سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
تحریک منہاج القرآن دولتالہ کے زیر انتظام 6 مارچ 2011ء بروز بدھ بمقام ڈونگی کلاں نزد دولتالہ میں عظیم الشان محفل میلاد کا انعقاد ہوا۔ جس میں سات غریب گھرانوں کے بچے، بچیوں کی اجتماعی شادیاں کرائی گئیں جبکہ دو غریب بچیوں کوسلائی مشین دی گئیں اور دو کو ویل چیئر دی گئیں۔ تقریب کے مہمان خصوصی پیر سید جابر علی شاہ سجادہ نشین آستانہ عالیہ بھنگالی شریف تھے۔ علاوہ ازیں صاحبزادہ مسکین علی شاہ حصال شریف بھی سٹیج پر موجود تھے۔
کمیٹی چوک راولپنڈی میں ہونے والے مظاہرے میں بھی بڑی تعداد میں لوگ شریک ہوئے۔ مظاہرین نے احتجاجی کتبے اٹھا رکھے تھے اور "عوامی" حکومت کے خلاف نعرے لگا رہے تھے۔ خواتین بچوں کے ساتھ مظاہرے میں شریک تھیں۔ مظاہرے کی قیادت پاکستان عوامی تحریک راولپنڈی کے صدر مشتاق نور مغل ایڈوکیٹ اور منہاج القرآن یوتھ لیگ کے مرکزی رہنماء سید اعجاز حسین شاہ نے کی۔
تحریک منہاج القرآن ٹانویں PP-4 کے زیراہتمام 5 مارچ 2011ء بعد نماز ظہر عظیم الشان محفل میلاد مصطفیٰ صلی اللہ علیہ وآلہ وسلم کا انعقاد کیا گیا۔ جس میں تحریک منہاج القرآن انٹر نیشنل کے نائب ناظم دعوت علامہ رانا نفیس حسین قادری نے خصوصی خطاب کرتے ہوئے کہا کہ اللہ تعالی نے اپنے محبوب رسول اور لاڈلے پیغمبر صلی اللہ علیہ وآلہ وسلم کو تمام کائنات کا مالک و مختار بنا کر بھیجا ہے۔
منہاج ویلفیئر فاؤنڈیشن کے زیراہتمام 27 فروری 2011ء کو واہ کینٹ میں 12 شادیوں کی اجتماعی تقریب کا اہتمام کیا گیا۔ جسکی صدارت منہاج ویلفیئر فاؤنڈیشن کے ڈائریکٹر افتخار شاہ بخاری نے کی۔ پاکستان اسٹیل ملز کے سابق چیئرمین لیفٹیننٹ جنر ل (ر) عبد القیوم مہمان خصوصی تھے۔
منہاج القرآن دولتالہ پی پی 4 کے زیراہتمام شیخ الاسلام ڈاکٹر محمد طاہرالقادری کی 60 ویں سالگرہ پر تقریب کا انعقاد 19 فروری 2011ء کو کیا گیا۔ جس میں تحریک منہاج القرآن دولتالہ کے قائدین علامہ منیر حسین قادری، چودھری محمد حنیف اور راجہ جاوید اقبال کے علاوہ چیئرمین پریس کلب دولتالہ سید منور نقوی نے خصوصی شرکت کی۔
شیخ الاسلام ڈاکٹر محمد طاہر القادری کی 60 ویں سالگرہ کے موقع پر 19 فروری 2011ء کو محفل میلاد مصطفیٰ صلی اللہ علیہ وآلہ وسلم کا انعقاد کیا گیا۔ میلاد کے اس پروگرام کا انعقاد جنرل سیکرٹری ایم ایس ایم راولپنڈی محمد اشتیاق کی رہائش گاہ پر کیا گیا۔ جس میں کثیر احباب نے شرکت کی۔ پروگرام کا باقاعدہ آغاز تلاوت کلام سے ہوا۔
تحریک منہاج القرآن کے زیراہتمام ماہ ربیع الاول میں اندرون ملک سمیت دنیا بھر میں میلاد النبی صلی اللہ علیہ وآلہ وسلم کے جلوس منعقد کیے گئے۔ اس حوالے سے ایم ایس ایم واہ کینٹ نے میلاد کا جلوس نکالا۔ جس میں تحریک منہاج القرآن واہ کینٹ کے دیگر فورمز کے علاوہ شہر بھر سے عشاقان مصطفیٰ صلی اللہ علییہ وآلہ وسلم کی بڑی تعداد نے شرکت کی۔
تحریک منہاج القرآن دولتالہ حلقہ پی پی 4 کے زیراہتمام جامع مسجد و المنہاج اسلامک سینٹر کے سنگ بنیاد کی افتتاحی تقریب مورخہ 28 نومبر 2010ء بروز اتوار صبح 10 بجے بمقام ناٹہ چوک دولتالہ منعقد ہوئی۔ تقریب کی صدارت الحاج پیر سید محمد جابر علی شاہ ہمدانی (سجادہ نشین آستانہ عالیہ بھنگالی شریف) نے فرمائی جبکہ مہمان خصوصی علامہ سید فرحت حسین شاہ (مرکزی ناظم تحریک منہاج القرآن علماء کونسل) تھے۔
گذشتہ سال 19 اپریل 2009 کو ناظم اعلیٰ تحریک منہاج القرآن ڈاکٹر رحیق احمد عباسی نے اس پراجیکٹ کا افتتاح کیا۔ اس کے بعد منہاج ویلفیئر فاؤنڈیشن کے مرکزی عہدیدار اور تعمیراتی ٹیم کے ایکسپرٹ ممبر نے جگہ کی dimention کرائی۔
پاکستان کی تاریخ کے حالیہ بدترین سیلاب میں منہاج ویلفیئر فاؤنڈیشن راولپنڈی نے اپنا بھرپور کردار ادا کیا۔ تحریک منہاج القرآن راولپنڈی، منہاج القرآن یوتھ لیگ، منہاج القرآن ویمن لیگ اور مصطفوی سٹوڈنٹس موومنٹ راولپنڈی کے کارکنان نے دن رات ایک کر کے متاثرین سیلاب کی خدمت کی۔ اس سلسلے میں منہاج ویلفیئر فاؤنڈیشن راولپنڈی کی جانب سے متاثرین کے لیے 40 لاکھ روپے سے زائد مالیت کا امدادی سامان متاثرین تک پہنچایا۔
منہاج ویلفیئر فاؤنڈیشن راولپنڈی کے زیراہتمام مختلف علاقوں سے متاثرین سیلاب کے لئے بھیجے گئے امدادی قافلوں کی روانگی، اکوڑہ خٹک، نوشہرہ میں قائم منہاج خیمہ بستیوں میں سامان اور عید کے تحائف کی تقسیم کے مختلف مناظر
منہاج القرآن یوتھ لیگ راولپنڈی کی تنظیم نو کر دی گئی ہے، اس حوالے سے خصوصی اجلاس ضلعی سیکرٹریٹ البلال پلازہ چاندنی چوک روالپنڈی میں 26 ستمبر 2010 کو ہوا، جس کی صدارت منہاج یوتھ لیگ کے مرکزی صدر بابر علی چوہدری نے کی۔ اجلاس میں شہر بھر سے یوتھ لیگ کی ذیلی تنظیمات کے تمام صدور اور ناظمین نے شرکت کی۔
تحریک منہاج القرآن مغل آباد راولپنڈی کینٹ کے زیراہتمام حلقہ درود شریف 5 جون کی شام محفل حلقہ پی پی 10 کے ناظم دعوت و تربیت محمد زاہد نقشبندی کے گھر میں منعقد ہوئی۔ جس کی صدارت صوفی محمد عارف اعوان نے کی۔ محفل کے مہمان خصوصی امیر محمد خان رہنما تحریک منہاج القرآن ملتان تھے۔
مصطفوی سٹوڈنٹس موومنٹ راولپنڈی کے زیراہتمام طلبہ کو مصطفوی افکار سے روشناس کرانے کے لئے ان کی فکری تربیت کا اہتمام کیا جاتا ہے۔ اس سلسلے میں دوسرا تربیتی پروگرام 16-05-2010 بروز اتوار دن 2 بجے ضلعی آفس تحریک منہاج القرآن چاندنی چوک، مری روڑ راولپنڈی میں منعقد ہوا۔ جس میں راولپنڈی بھر کے ذمہ داران طلبہ کی کثیر تعداد نے شرکت کی۔
منہاج القرآن یوتھ لیگ راولپنڈی کے زیراہتمام دوسرے عرفان القرآن کورس کی اختتامی تقریب قائداعظم سٹینڈرڈ سکول میلاد نگر میں منعقد ہوئی۔ ڈائریکٹر عرفان القرآن کورس علامہ شریف کمالوی، نائب ناظم تحریک منہاج القرآن پنجاب راجہ ساجد محمود، جنرل سیکرٹری منہاج القرآن یوتھ لیگ راولپنڈی سعید راجہ اور جنرل سیکرٹری مصطفوی سٹوڈنٹس موومنٹ راولپنڈی فرخ بلال تقریب کے معزز مہانوں میں شامل تھے۔
3.6M
فیس بک
1.9M
ٹوٹر
© 1994 - 2024 Minhaj-ul-Quran International.