تحریک منہاج القرآن پاکستان کی خبریں

منہاج القرآن یوتھ لیگ نارووال کے تحت ہاکی میچ کا انعقاد

منہاج القرآن یوتھ لیگ نارووال کے تحت ہاکی میچ کا انعقاد

منہاج القرآن یوتھ لیگ نارووال کے تحت دو تحصیلوں کے درمیان ہاکی میچ انعقاد پذیر ہوا جس میں سیکرٹری جنرل یوتھ بلال مصطفوی، نائب صدر ایم ایس ایم چوہدری ظہیر عباس گجر، ندیم نثار چوہدری (امید وار ایم این اے)، ناظم یوتھ نارووال چوہدری طیب ضیاء، صدر ایم ایس ایم لاہور ساجد ندیم گوندل اور صفدر عباس نے بطور مہمان خصوصی شرکت کی۔ نارووال ہاکی کلب نے 2 گول کی برتری سے شکرگڑھ ہاکی کلب کو شکست دے دی۔ اس موقع پر چوہدری ظہیر عباس گجر اور بلال مصطفوی نے خطاب کرتے ہوئے یوتھ اور ایم ایس ایم کا پیغام نوجوانوں تک پہنچایا۔ مہمانِ خصوصی نے کھلاڑیوں میں انعامات اور نقدی تقسیم کئے اور بلال مصطفوی نے منہاج القرآن یوتھ لیگ نارووال کی تنظیم کے لئے بیسٹ پرفارمنس شیلڈ اور شہباز شیخ (سیکرٹری سپورٹس نارووال) کو حسنِ کارکردگی کی سند دینے کا اعلان کیا۔ اس موقع پر خان عبدالقیوم خان، علامہ عبدالرزاق نقشبندی، محمد وسیم، ڈاکٹر محمد شہزاد، محمد رمیض، شہباز شیخ کے علاوہ سینکڑوں افراد موجود تھے۔

29 جولائی 2006ء

ٹیسٹ کرکٹر شاہد نذیر کی تحریک منہاج القرآن کے مرکزی سیکرٹریٹ آمد

ٹیسٹ کرکٹر شاہد نذیر کی تحریک منہاج القرآن کے مرکزی سیکرٹریٹ آمد

قومی کرکٹ ٹیم کے ہونہار فاسٹ باؤلر ٹیسٹ کرکٹر شاہد نذیر گذشتہ روز تحریک منہاج القرآن کے مرکزی سیکرٹریٹ ماڈل ٹاؤن آئے۔ اس موقع پر انہوں نے ناظم اعلیٰ تحریک منہاج القرآن ڈاکٹر رحیق احمد عباسی سے خصوصی ملاقات کی۔ ملاقات میں ناظم اعلیٰ نے شاہد نذیر کو قومی ٹیم میں واپسی پر مبارکباد دی۔ اس موقع پر پاکستان کرکٹ ٹیم کی کارکردگی اور دورہ انگلینڈ کے حوالے سے گفتگو ہوئی۔ شاہد نذیر نے بتایا کہ انہیں قومی ٹیم میں 4 سال بعد شامل کیا گیا ہے۔ ان کا کہنا تھا کہ میں گزشتہ 4 سال سے انگلینڈ میں باقاعدگی سے کرکٹ کھیل رہا ہوں جس کے باعث مجھے دوبارہ قومی ٹیم میں جگہ ملی ہے۔ ڈاکٹر رحیق احمد عباسی نے شاہد نذیر کو تحریک منہاج القرآن کا تعارف کروایا اور شیخ الاسلام ڈاکٹر محمد طاہرالقادری کی خدمات پر روشنی ڈالی۔ اس موقع پر انہوں نے شاہد نذیر کو شیخ الاسلام کا ترجمۃ القرآن "عرفان القرآن" بطور تحفہ پیش کیا۔

27 جولائی 2006ء

دروس عرفان القرآن کا تصویری نظارہ

دروس عرفان القرآن کا تصویری نظارہ

محترم علامہ رانا محمد ادریس سرائے عالمگیر میں ماہانہ درس عرفان القرآن اور محترم علامہ ارشاد حسین سعیدی راولپنڈی میں ماہانہ درس عرفان القرآن کے پروگرامز کا تصویری نظارہ

17 جولائی 2006ء

بارہواں اسلامک لرننگ کورس

بارہواں اسلامک لرننگ کورس

منہاج القرآن ویمن لیگ کے زیراہتمام یکم جولائی سے 16 جولائی 2006 تک اسلامک لرننگ کورس جس میں خواتین و طالبات کی علمی و فکری، روحانی و اخلاقی تربیت کے ساتھ ساتھ فن نعت، فن خطابت، فن تجوید اور ووکیشنل کے کورسز کروائے جائیں گے۔ ہاسٹل میں رہنے والی خواتین و طالبات کے لئے فیس 1200 روپے اور ڈے سکالر کے لئے 450 روپے ہیں۔ داخلے کی خواہش مند خواتین و طالبات 25 جون 2006 تک رابطہ کریں۔

16 جولائی 2006ء

منہاج یونیورسٹی کے تحصیلی کوآرڈینیٹرز کا اجلاس

منہاج یونیورسٹی کے تحصیلی کوآرڈینیٹرز کا اجلاس

مؤرّخہ 16 جولائی 2006ء منہاج یونیورسٹی لاہور کے اولڈ کیمپس کے صفہ بلاک میں تحصیلی کوآرڈینیٹرز کا اجلاس منعقد ہوا، منہاج یونیورسٹی لاہور کے وائس چانسلر پروفیسر ڈاکٹر محمد نذیر رومانی نے اجلاس سے خطاب کرتے ہوئے کہا کہ تعلیم آج کے دور میں اتنی مہنگی ہو گئی ہے کہ غریب اور متوسط طبقے کے بچے اعلیٰ تعلیم حاصل کرنے کے خواب کو شرمندہء تعبیر کرنے کے قابل نہیں رہے۔ ان حالات میں منہاج یونیورسٹی جسے حال ہی میں چارٹر ملا ہے نے فیسوں کو اتنا کم رکھا ہے کہ غریبوں کے بچے بھی اعلیٰ تعلیم آسانی سے حاصل کر سکتے ہیں۔ انہوں نے کہا کہ ڈاکٹر محمد طاہرالقادری چیف ایگزیکٹو کی خصوصی کاوشوں سے آج لاہور کو بین الاقوامی معیار کی یونیورسٹی میسر آئی ہے۔ انہوں نے کہا کہ ہم نے تعلیم کے معیار پر کوئی سمجھوتہ نہیں کیا اور اعلیٰ اور اپنی فیلڈ کے ماہر پروفیسرز کو رکھا ہے۔ منہاج یونیورسٹی نے کم فیس میں اعلیٰ تعلیم کے دروازے کھولنے کی کوشش کی ہے۔

16 جولائی 2006ء

تقریب رونمائی عرفان التجوید

تقریب رونمائی عرفان التجوید

علم تجوید پر جامع اور مستند کتاب "عرفان التجوید" کے مصنف منہاج یونیورسٹی لاہور (پاکستان) اور جامعہ اسلامیہ بغداد (عراق) کے ہونہار نوجوان فاضل حافظ محمد سعید رضا بغدادی ہیں۔ مرکزی امیر تحریک صاحبزادہ مسکین فیض الرحمن درانی اور ناظم اعلیٰ ڈاکٹر رحیق احمد عباسی نے "عرفان التجوید" کی باقاعدہ طور پر رونمائی کی۔ اس موقع پر سینئر نائب ناطم اعلیٰ کرنل (ر) محمد احمد، ناظم تربیت سید فرحت حسین شاہ، ناظم ابلاغیات حاجی منظور حسین مشہدی، ناظم علماء کونسل صاحبزادہ محمد حسین آزاد، ناظم دعوت رانا محمد ادریس، ناظم یوتھ ساجد محمود بھٹی اور دیگر مرکزی رہنما بھی موجود تھے۔

06 جولائی 2006ء

رپورٹ اجلاس مرکزی مجلس شوریٰ

رپورٹ اجلاس مرکزی مجلس شوریٰ

مورخہ 25 جون 2006 بروز اتوار بوقت 10:00 بجے صبح بمقام مرکزی سیکرٹریٹ تحریک منہاج القرآن مجلس شوریٰ کا اجلاس منعقد ہوا۔ اجلاس میں پاکستان بھر سے ممبران شوریٰ نے شرکت کی جبکہ اجلاس کی صدارت ناظم اعلیٰ ڈاکٹر رحیق احمد عباسی نے کی۔

25 جون 2006ء

رپورٹ اجلاس سنٹرل ایگزیکٹو کونسل

رپورٹ اجلاس سنٹرل ایگزیکٹو کونسل

مؤرخہ 24 جون 2006 بروز ہفتہ بوقت 10:00 بجے صبح بمقام مرکزی سیکرٹریٹ تحریک منہاج القرآن منعقد ہوا۔ اجلاس میں پاکستان بھر سے ممبران CEC نے شرکت کی جبکہ صدارت ناظم اعلیٰ ڈاکٹر رحیق احمد عباسی نے کی۔ تلاوت و نعت رسول مقبول کے بعد حسب ذیل ایجنڈا کے مطابق اجلاس کی کاروائی ہوئی۔ سابقہ فیصلہ جات کا جائزہ۔ ورکنگ پلان برائے سال 07 - 2006 بجٹ تجاویز برائے سال 07 - 2006 مرکزی ناظم تنظیمات محترم شاہد لطیف قادری نے اجلاس کا ایجنڈا اوپن کرتے ہوئے معزز ممبران کو خوش آمدید کہا اور ایجنڈا پوائنٹس پر بریفنگ دی۔

24 جون 2006ء

لاہور یوتھ کنونشن

لاہور یوتھ کنونشن

تحریک منہاج القرآن کے مرکزی سیکرٹریٹ پر لاہور بھر کے کارکنان کا یوتھ کنونشن انعقاد پذیر ہوا جس میں تمام ٹاؤنز کے نمائندگان اور کارکنان نے شرکت کی یوتھ کنونشن میں لاہور کی تنظیم سازی کی گئی اور تمام کارکنان کی تائید کیساتھ تنظیم مکمل کر لی گئی۔ مرکزی ناظم یوتھ محترم ساجد محمود بھٹی نے تمام ذمہ داران سے حلف لیا اس موقع پر گفتگو کرتے ہوئے لاہور کے ناظم میاں کامل قیوم نے کہا کہ ان شاء اللہ ہم لاہور کو تحریک کا قلعہ بنا دیں گے۔ تمام یونین کونسلز میں یوتھ کی تنظیمات قائم کر لی جائیں گی۔ محترم اشتیاق حنیف مغل کوآرڈینیٹر یوتھ لاہور کے خطاب کرتے ہوئے کہا کہ گزشتہ تین ماہ میں یوتھ کا کام انتہائی بہتر ہوا ہے۔ یوتھ کے تحت میلاد فلوٹ اور عوامی دستخط مہم کی وجہ سے یوتھ کو ایک بھرپور اٹھان ملی ہے۔ ان شاء اللہ اس کے ثمرات سمیٹنے ہونگے۔ لاہور یوتھ کنونشن سے خطاب کرتے ہوئے مرکزی ناظم محترم ساجد محمود بھٹی نے کہا کہ لاہور وہ ضلع ہے کہ جس طرح کا رنگ اپناتا ہے پورے پاکستان پر اس کے اثرات ہوتے ہیں۔ لاہورمیں 30 لاکھ کے قریب نوجوانوں کے اخلاق اور کردار کوسنوارنے کے لئے منظم جدوجہد کرنا ہوگی۔

18 جون 2006ء

عالمی پیامبر امن کانفرنس

عالمی پیامبر امن کانفرنس

گزشتہ دنوں تحریک منہاج القرآن اسلام آباد کے زیراہتمام "عالمی پیامبر امن کانفرنس" کا انعقاد ہوا، جس میں مہمان خصوصی شیخ رشید احمد وفاقی وزیر ریلوے اور مرکزی ناظم اعلیٰ تحریک منہاج القرآن ڈاکٹر رحیق احمد عباسی تھے۔ جبکہ صدارت ملک فخرالزمان عادل رہنما تحریک نے کی۔

04 جون 2006ء

حلقہ عرفان القرآن راولپنڈی کی سالگرہ

حلقہ عرفان القرآن راولپنڈی کی سالگرہ

تحریک منہاج القرآن کی نظامتِ دعوت کے زیراہتمام ملک گیر دروسِ عرفان القرآن کے سلسلے میں محترم ارشاد حسین سعیدی کو ان کے اثر انگیز خطابات کے اعتراف میں جناب ملک فخرالزمان عادل کی طرف سے عمرے کا ٹکٹ اور راولپنڈی تنظیم کی طرف سے شیلڈ پیش کی گئی۔

04 جون 2006ء

محترم شہزاد اختر شفیع اس دنیائے فانی سے ابدی دنیا کی طرف رحلت فرما گئے۔

محترم شہزاد اختر شفیع اس دنیائے فانی سے ابدی دنیا کی طرف رحلت فرما گئے۔

نہایت افسوس کے ساتھ مطلع کیا جاتا ہے کہ تحریکِ منہاج القرآن کے قابل صد احترام ورکر اور منہاج ویلفیئر فاؤنڈیشن برطانیہ کے مینیجنگ ڈائریکٹر محترم شہزاد اختر شفیع صاحب اس دنیا فانی سے ابدی دنیا کی طرف رحلت فرما گئے ہیں۔ انا للہ وانا الیہ راجعون

01 جون 2006ء

500 نئے زندہ دلانِ لاہور کی تحریک میں شمولیت

500 نئے زندہ دلانِ لاہور کی تحریک میں شمولیت

تحریک منہاج القرآن لاہور کے زیر اہتمام مورخہ 27 مئی بروز ہفتہ مرکزی سیکرٹریٹ تحریک منہاج القرآن میں ایک پروقار تقریب منعقد ہوئی جس میں زندگی کے مختلف شعبوں سے تعلق رکھنے والے تقریباً 500 افراد نے شیخ الاسلام پروفیسر ڈاکٹر محمد طاہرالقادری کی ولولہ انگیز قیادت پر بھرپور اعتماد کرتے ہوئے تحریک منہاج القرآن میں شمولیت اختیار کی۔ علماء و مشائخ میں بطور خاص پیر طریقت صاحبزادہ اعجاز احمد صاحب، حضرت پیر سید غلام جیلانی صاحب، پیر طریقت عبدالرزاق قادری خلیفہ اعظم دیول شریف، پیرطریقت حضرت علامہ علی احمد صابری چشتی، علامہ پیر محمد بشیر قادری صاحب، ناظم اعلیٰ ادارہ مصباح القرآن علامہ مولانا محمد شریف القادری، علامہ مفتی زمان ایازی، شیخ الحدیث جامعہ غوث العلوم لاہور، علامہ عارف جاوید صاحب خطیب جامع مسجد انار کلی، علامہ قاری مختار احمد صدیقی جنرل سیکرٹری تنظیم القرآن پاکستان، صاحبزادہ علامہ سید حبیب اللہ شاہ ہاشمی خطیب جامع مسجد مکہ کالونی گلبرگ، علامہ سعید احمد تونسوی ناظم اعلیٰ جامعہ حنفیہ شام نگر، محترم علامہ انوارالحق صاحب شامل ہیں۔

27 مئی 2006ء

سالانہ تقریب تقسیم انعامات / یوم والدین

سالانہ تقریب تقسیم انعامات / یوم والدین

منہاج ماڈل گرلز سکول میں یوم والدین کے موقع پر سالانہ تقریب تقسیم انعامات کا انعقاد ہوا اس موقع پر تحفیظ القرآن انسٹیٹیوٹ کی فارغ التحصیل طالبات کی رسم عطائے ردائے فضیلت اور برائے تقسیم انعامات کا اہتمام بھی کیا گیا۔ اس پُروقار تقریب میں ملک کی نامور سماجی و فلاحی شخصیت مسز جسٹس (ر) ناصرہ جاوید اقبال اور نامور ادیبہ، شاعرہ مسز رخسانہ نور، ناظم اعلیٰ تحریک منہاج القرآن ڈاکٹر رحیق احمد عباسی، نائب امیر تحریک بریگیڈئر اقبال احمد خان، ڈپٹی مینیجنگ ڈائریکٹر منہاج ایجوکیشن سوسائٹی محمد اقبال شریف اور دیگر مہمانان گرامی اور معزز والدین کی کثیر تعداد نے شرکت کی۔ اس موقع پر معزز مہمانوں نے طالبات کے مابین نصابی اور ہم نصابی سرگرمیوں پر سالانہ انعامات تقسیم کیے۔ پروگرام میں طالبات نے تلاوت، نعت، ملی نغمے، ٹیبلو اور خاکے بھی پیش کیے جس سے تمام مہمانان گرامی اور طالبات کے والدین بہت محظوظ ہوئے اور شرکاء اور والدین نے ہم نصابی سرگرمیوں کو بہت سراہا۔ اور طالبات کی حوصلہ افزائی کی ہے اور یہ کہ منہاج ایجوکیشن سوسائٹی کے زیر اہتمام چلنے والے 572 سکولوں میں نہ صرف معیاری تعلیم بلکہ تربیت کا بھی خصوصی اہتمام کیا جاتا ہے۔

20 مئی 2006ء

ماہانہ مجلسِ ختم الصلٰوۃ علی النبی صلی اللہ علیہ وآلہ وسلم

ماہانہ مجلسِ ختم الصلٰوۃ علی النبی صلی اللہ علیہ وآلہ وسلم

ماہانہ مجلسِ ختم الصلٰوۃ علی النبی صلی اللہ علیہ وآلہ وسلم کے اجتماع سے شیخ الاسلام ڈاکٹر محمد طاہرالقادری نے براہِ راست ٹیلیفونک خطاب کرتے ہوئے فرمایا کہ مشاہدہ انہیں عطا ہوتا ہے جو مجاہدہ کرتے ہیں۔ مجاہدہ کے بغیر مشاہدہ نہیں ہوسکتا۔ اور جو لوگ مجاہدہ کے بغیر مشاہدہ مانگتے ہیں، وہ اللہ کے قانون کو توڑنا چاہتے ہیں۔ ظاہر پر مشاہدہ کی آری چلانے سے باطن میں مشاہدہ نصیب ہوتا ہے۔ جو لوگ ابتداء میں مجاہدہ نہیں کرتے انہیں مشاہدے کی ہوا نہیں لگ سکتی۔ اگر مجاہدہ کے بغیر کوئی شخص خیال کرے کہ اس پر مشاہدہ کا دروازہ کھول دیا جائے گا تو یہ اس کی نادانی ہے۔ اللہ تبارک و تعالٰی نے ایسا وعدہ نہیں کر رکھا۔ شیخ الاسلام نے فرمایا کہ لوگ عبادات کی کثرت بھی کرتے ہیں، نماز، روزہ، حج اور زکوٰۃ کے فرائض بھی انجام دیتے ہیں، مگر ان کا حال نہیں بدلتا۔ وہ عبادت تو کرتے ہیں مگر اپنے نفس کی خرابیاں دور کرنے پر محنت نہیں کرتے۔ نفس کے حال کو نہیں پڑھتے۔ عبادات سے ثواب مل جاتا ہے، مگر حال نہیں بدلتا، اَخلاق نہیں بدلتے، حلیہ اور وضع قطع تو بدل جاتی ہے، مگر باطنی ترقی نہیں ہو پاتی۔

19 مئی 2006ء

Admissions Open Minhaj University Lahore

تعارف‬‎

تحریک منہاج القرآن ایک وسیع البنیاد اسلامی تنظیم ہے، جو اسلام کے اجتہادی تصورات کو عام کرنے اور دہشت گردی و تنگ نظری کے خلاف امن اور تعامل باہمی کی تعلیمات کو فروغ دینے میں مصروف ہے۔ اس تحریک کی بنیاد شیخ الاسلام ڈاکٹر محمد طاہرالقادری نے 1980 میں لاہور میں رکھی تھی۔

eLearning by Minhaj-ul-Quran International

Official WhatsApp Group Dr Qadri

Ijazat Chains of Authority

Top