اپنی ساری توجہ بامقصد تعلیم و تربیت پر مرکوز کریں، نماز پنجگانہ کی ادائیگی، تلاوت قرآن پاک اور سیرت طیبہ ﷺ کے مطالعہ کو اپنے معمولات کا حصہ بنائیں، انسانیت کی خدمت اور فلاحی کاموں میں بڑھ چڑھ کر حصہ لیں۔ عیدالاضحی کے موقع پر منہاج القرآن کی ملک بھر کی تنظیمات انفرادی اور اجتماعی قربانی کے موقع پر مستحقین کو اولین فہرست میں شامل کریں، انہیں خوشیوں میں شریک کریں، عیدالاضحی کے ایام انتہائی مبارک اور مقدس ہیں، ان ایام میں اللہ رب العزت سے کی جانے والی کوئی دعا رائیگاں نہیں جائے گی، ملک اور عوام کی بہتری اور تحفظ کے لیے اللہ رب العزت کے حضور دعا گو رہیں۔

تبصرہ

تلاش

ویڈیو

پیش آمدہ مواقع

Minhaj TV
Quran Reading Pen
We Want to CHANGE the Worst System of Pakistan
Presentation MQI websites
Advertise Here
Top