سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
صدر منہاج القرآن انٹرنیشنل پروفیسر ڈاکٹر حسین محی الدین قادری نے اَتھر، پنڈ دادن خان میں منہاج القرآن اسلامک سنٹر کا افتتاح کیا اور افتتاحی تقریب کے شرکاء سے گفتگو کی۔ گفتگو کرتے ہوئے پروفیسر ڈاکٹر حسین محی الدین قادری نے کہا کہ منہاج القرآن کا مقصد علم، امن اور خدمتِ انسانیت کا پیغام عام کرنا ہے۔ یہ سنٹر علاقے میں دینی تعلیم، اخلاقی تربیت اور فلاحی سرگرمیوں کا مرکز بنے گا۔
ڈپٹی چیئرمین بورڈ آف گورنرز منہاج یونیورسٹی لاہور پروفیسر ڈاکٹر حسین محی الدین قادری نے چیئرمین نیو ڈی آئی خان سٹی جہانگیر سیف اللہ خان، ناظمِ اعلیٰ منہاج القرآن انٹرنیشنل خرم نواز گنڈاپور اور وائس چانسلر منہاج یونیورسٹی لاہور پروفیسر ڈاکٹر ساجد محمود شہزاد سمیت دیگر معزز مہمانانِ گرامی کے ہمراہ نیو ڈی آئی خان سٹی میں منہاج یونیورسٹی خیبر پختونخوا کا باقاعدہ سنگِ بنیاد رکھا۔
ناظم اعلیٰ منہاج القرآن انٹرنیشنل خرم نواز گنڈاپور کا ڈی آئی خان میں منہاج یونیورسٹی خیبرپختونخوا کے سنگِ بنیاد کی تقریب سے اظہارِ خیال، انہوں نے کہا کہ منہاج القرآن دنیا بھر میں نور، امن اور علم کی روشنی پھیلا رہی ہے۔ ہمارے لیے یہ بڑے اعزاز کی بات ہے کہ منہاج القرآن ڈیرہ اسماعیل خان میں پہلی پرائیویٹ یونیورسٹی قائم کرنے جا رہا ہے۔
پروفیسر ڈاکٹر حسین محی الدین قادری کے ڈی آئی خان نیو سٹی پہنچنے پر چیئرمین جہانگیر سیف اللہ خان، جی ایم لینڈ شکیل خان اور بزنس ہیڈ دانش افتخار نے پرتپاک استقبال کیا۔
ملاقات کے دوران پروفیسر ڈاکٹر حسین محی الدین قادری نے پاکستان سمیت عالمی سطح پر قائم منہاج القرآن کے تعلیمی ادارہ جات کے مثبت اور دیرپا اثرات پر تفصیلی گفتگو کی۔
منہاج القرآن انٹرنیشنل کی سپریم کونسل کے چیئرمین ڈاکٹر حسن محی الدین قادری کی تحریک منہاج القرآن ڈیرہ اسمعیل خان کے جملہ فورمز کے ذمہ داران کے ساتھ نیشنل کلب میں ملاقات، اس موقع پر گفتگو کرتے ہوئے چیئرمین سپریم کونسل نے کہا کہ اللہ کے ہاں جماعت کی بہت فضیلت ہے
منہاج القرآن انٹرنیشنل کی سپریم کونسل کے چیئرمین ڈاکٹر حسن محی الدین قادری کا پہاڑ پور میں منعقدہ عظیم الشان ’’رحمۃ للعالمین کانفرنس‘‘ سے خطاب، کانفرنس میں ہزاروں مرد و خواتین کی شرکت، اپنے خطاب میں ڈاکٹر حسن محی الدین قادری نے حضور نبی اکرم ﷺ کی ایک حدیث مبارک کا حوالہ دیتے ہوئے کہا کہ حضور نبی اکرم صلی اللّٰہ علیہ وآلہ وسلم نے فرمایا: تم میں سے کوئی شخص اس وقت تک مومن نہیں ہو سکتا جب تک کہ میں اسے اس کے والدین، اولاد اور تمام لوگوں سے زیادہ محبوب نہ ہو جاؤں۔
منہاج القرآن انٹرنیشنل کی سپریم کونسل کے چیئرمین ڈاکٹر حسن محی الدین قادری کی پہاڑ پور میں منعقدہ ورکرز کنونشن میں شرکت، چیئرمین سپریم کونسل نے رحمۃ للعالمین کانفرنس کے شاندار انعقاد پر تمام ذمہ داران و کارکنان کو مبارکباد دی۔
نہاج ویلفیئر فاؤنڈیشن کی طرف سے خیبر پختونخوا میں پہاڑ پور اور ڈیرہ اسماعیل خان کے سیلاب سے متاثرہ سینکڑوں خاندانوں میں راشن پیکج اور دیگر ضروریات زندگی کی اشیاء تقسیم کی گئیں۔ اس موقع پر منعقدہ تقریب میں ناظم اعلیٰ منہاج القرآن انٹرنیشنل خرم نواز گنڈاپور، ناظم تنظیمات حافظ عبدالحی علوی، منہاج القرآن ویمن لیگ کی مرکزی ذمہ داران سدرہ کرامت، عائشہ مبشر، ام حبیبہ اسماعیل، ارشاد اقبال و دیگر ذمہ داران موجود تھے۔
تحریک منہاج القرآن ڈی جی خان کے زیراہتمام فورٹ منرو میں تین روزہ تنظیمی و تربیتی اور تفریحی کیمپ کا انعقاد کیا گیا، کیمپ میں نائب ناظم اعلیٰ جنوبی پنجاب سردار شاکر خان مزاری، نائب ناظم اعلیٰ انجینئر رفیق نجم، نظامت تربیت کے ناظم پروفیسر محمد سلیم، علامہ غلام مرتضیٰ علوی نے خصوصی شرکت کی۔ کیمپ میں تحریک منہاج القرآن جنوبی پنجاب کے 200 سے زائد ذمہ داران نے بھی شرکت کی۔
تحریک منہاج القرآن ڈیرہ اسماعیل خان کے زیراہتمام ایک روزہ تنظیمی تربیتی کیمپ کا انعقاد کیا گیا، جس میں جملہ فورمز کے عہدیداران اور کارکنان نے شرکت کی۔ تربیتی کیمپ میں نائب ناظم اعلی تنظیمات خیبر پختونخواہ زون عبد الحئی علوی، مرکزی ناظم تربیت علامہ غلام مرتضی علوی اور نائب ناظم تربیت علامہ محمد منہاج الدین قادری نے لیکچرز دیئے۔
منہاج ویلفیئر فاؤنڈیشن نے ڈیرہ اسماعیل خان میں بھی اجتماعی قربانی کا بندوبست کیا، مقامی قائدین و کارکنان نے قربانی کا گوشت پیک کر کے مستحقین تک پہنچایا، اس کام کی نگرانی محمد جمال مرزا ، الطاف خان، عبدالعزیز خان نے کی۔ اس بات کو یقینی بنایا گیا کہ کوئی بھی ضرورت مند خالی ہاتھ نہ جائے اور قربانی کی استطاعت نہ رکھنے والے سفید پوش افراد اور خاندانوں کو گھر کی دہلیز تک قربانی کا گوشت پہنچایا جائے۔
4M
فیس بک
2M
ٹوٹر
© 1994 - 2025 Minhaj-ul-Quran International.
