شہراعتکاف: تربیتی و تدریسی حلقہ جات میں سکالرز کے لیکچرز

تحریک منہاج القرآن کے شہرِ اعتکاف میں دوسرے روز معتکفین کی تربیت کے لیے علمی تربیتی و تدریسی حلقہ جات کا انعقاد کیا گیا، جس میں نائب ناظمین اعلیٰ اور نظامت تربیت کے اسکالرز و معلمین قرآنیات، فقہ، تجوید و قرآت کے موضوعات پر لیکچرز دیئے۔

اس موقع پر سکالرز نے تربیتی حلقہ جات میں معتکفین کو ’’تجوید، عربی گرائمر اور فقہی مسائل‘‘ بارے بھی بتایا۔ تربیتی حلقہ جات میں معتکفین کو بنیادی دینی و فقہی مسائل سے مکمل اگاہی بھی دی جا رہی ہے۔ اس موقع پر تربیتی حلقہ جات میں معتکفین شرکاء کے سوالات کے جوابات بھی دیئے جا رہے ہیں۔ یہ تربیتی حلقہ جات شہر اعتکاف میں پورے 10 دن جاری رہیں گے۔