تحریک منہاج القرآن پاکستان کی خبریں

منہاج یونیورسٹی کے زیراہتمام شیخ الاسلام کی سالگرہ تقریبات

منہاج یونیورسٹی کے زیراہتمام شیخ الاسلام کی سالگرہ تقریبات

بانی و سرپرست اعلیٰ تحریک منہاج القرآن و چیئرمین پاکستان عوامی تحریک شیخ الاسلام ڈاکٹر محمد طاہرالقادری کی 56 ویں سالگرہ 19 فروری کو دنیا بھر میں منائی گئ۔ اس پُرمسرت موقع پر تحریک منہاج القرآن کے مرکز پر دو خصوصی تقریبات کا انعقاد کیا گیا۔ پہلی تقریب منہاج یونیورسٹی بغداد ٹاؤن، ٹاؤن شپ کے نیوکیمپس میں منعقد ہوئی۔ قبل ازیں 19 فروری کی صبح منہاج یونیورسٹی ٹاؤنشپ میں ہونیوالی تقریب کا آغاز صبح 11:00 بجے ہوا۔ اس کی صدارت ناظم اعلیٰ تحریک منہاج القرآن ڈاکٹر رحیق احمد عباسی نے کی جبکہ نائب ناظم اعلیٰ شیخ زاہد فیاض مہمان خصوصی تھے۔ اس موقع پر وائس چانسلر منہاج یونیورسٹی ڈاکٹر نذیر احمد رومانی، کرنل (ر) محمد احمد، جی ایم ملک، ساجد محمود بھٹی، محمد عاقل ملک، علامہ غلام ربانی تیمور، پرنسپل کالج آف شریعہ اینڈ اسلامک سٹڈیز ڈاکٹر کرامت اللہ مغل، مفتی عبدالقیوم خان ہزاروی، پروفیسر محمد نواز ظفر، محمد عباس نقشبندی، منہاج القرآن ویمن لیگ کی ناظمہ فرح ناز اور دیگر مرکزی قائدین نے شرکت کی، اس کے علاوہ منہاج یونیورسٹی و کالج آف شریعہ اینڈ اسلامک سٹڈیز، منہاج کالج برائے خواتین، تحفیظ القرآن کالج اور منہاج یونیورسٹی کے مختلف کالجز کے طلبہ و طالبات کی بڑی تعداد بھی شامل تھی۔

19 فروری 2007ء

تحریک منہاج القرآن کے مرکزی سیکرٹریٹ میں سالگرہ تقریب

تحریک منہاج القرآن کے مرکزی سیکرٹریٹ میں سالگرہ تقریب

تحریک منہاج القرآن کے مرکزی سیکرٹریٹ ماڈل ٹاؤن میں شیخ الاسلام ڈاکٹر محمد طاہرالقادری کی 56ویں سالگرہ کے سلسلہ میں 19 فروری کو دوسری تقریب منعقد ہوئی۔ یہ تقریب رات 9:00 بجے شروع ہوئی۔ ناظم اعلیٰ ڈاکٹر رحیق احمد عباسی اور نائب ناظم اعلیٰ شیخ زاہد فیاض کی زیرصدارت تقریب میں پاکستان پیپلز پارٹی کے مرکزی رہنما اور سابق سپیکر قومی اسمبلی سید یوسف رضا گیلانی مہمان خصوصی تھے۔

19 فروری 2007ء

قائد ڈے تقریب زیراہتمام منہاج القرآن ویمن لیگ راولپنڈی

قائد ڈے تقریب زیراہتمام منہاج القرآن ویمن لیگ راولپنڈی

گذشتہ دنوں منہاج القرآن ویمن لیگ راولپنڈی حلقہ پی پی 14 کے زیراہتمام قائد ڈے کے حوالے سے خصوصی تقریب کا اہتمام کیا گیا۔ اس پُر وقار تقریب کا انعقاد پاکستان عوامی تحریک ضلع راولپنڈی کے صدر رانا شہزاد کی رہائش گاہ پرکیا گیا تھا۔ محفل کی مہمانان خصوصی عامر چیمہ شہید کی والدہ گرامی مسز نذیر چیمہ اور آصف پبلک سکول راولپنڈی کی پرنسپل محترمہ شازیہ آصف تھیں۔

19 فروری 2007ء

لاہور: دانش عصر سیمینار

لاہور: دانش عصر سیمینار

شیخ الاسلام ڈاکٹر محمد طاہرالقادری کی 56ویں سالگرہ کے سلسلے میں سہ روزہ تقریبات کا آغاز 17 فروری کو "دانش عصر سیمینار" سے ہوا۔ تحریک منہاج القرآن کی طرف سے یہ خصوصی تقریب گرینڈ ہوٹل لاہور میں منعقد کی گئی۔ صوبائی وزیر تعلیم پنجاب میاں عمران مسعود نے سیمینار کی صدارت کی جبکہ شیخ الاسلام ڈاکٹر محمد طاہرالقادری کے استاد گرامی حضرت مولانا عبدالرشید رضوی جھنگوی مہمان خصوصی تھے۔ ان کے ساتھ ممبر قومی اسمبلی فاروق امجد میر، خواجہ معین الدین محبوب کوریجہ (کوٹ مٹھن شریف)، ناطم اعلیٰ تحریک منہاج القرآن ڈاکٹر رحیق احمد عباسی، صدر پاکستان عوامی تحریک و امیر تحریک مسکین فیض الرحمٰن درانی، علی غضنفر کراروی، نائب ناظم اعلیٰ شیخ زاہد فیاض، معروف سائنسدان جی سی یونیورسٹی کے سابق پرنسپل اور منہاج یونیورسٹی کے سابق وائس چانسلر ڈاکٹر عبدالمجید اعوان، میو ہسپتال لاہور کے ایم ایس ڈاکٹر فیاض رانجھا، معروف ادیب و دانشور عالمی مجلس ادب کے چیئرمین ڈاکٹر شبیہ الحسن، اردو بازار لاہور کے صدر خالد پرویز ڈاکٹر اویس فاروقی، قومی ہاکی ٹیم کے سابق کپتان محمد ثقلین، اداکار فردوس جمال اور عثمان پیرزادہ کے علاوہ ملک بھر سے صاحب علم و دانش اور مختلف طبقہ ہائے فکر کی شخصیات بڑی تعداد میں یہاں موجود تھیں۔

17 فروری 2007ء

لاہور: قائد ڈے کے موقع پر بزم منہاج کے زیراہتمام مشاعرہ کی رپورٹ

لاہور: قائد ڈے کے موقع پر بزم منہاج کے زیراہتمام مشاعرہ کی رپورٹ

شیخ الاسلام پروفیسر ڈاکٹر محمد طاہرالقادری کی 56ویں سالگرہ کے موقع پر کالج آف شریعہ (منہاج یونیورسٹی لاہور) کے طلبہ کی نمائندہ تنظیم ’’بزم منہاج‘‘ کے زیر اہتمام کُل پاکستان سالانہ ہفتہ تقریبات کا انعقاد کیا گیا۔ ان تقریبات میں 12 فروری تا 17 فروری بالترتیب مقابلہ حسن قرات و نعت، تقریری مقابلہ اردو، اردو مباحثہ، تقریری مقابلہ انگلش اور مشاعرہ کی تقریبات شامل تھیں۔ 17 فروری کو اس سلسلہ کا آخری پروگرام مشاعرہ بعنوان ’’میں ہو سُقراط مجھے زہر پلایا جائے‘‘ منعقد ہوا۔ جن میں پاکستان بھر سے 30 سے زائد یونیورسٹیز، کالجز اور مدارس کے طلبہ نے شر کت کی۔

17 فروری 2007ء

سالانہ بین الکلیاتی ہفتہ تقریبات

سالانہ بین الکلیاتی ہفتہ تقریبات

شیخ الاسلام ڈاکٹر محمد طاہرالقادری کی 56 ویں سالگرہ کے موقع پر کالج آف شر یعہ (منہاج یونیورسٹی) کے طلبہ کی نمائندہ تنظیم ’’بزم منہاج‘‘ کے زیراہتمام سالانہ آل پاکستان بین الکلیاتی ہفتہ تقریبات کا انعقاد کیا گیا۔ اس سلسلے کا چھٹا پروگرام 15 فروری 2007ء کو منہاج یونیورسٹی میں منعقد کیا گیا۔ مقابلے کا موضوع (The Role of Media in Nation Building) جس میں پاکستان بھر سے 25 سے زائد یونیورسٹیز، کالجز اور جامعات کے طلبہ نے حصہ لیا۔

15 فروری 2007ء

تحریک منہاج القرآن کی مرکزی مجلس شوریٰ کا اجلاس

تحریک منہاج القرآن کی مرکزی مجلس شوریٰ کا اجلاس

تحریک منہاج القرآن کی مرکزی مجلس شوریٰ کا اجلاس گذشتہ روز مرکزی سیکرٹریٹ ماڈل ٹاؤن میں منعقد ہوا۔ اجلاس میں ملک بھر سے تحریک منہاج القرآن کی تنظیمات کے ناظمین اور صدور نے شرکت کی۔ امیر تحریک صاحبزادہ فیض الرحمن خان درانی کی زیرصدارت اجلاس میں ناظم اعلیٰ ڈاکٹر رحیق احمد عباسی، نائب ناظم اعلیٰ شیخ زاہد فیاض، نائب امیر تحریک بریگیڈیئر (ر) اقبال احمد خان، کرنل (ر) محمد احمد، ڈاکٹر شاہد محمود، چوہدری محمد شریف، عاقل ملک، احمد نواز انجم، ساجد محمود بھٹی، فرحت حسین شاہ، رانا محمد ادریس، مرکزی شعبہ جات کے ناظمین کے علاوہ دیگر قائدین بھی موجود تھے۔

31 جنوری 2007ء

تحریک منہاج القرآن کے مرکزی قائدین کا عبدالستار منہاجین سے اظہار تعزیت

تحریک منہاج القرآن کے مرکزی قائدین کا عبدالستار منہاجین سے اظہار تعزیت

تحریک منہاج القرآن کے ناظم اعلی ڈاکٹر رحیق احمد عباسی نے مرکزی قائدین کے وفد کے ساتھ ڈپٹی ڈائریکٹر منہاج انٹرنیٹ بیورو عبدالستار منہاجین سے انکے نومولود بیٹے کی وفات پر اظہار تعزیت کیا ہے۔ اس حوالے سے گزشتہ روز ناظم اعلی ڈاکٹر رحیق احمد عباسی، جی ایم ملک، ناظم پروڈکشن شفیق احمد سعد، ناظم دعوت سید فرحت حسین شاہ، قاشر رفیق، محمد وسیم اور حاجی جمیل احمد نے عبدالستار منہاجین سے انکے بیٹے کے لیے فاتحہ خوانی کی۔ ناظم اعلیٰ ڈاکٹر رحیق احمد عباسی نے مرحوم کی وفات پر تحریک کے مرکزی قائدین اور جملہ سٹاف کی طرف سے بھی اظہار تعزیت کیا ہے۔ یاد رہے کہ عبدالستار منہاجین کے نومولود بیٹے عبدالعزیز طاہر کی گزشتہ دنوں وفات ہوئی اور مرحوم کی عمر 8 دن تھی۔

31 جنوری 2007ء

لڈن وہاڑی میں درس عرفان القرآن کی تقریب

لڈن وہاڑی میں درس عرفان القرآن کی تقریب

قرآن مجید کے نزول کا مقصد حضور نبی اکرم صلی اللہ علیہ وآلہ وسلم کی امت کو انسانیت کی امامت کا شرف عطا کرنا ہے۔ ان خیالات کا اظہار گزشتہ روز غلام مرتضےٰ علوی سینر نائب ناظم دعوت نے لڈن (وہاڑی) میں غزالی آئیڈیل ہائی سکول درس قرآن دیتے ہوئے کیا۔ انہوں نے کہا کہ ہم نے اس قرآن کے ساتھ محض ناظرہ پڑھنے، مردوں پر ایصال ثواب کرنے اور بیماریوں سے شفا حاصل کرنے کا تعلق بنا رکھا ہے۔ ہم بیٹیوں کو رخصت کرتے ہوئے ان کے سروں پر قرآں کا سایہ تو کرتے ہیں مگر یہ نہیں دیکھتے کہ ان کے سینے قرآن کے نور سے خالی رہتے ہیں۔ اسی قرآن مجید کے نور سے حضور نبی اکرم صلی اللہ علیہ وآلہ وسلم نے کائنات انسانی کے جاہل ترین معاشرے کوایسا درس دیا کہ عرب کے وہ بدو جنہیں بکریاں چرانی بھی نہیں آتی تھیں دو صدیوں کی تکمیل سے قبل انسانیت کا امام بن گئے۔ آج ضرورت اس امر کی ہے کہ قرآن مجید کو علم وہدایت کا سر چشمہ سمجھ کر ترجمے اور تفسیر کے ساتھ اس کا مطالعہ کیا جائے۔ تحریک منہاج القرآن ہی وہ تحریک ہے جو اس کتاب سے ٹوٹا ہوا تعلق بحال کر رہی ہے۔ تقریب کے انتظامات غزالی آئیڈیل ہائی سکول کے طلبہ اور اساتذہ نے خصوسی محنت کی۔ آخر میں جناب بشیر احمد دولتانہ نے مہمانوں کا شکریہ ادا کیا۔

30 جنوری 2007ء

لاہور: پیغامِ امام حسین علیہ السلام کانفرنس

لاہور: پیغامِ امام حسین علیہ السلام کانفرنس

تحریک منہاج القرآن کے زیراہتمام مرکزی سیکرٹریٹ ماڈل ٹاؤن میں پیغام امام حسین علیہ السلام کانفرنس 9 محرم الحرام کی شب منعقد ہوئی۔ مرکزی سبزہ زارہ میں ہونیوالا یہ پروگرام "سیدالشھداء سیدنا امام حسین علیہ السلام کی شہادت" کی یاد میں منعقد کیا گیا۔ کانفرنس میں تحریک منہاج القرآن کے مرکزی قائدین ناظم اعلیٰ ڈاکٹر رحیق احمد عباسی، سید علی غضنفر کراروی، شیخ زاہد فیاض، علامہ احمد نواز انجم، انوار اختر ایڈووکیٹ، ڈاکٹر شاہد محمود، خواجہ پیر غالب لاہوری، علامہ محمد عثمان سیالوی، شکیل احمد طاہر، پروفیسر ذوالفقار علی، صاحبزادہ محمد حسین آزاد اور دیگر موجود تھے۔ ان کے ساتھ ملک بھر سے نامور علماء و مشائخ اور بالخصوص اہل تشیع علماء و ذاکرین بھی یہاں موجود تھے۔

29 جنوری 2007ء

نور پور پاکپتن شریف میں درس عرفان القرآن

نور پور پاکپتن شریف میں درس عرفان القرآن

حضور صلی اللہ علیہ وآلہ وسلم کی اطاعت انسانی زندگی میں آسانیاں پیدا کرتی ہے۔ ان خیالات کا اظہارگزشتہ روز نور پور (تحصیل پاکپتن شریف) میں درس قرآن دیتے ہوئے مرکزی نائب ناظم دعوت علامہ غلام مرتضیٰ علوی نے کیا۔ انہوں نے کہا کہ انسانی سوچ، فکر اور تعلیمات ناقص ہو سکتی ہیں کیونکہ انسان ناقص ہے۔ لیکن علم نبوت وحی الٰہی سے روشنی پاتا ہے لہذا وحی الٰہی میں غلطی ممکن نہیں۔ قرآن مجید تو اپنے پڑھنے والوں کو باخبر کر رہا ہے کہ ’’ذالک الکتاب لاریب فیہ‘‘ اے انسان اس کتاب کو یقین کامل کے ساتھ تلاوت کر کیونکہ اس عظیم کتاب میں کسی شک وشبہ کی گنجائش نہیں ہے۔ انہوں نے کہا حضور صلی اللہ علیہ وآلہ وسلم کی اطاعت میں آسانیاں اور سہولتیں ہیں۔ حضور صلی اللہ علیہ وآلہ وسلم کا اسوہء حسنہ نہ صرف قیامت تک قابل تقلید ہے بلکہ یہی اسوہ انسانی فطرت کے عین مطابق ہے۔

29 جنوری 2007ء

چشتیاں: شہادت امام حسین (ع) سیمینار

چشتیاں: شہادت امام حسین (ع) سیمینار

منہاج القرآن تحصیل چشتیاں ضلع بہاولنگر کے زیراہتمام ماہانہ درس عرفان القرآن کی گذشتہ روز ایک پروقار تقریب منعقد ہوئی جس میں سینئر نائب ناظم دعوت تحریک منہاج القرآن حضرت علامہ غلام مرتضیٰ علوی مدظلہ العالی، مفتی اللہ رکھا فاروقی اور مفتی غلام فرید مدرس جامعہ نورالمدارس اور دیگر مہمانان گرامی نے شرکت کی۔ اس تقریب میں قاری عبدالرؤف نے نعت رسول مقبول صلی اللہ علیہ وآلہ وسلم پڑھی جبکہ احمد حسن فاروقی نے نقابت کے فرائض سر انجام دیے۔

28 جنوری 2007ء

لاہور: کرسمس عید ملن پارٹی

لاہور: کرسمس عید ملن پارٹی

نولکھا چرچ لاہور میں گذشتہ دنوں "عید ملن اینڈ کرسمس پارٹی" کی خصوصی تقریب منعقد ہوئی، جس میں مسلم عیسائی رہنماؤں کو مدعو کیا گیا۔ اس تقریب کا اہتمام نولکھا چرچ لاہور کے پاسٹر ڈاکٹر مجید ایبل نے کیا۔ اس تقریب میں تحریک منہاج القرآن کے مرکزی قائدین کو خصوصی طور پر مدعو کیا گیا تھا۔ تقریب میں کوریا سے آئے عیسائی وفد کے علاوہ ملک بھر سے بشپ اور پادری بھی موجود تھے۔ نائب ناظم اعلیٰ تحریک منہاج القرآن کرنل (ر) محمد احمد اور پرنسپل سیکرٹری ٹو شیخ الاسلام ڈاکٹر محمد طاہرالقادری جی ایم ملک نے تحریک منہاج القرآن کی طرف سے اس تقریب میں شرکت کی۔ تقریب کا آغاز تلاوت کلام پاک اور بائبل مقدس سے کیا گیا۔

27 جنوری 2007ء

ناظم اعلیٰ تحریک منہاج القرآن کی دورہ یورپ سے وطن واپسی

ناظم اعلیٰ تحریک منہاج القرآن کی دورہ یورپ سے وطن واپسی

ناظم اعلیٰ تحریک منہاج القرآن ڈاکٹر رحیق احمد عباسی گذشتہ روز دو ماہ کے دورہ یورپ کے بعد وطن واپس پہنچ گئے۔ آپ صبح 6 بجے فرانس سے لاہور ایئر پورٹ پر تشریف لائے۔ اس موقع پر تحریک منہاج القرآن کے مرکزی قائدین اور کارکنان نے شاندار استقبال کیا۔ مرکزی قائدین نے پھولوں کے ہار اور گلدستے پیش کر کے آپ کو خوش آمدید کہا۔ لاہور ایئر پورٹ سے آپ کو گاڑیوں کے ایک بڑے قافلہ کے ساتھ تحریک کے مرکزی سیکرٹریٹ ماڈل ٹاؤن تک لایا گیا۔

27 جنوری 2007ء

صاحبزادہ حسین محی الدین قادری کی منگنی کی خوشی میں خصوصی تقریب

صاحبزادہ حسین محی الدین قادری کی منگنی کی خوشی میں خصوصی تقریب

شیخ الاسلام ڈاکٹر محمد طاہرالقادری کے فرزند ارجمند صاحبزادہ حسین محی الدین قادری کی منگنی یکم جنوری 2007ء کو سفیر یورپ الحاج حافظ محمد نذیر خان کی صاحبزادی سے طے پائی۔ سال نو اور عیدالفطر کے مبارک موقع پر منگنی کی یہ تقریب باقاعدہ طور پر شیخ الاسلام ڈاکٹر محمد طاہرالقادری کی رہائش گاہ ماڈل ٹاؤن میں منعقد ہوئی جس میں تحریک کے مرکزی قائدین اور دیگر احباب نے شرکت کی۔ اس تقریب سعید اور منگنی کی خوشی میں گذشتہ دنوں تحریک منہاج القرآن کے مرکزی سیکرٹریٹ میں ایک پروقار تقریب کا انعقاد کیا گیا۔ اس تقریب کو خصوصی طور پر نائب ناظم اعلیٰ شیخ زاہد فیاض نے منعقد کیا۔ اس کا مقصد صاحبزادہ حسین محی الدین قادری کی منگنی کی خوشی میں باقاعدہ طور پر مرکزی سٹاف کو شریک کرنا تھا۔

01 جنوری 2007ء

Admissions Open Minhaj University Lahore

تعارف‬‎

تحریک منہاج القرآن ایک وسیع البنیاد اسلامی تنظیم ہے، جو اسلام کے اجتہادی تصورات کو عام کرنے اور دہشت گردی و تنگ نظری کے خلاف امن اور تعامل باہمی کی تعلیمات کو فروغ دینے میں مصروف ہے۔ اس تحریک کی بنیاد شیخ الاسلام ڈاکٹر محمد طاہرالقادری نے 1980 میں لاہور میں رکھی تھی۔

eLearning by Minhaj-ul-Quran International

Official WhatsApp Group Dr Qadri

Ijazat Chains of Authority

Top