منہاج انسٹیٹیوٹ آف قرأت و تحفیظ القرآن دارالعلوم فریدیہ قادریہ جھنگ صدر میں قائد ڈے تقریب 2023

منہاج انسٹیٹیوٹ آف قرأت و تحفیظ القرآن دارالعلوم فریدیہ قادریہ جھنگ صدر میں حضور شیخ الاسلام ڈاکٹر محمد طاہرالقادری کا 72 واں یومِ ولادت نہایت تزک و احتشام کے ساتھ منایا گیا۔

قائد ڈے پروگرام کی صدارت الحاج محمد صبغت اللہ قادری نے فرمائی۔ جبکہ صاحبزادہ محمد طاہر قادری، صاحبزادہ محمد رضاءالمصطفیٰ قادری، صاحبزادہ محمد زین العابدین قادری، رانا محمد ارشد خاں، مسز مریم آفتاب قادری، عنایۃ الزھراء قادری، مسز امّ سلمہ قادری اور مسزمریم قدیر قادری صاحبہ مہمانانِ خصوصی کے طور پر شریک ہوئے۔

طلباء و طالبات نے تلاوتِ قرآن مجید اور نعت خوانی کے علاوہ قائد ڈے کے خصوصی ترانے پیش کرکے حاضرین کے دلوں کو گرمایا اور انگلش و اردو تقاریر کے ذریعے قائدِ محترم کو خراجِ عقیدت پیش کیا۔

آخر میں قائد ڈے کا خوبصورت کیک کاٹا گیا اور تمام احباب کیلئے ریفریشمنٹ اور کھانے کا اھتمام بھی کیا گیا۔ الحاج محمد صبغت اللہ قادری نے اختتامی دعا فرمائی۔