تحریک منہاج القرآن پاکستان کی خبریں

سالانہ روحانی اجتماع شب برات ۔ کراچی

سالانہ روحانی اجتماع شب برات ۔ کراچی

شعبان المعظم کے بابرکت مہینے میں 27 شعبان المعظم کو تحریک منہاج القرآن کراچی ڈویژن کے زیراہتمام جامع مسجد رحمانیہ ٹرسٹ طارق روڈ میں منعقد ہوا جس کی صدارت تحریک منہاج القرآن عوامی داد رسی سیل کے چیئرمین ڈاکٹر خواجہ محمد اشرف نے کی جبکہ مہمانان خصوصی میں سابق وفاقی وزیر ایس ایم منیر، سابق وفاقی وزیر میر نواز مروت، قاضی زاہد حسین، مسعود عثمانی، قیصراقبال قادری، پروفیسر نعیم انور نعمانی، سید ظفراقبال، اطہرجاوید صدیقی، آصف پی پی، محمود میمن، زاہد لطیف، جاوید پی پی، مفتی رفیق الحسنی، حافظ محمد اصغر، محمد الیاس مغل، کے علاوہ کثیر تعداد میں علماء و مشائخ نے شرکت کی۔ جبکہ نقابت کے فرائض حامد رضا قادری نے ادا کئے۔ اس موقع پر معروف ثناء خوان رسول صلی اللہ علیہ وآلہ وسلم الحاج محمد صدیق اسماعیل، خالد حسین، حافظ محمد سرور سہروردی، رب نواز، معاذ علی نظامی، عدیل قاسمی اور قاضی کامران کے علاوہ کثیر تعداد میں ثناخوان رسول صلی اللہ علیہ وآلہ وسلم نے بارگاہ رسالت مآب میں ہدیہ عقیدت کے پھول نچھاور کئے اور محفل میں محبت و عشق مصطفیٰ صلی اللہ علیہ وآلہ وسلم کی دھوم مچا دی۔

25 اگست 2007ء

عرفان القرآن کورس کی تقریب رونمائی

عرفان القرآن کورس کی تقریب رونمائی

حافظ محمد سعید رضا بغدادی (منہاجین) کی کتاب "عرفان القرآن کورس" کی تقریب رونمائی 22 اگست 3 بجے سہ پہر کانفرنس ہال مرکزی سیکرٹریٹ تحریک منہاج القرآن میں منعقد ہوئی۔ پروگرام کا آغاز تلاوت کلام پاک سے ہوا۔ حضور نبی اکرم صلی اللہ علیہ وآلہ وسلم کی بارگاہ اقدس میں گلہائے عقیدت کی سعادت شکیل احمد طاہر نے حاصل کی۔ نقابت کے فرائض بالترتیب ایڈیٹر دختران اسلام علامہ محمد حسین آزاد اور مرکزی ناظم علماء کونسل علامہ سید فرحت حسین شاہ نے انجام دیئے۔

22 اگست 2007ء

جیوے پاکستان یوتھ سیمینار ڈیرہ غازی خان

جیوے پاکستان یوتھ سیمینار ڈیرہ غازی خان

منہاج القرآن یوتھ لیگ ڈیرہ غازی خان کے زیراہتمام گذشتہ دنوں جیوے پاکستان یوتھ سیمینار کا انعقاد کیا گیا جس میں مرکزی صدر منہاج القرآن یوتھ لیگ بلال مصطفوی نے خطاب کرتے ہوئے کہا کہ یوم آزادی شیان شان طریقے سے منانا زندہ قوموں کا شیوا ہے۔ یہ دن ہمیں اپنے اسلاف کی قربانی کی یاد دلاتا ہے۔ آزادی کی نعمت پر اظہار تشکر کرتے ہوئے اللہ تعالیٰ کے حضور شکر بجا لانا ہر محب وطن پاکستانی کا فرض ہے۔ انہوں نے کہا کہ اس وقت وطن عزیز کو مختلف چیلنجز کا سامان ہے۔ جن سے نمٹنے کیلئے اور پاکستان کے استحکام کے لیے ہر شہری کو اپنا کردار ادا کرنا ہوگا۔ مسلم نوجوانوں کا اپنی تہذیب و ثقافت کے احیاء اور خود اپنے لیے ذہنی وروحانی تسکین کے حصول کی خاطر مسلسل جدوجہد کرنا ہوگی۔ اس مسلسل جدوجہد کی پہلی منزل فکری تربیت اور تعلیمی تحریک ہے۔ استحکام پاکستان کے لیے جیوے پاکستان کے نام سے ایک ملک گیر مہم کا آغاز کیا گیا۔ اس پر امن مہم کے دوران یوم آزادی کے موقع پر 65 شہروں میں جیوے پاکستان کے نام سے موٹر سائیکل ریلیوں کا انعقاد ہوا۔ 22 شہروں میں کھیلوں کے مقابلے ہوئے جن میں یوتھ لیگ کے مرکزی قائدین اور اہم مقامی سیاسی، سماجی شخصیات نے شرکت کی۔ علاوہ ازیں تقریری مقابلے اور سیمینارز بھی منعقد کئے گئے۔

14 اگست 2007ء

منہاج القرآن یوتھ لیگ راجن پور کے تحت جیوے پاکستان موٹر سائیکل ریلی

منہاج القرآن یوتھ لیگ راجن پور کے تحت جیوے پاکستان موٹر سائیکل ریلی

منہاج القرآن یوتھ لیگ نے اگست 2007 ’’جیوے پاکستان یوتھ مہم‘‘ کے طور پر منانے کا اعلان کیا تو نوجوانوں میں خوشی کی لہر دوڑ گئی۔ اس موقع پر ملک بھر میں جیوے پاکستان ریلیاں اور سیمینارز کا انعقاد کیا گیا۔ مرکزی قائدین کا ٹائم ملتے ہی راجن پور یوتھ میں ایک خوشی کی لہر دوڑ گئی اور بھر پور طریقے سے ریلی کی تیاریاں شروع کر دی گئیں۔ جوں جوں 24 اگست کا دن قریب آرہا تھا توں توں جوانوں کی محنت میں تیزی آرہی تھی۔ کیونکہ یہ یوتھ کے تحت راجن پور میں ہونے والا پہلا پروگرام تھا جس میں مرکزی صدر منہاج القرآن یوتھ لیگ اور مرکزی نائب صدر مصطفوی سٹوڈنٹس موومنٹ تشریف لا رہے تھے۔ فاضل پور سے لیکر راجن پور تک انڈس ہائی وے کے دونوں اطراف خیر مقدمی وال چاکنگ کی گئی تھی، فاضل پور اور راجن پور کو بینروں سے سجا دیا گیا تھا۔ اس موقع پر تقریباً ہر جوان تک دعوت پہنچائی گئی تھی جبکہ کیبل نیٹ ورک پر بھی مسلسل کئی دن سے اشتہارات آرہے تھے۔

14 اگست 2007ء

عالمی یوتھ ڈے کے موقع پر سیمینار ’’نوجوان امن چاہتے ہیں‘‘

عالمی یوتھ ڈے کے موقع پر سیمینار ’’نوجوان امن چاہتے ہیں‘‘

منہاج القرآن لیگ کے زیر اہتمام 12 اگست کو عالمی یوتھ ڈے کے موقع پر ایمبیسڈر ہوٹل لاہور میں ’’نوجوان امن چاہتے ہیں (Youth Want Peace)‘‘ کے عنوان سے سیمینار کا انعقاد کیا گیا۔ پروگرام کی صدارت مرکزی صدر منہاج القرآن یوتھ لیگ بلال مصطفوی نے کی۔ ناظم اعلیٰ تحریک منہاج القرآن ڈاکٹر رحیق احمد عباسی، برائن ڈی ہنٹ پرنسپل آفیسر امریکن قونصلیٹ لاہور، ساجد محمود بھٹی مرکزی ناظم یوتھ اور ڈائریکٹر فارن افیئرز جی ایم ملک نے بطور مہمان خصوصی شرکت کی۔

12 اگست 2007ء

گوشہ درود کی عمارت

گوشہ درود کی عمارت

تحریک منہاج القرآن کے گوشہ درود کی عمارت “مینارۃ السلام” کی تعمیر کا کام تیزی سے جاری ہے۔ اس سلسلے میں گزشتہ دنوں تہہ خانے کی تعمیر شروع ہوئی تھی اس حصے میں کنکریٹ کے لینٹر کی تعمیر کا پہلا مرحلہ مکمل ہو گیا ہے۔

08 اگست 2007ء

منہاج ماڈل سکول شیخوپورہ کے طالب علم محمد بلال کا اعزاز

منہاج ماڈل سکول شیخوپورہ کے طالب علم محمد بلال کا اعزاز

منہاج ماڈل سکول طاہر آباد ضلع شیخوپورہ کے ہونہار طالب علم محمد بلال نے میٹرک کے امتحان میں لاہور بورڈ کی طرف سے تحصیل شیخوپورہ میں تیسری پوزیشن حاصل کی ہے۔ انہوں نے لاہور بورڈ کے امتحان میں رولنمبر 119311 کے تحت میٹرک کے امتحان سال 2007ء میں 718 نمبر حاصل کیے ہیں۔ اس شاندار کامیابی پر سکول انتظامیہ اور بالخصوص منہاج ایجوکیشن سوسائٹی لاہور نے محمد بلال کو خصوصی مبارکباد دی ہے۔

06 اگست 2007ء

تحریک منہاج القرآن کے گوشہ درود کی عمارت کی کھدائی کا پہلا مرحلہ مکمل

تحریک منہاج القرآن کے گوشہ درود کی عمارت کی کھدائی کا پہلا مرحلہ مکمل

گوشہ درود کی تعمیر کا پہلا مرحلہ مکمل ہو گیا ہے۔ اس مرحلے میں گوشہ درود کی عمارت "مینارۃ السلام" کے تہہ خانے کی کھدائی کی گئی ہے۔ مرکزی سیکرٹریٹ کے لان میں 15 فٹ زیر زمین اس کھدائی کے عمل کو 10 دن قبل شروع کیا گیا تھا۔ اس مرحلے میں ایک بڑی کرین کے ذریعے کھدائی کی گئی۔ گزشتہ روز اس کو مکمل کر لیا گیا ہے۔ مرکزی سیکرٹریٹ کے لان کے مغربی طرف کچھ حصے کی کھدائی نہیں کی گئی کیونکہ اس جگہ پر زمین سے 85 فٹ بلند مینار "مینارۃ السلام" تعمیر ہو گا۔

04 جولائی 2007ء

رشدی کو سر کا خطاب دینے کیخلاف پاکستان عوامی تحریک کے تحت ملک گیر احتجاجی مظاہرے

رشدی کو سر کا خطاب دینے کیخلاف پاکستان عوامی تحریک کے تحت ملک گیر احتجاجی مظاہرے

پاکستان عوامی تحریک نے برطانیہ کی طرف سے ملعون سلمان رشدی کو "سر" کا خطاب دیئے جانے کے خلاف چاروں صوبوں سمیت آزادکشمیر میں ضلعی سطح پر احتجاجی مظاہرے کیے۔ مرکزی سطح پر لاہور پریس کلب کے سامنے ہونیوالے پرامن احتجاجی مظاہرے کی قیادت مرکزی صدر فیض الرحمن درانی، سیکرٹری جنرل انوار اختر ایڈووکیٹ اور سینئر نائب صدر چودھری محمد شریف نے کی۔

20 جون 2007ء

گوشہٴ درود کے تعمیراتی کام کا آغاز

گوشہٴ درود کے تعمیراتی کام کا آغاز

تحریک منہاج القرآن کے گوشہٴ درود کی عمارت "مینارۃ السلام" کی باقاعدہ تعمیر گزشتہ روز مؤرخہ 18 جون 2007ء کو شروع کر دی گئی۔ اس موقع پر ایک مقامی تعمیراتی کمپنی کے ورکرز نے اس تعمیراتی کام کا آغاز کیا۔ گوشہٴ دوود کی اس تعمیر کے ابتدائی مرحلے میں مرکزی سیکرٹریٹ کے لان کی جگہ پر زیر زمین تہہ خانہ کی تعمیر ہو گی۔ اس سلسلے میں مشرقی لان میں ایک بڑی کرین کے ذریعے کھدائی کا کام شروع کیا گیا ہے۔ اس سے دو روز قبل مرکزی سیکرٹریٹ کے وسطی حصے میں واقع مرکزی نظامت امور داخلہ کی عمارت کو گرا دیا گیا۔

18 جون 2007ء

منہاجینز کوارڈینیٹرز کا پہلا اجلاس

منہاجینز کوارڈینیٹرز کا پہلا اجلاس

منہاجینز کوارڈینٹیرز کا پہلا اجلاس 24 مئی کو کالج آف شریعہ میں منعقد ہوا، جس کی صدرات شیخ الحدیث علامہ محمد معراج الاسلام نے کی۔ مفتی عبدالقیوم خان ہزاروی، علامہ محمد نواز ظفر اور میاں محمد عباس بھی اس موقع پر موجود تھے۔

24 مئی 2007ء

منہاج ویلفیئر فاؤنڈیشن کے زیراہتمام اجتماعی شادیوں کی عظیم الشان تقریب

منہاج ویلفیئر فاؤنڈیشن کے زیراہتمام اجتماعی شادیوں کی عظیم الشان تقریب

منہاج ویلفیئر فاؤنڈیشن کے زیراہتمام اجتماعی شادیوں کی عظیم الشان تقریب مؤرخہ 6 مئی 2007 بروز اتوار مرکزی سیکرٹریٹ ماڈل ٹاؤن لاہور کے بالمقابل گراؤنڈ میں منعقد ہوئی جس میں ملک بھر سے غریب اور نادار خاندانوں کے 23 جوڑوں کی شادی کا اہتمام کیا گیا تھا۔ فی شادی ایک لاکھ روپے کے حساب سے 23 لاکھ روپے کے اخراجات ہوئے۔ پنڈال کو خوبصورتی سے سجایا گیا تھا اور بینڈ باجے کا بھی انتظام موجود تھا۔ سینکڑوں مہمانوں کے لئے بہترین کھانے کا اہتمام کیا گیا تھا۔ پنڈال وقفے وقفے سے جیوے جیوے طاہر جیوے اور مصطفیٰ کی ہے کلی طاہرالقادری کے نعروں سے گونجتا رہا۔ تقریب میں شریک ہونے والے جوڑوں کا تعلق لاہور، صوابی، راولپنڈی، مانگا منڈی، اوکاڑہ، مظفر آباد، مرید کے، پاکپتن، گوجر خان، جھنگ، نارنگ منڈی، مانسہرہ، دیپالپور اور لاڑکانہ سے تھا۔ اس پروقار تقریب کی صدارت ناظم اعلیٰ ڈاکٹر رحیق احمد عباسی نے کی۔ تقریب کے دوران صدر دارالافتاء منہاج القرآن مفتی عبدالقیوم خان ہزاروی نے 23 جوڑوں کے نکاح کا اعلان کیا اور وضاحت کی ہر جوڑے کا نکاح علیحدہ علیحدہ کرایا گیا ہے۔

06 مئی 2007ء

سرگودھا میں عظیم الشان یوتھ کنونشن

سرگودھا میں عظیم الشان یوتھ کنونشن

منہاج القرآن یوتھ لیگ اور مصطفوی سٹوڈنٹس موومنٹ کے زیر اہتمام مورخہ 29 اپریل کو شاہینوں کے شہر سرگودھا میں عظیم الشان یوتھ کنونشن کا انعقاد کیا گیا۔ ناظم اعلیٰ تحریک منہاج القرآن ڈاکٹر رحیق احمد عباسی نے اس تقریب کی صدارت کی اور مرکزی ناظم یوتھ ساجد محمود بھٹی اس تقریب کے مہمان خصوصی تھے۔ ان کے علاوہ منہاج یوتھ لیگ کے مرکزی راہنما بلال احمد مصطفوی، چوھدری ظہیر عباس گجر اور دیگر قائدین بھی معزز مہمانوں میں شامل تھے۔ سرگودھا آمد پر تمام مرکزی قائدین کے وفد کا شاندار استقبال کیاگیا۔ اس موقع پر پھولوں کے ہار پہنا کر تمام قائدین کو ایک وفد کی شکل میں پنڈال تک لایا گیا۔ اس دوران یوتھ کے کارکنان نے استقبالی نعروں کے ساتھ اس استقبالی جلوس کو مزید پروقار بنا دیا۔

29 اپریل 2007ء

سرگودھا میں عظیم الشان یوتھ کنونشن

سرگودھا میں عظیم الشان یوتھ کنونشن

منہاج القرآن یوتھ لیگ اور مصطفوی سٹوڈنٹس موومنٹ کے زیر اہتمام مورخہ 29 اپریل کو شاہینوں کے شہر سرگودھا میں عظیم الشان یوتھ کنونشن کا انعقاد کیا گیا۔ ناظم اعلیٰ تحریک منہاج القرآن ڈاکٹر رحیق احمد عباسی نے اس تقریب کی صدارت کی اور مرکزی ناظم یوتھ ساجد محمود بھٹی اس تقریب کے مہمان خصوصی تھے۔ ان کے علاوہ منہاج یوتھ لیگ کے مرکزی راہنما بلال احمد مصطفوی، چوھدری ظہیر عباس گجر اور دیگر قائدین بھی معزز مہمانوں میں شامل تھے۔ سرگودھا آمد پر تمام مرکزی قائدین کے وفد کا شاندار استقبال کیاگیا۔ اس موقع پر پھولوں کے ہار پہنا کر تمام قائدین کو ایک وفد کی شکل میں پنڈال تک لایا گیا۔ اس دوران یوتھ کے کارکنان نے استقبالی نعروں کے ساتھ اس استقبالی جلوس کو مزید پروقار بنا دیا۔

29 اپریل 2007ء

اسلامی فقہ پر شیخ الاسلام کا خصوصی لیکچر

اسلامی فقہ پر شیخ الاسلام کا خصوصی لیکچر

شیخ الاسلام ڈاکٹر محمد طاہرالقادری کا 23 اپریل کو اسلامی فقہ کے موضوع پر فرید ملت ریسرچ انسٹی ٹیوٹ میں خصوصی لیکچر ہوا۔ اس تقریب میں لاہور بار کے وکلاء لاہور ہائی کورٹ کے معزز جج صاحبان، مختلف طبقہ ہائے فکر کی معزز شخصیات اور علماء و مشائخ کی بڑی تعداد یہاں موجود تھی۔ تحریک منہاج القرآن کے مرکزی قائدین اور کالج آف شریعہ کے اساتذہ کرام کے ساتھ منہاج یونیورسٹی کے طلبہ بھی اس لیکچر میں شریک تھے۔ شیخ الاسلام نے اپنے لیکچر میں اسلامی فقہ کے حوالے سے گفتگو کرتے ہوئے کہا کہ ہمارے ملک میں ایسے سکالرز کی بڑی تعداد موجود ہے جو اسلامی تعلیمات کو صحیح نہ سمجھنے کی صورت میں غلط فہمی کا شکار ہیں۔ ایسے لوگوں کی اسلامی تعلیمات سے کم فہمی کی وجہ نام نہاد مغربی مفکرین کی اسلام کے حوالے سے لکھی گئی کتب کا مطالعہ کرنا ہے۔ ہمارے مسلم سکالرز مستشرقین کی کتب پڑھنے کے بعد اسلام کے حوالے سے اپنی رائے قائم کرتے ہیں۔ ایسے سکالرز خود کو اسلام کے سکالرز کہلاتے ہیں لیکن ان کی سٹڈی مغربی مفکرین اور مستشرقین کی انگلش کتب ہیں۔ یہ مسلم سکالرز جب اسلام کو اس کے اصل عربی متن کے ذریعے نہیں پڑھیں گے تو پھر ان کو اسلام کا صحیح علم کس طرح ہو گا؟ ایسے سکالرز اسلام کی اصل تعلیمات سے بہت دور ہیں۔

23 اپریل 2007ء

Admissions Open Minhaj University Lahore

تعارف‬‎

تحریک منہاج القرآن ایک وسیع البنیاد اسلامی تنظیم ہے، جو اسلام کے اجتہادی تصورات کو عام کرنے اور دہشت گردی و تنگ نظری کے خلاف امن اور تعامل باہمی کی تعلیمات کو فروغ دینے میں مصروف ہے۔ اس تحریک کی بنیاد شیخ الاسلام ڈاکٹر محمد طاہرالقادری نے 1980 میں لاہور میں رکھی تھی۔

eLearning by Minhaj-ul-Quran International

Official WhatsApp Group Dr Qadri

Ijazat Chains of Authority

Top