تحریک منہاج القرآن پاکستان کی اہم خبریں

پاک فوج نہ صرف جغرافیائی بلکہ نظریاتی سرحدوں کی بھی محافظ ہے: ڈاکٹر طاہرالقادری کا مبشر لقمان کو انٹرویو

پاک فوج نہ صرف جغرافیائی بلکہ نظریاتی سرحدوں کی بھی محافظ ہے: ڈاکٹر طاہرالقادری کا مبشر لقمان کو انٹرویو

ڈاکٹر طاہرالقادری نے اپنے انٹرویو میں کہا کہ دہشت گردی کے باعث ملک کو معاشی حوالے سے 78 ارب ڈالر کا نقصان ہوچکا ہے۔ دنیا بھر میں پاکستان بدترین دہشت گردی کے حوالے سے دوسرے نمبر پر جبکہ دہشت گردی سے متاثرہ ممالک میں پہلے نمبر پر ہے۔ انہوں نے کہا کہ نام نہاد مذاکرات کا سلسلہ لامتناہی ہے، حکومت کے پاس ٹائم فریم ہی نہیں کہ کب سے کب تک مذاکرات کرنے ہیں؟ ڈاکٹر قادری نے کہا کہ افواج پاکستان کا مورال بلند کرنے کے لیے ان کے ساتھ کھڑا ہونا ہو گا اور انکی خدمات کی حوصلہ افزائی کرنا ہو گی اس لیے کہ ایک یہی ادارہ رہ گیا ہے جو ملک کو دہشت گردی سے نجات دلا کر امن دے سکتا ہے۔

25 فروری 2014ء

صفدر آباد: 15 جوڑوں کی شادیوں کی اجتماعی تقریب

صفدر آباد: 15 جوڑوں کی شادیوں کی اجتماعی تقریب

منہاج ویلفیئر فاونڈیشن اور دار الاحسان ویلفیئر فاونڈیشن کے زیرانتظام مشترکہ طور پر شادیوں کی دسویں اجتماعی تقریب گورنمنٹ ہائر سیکنڈری سکول خانقاہ ڈوگراں مین منعقد ہوئی جس میں 15 جوڑوں کی رخصتی کا خصوصی اہتمام کیا گیا تھا۔

24 فروری 2014ء

سرگودھا: منہاج القرآن یوتھ لیگ کے زیراہتمام عوامی احتجاج

سرگودھا: منہاج القرآن یوتھ لیگ کے زیراہتمام عوامی احتجاج

منہاج القرآن یوتھ لیگ سرگودھا کے زیراہتمام مہنگائی، کرپشن، بےروزگاری اور نجکاری کے خلاف پرامن احتجاج کیا گیا جس میں لوگوں کی کثیر تعداد نے شرکت کی۔ اس موقع پر صدر پاکستان عوامی تحریک شیخ زاہد فیاض نے خصوصی شرکت کی اور خطاب کیا۔ احتجاج میں شرکاء نے مخلتف بینرز اٹھا رکھے تھے جن پر ملکی اداروں کی لوٹ سیل اور حکومت کی کارکردگی کے خلاف نعرے لکھے ہوئے تھے۔

24 فروری 2014ء

حکومت وقت میں غیرت کا ذرہ ہوتا تو 23 ایف سی جوانوں کی شہادت کی خبر سنتے ہی دہشت گردوں کو کچلنے کیلئے آپریشن کا اعلان کر دیتی۔ ڈاکٹر حسین قادری

حکومت وقت میں غیرت کا ذرہ ہوتا تو 23 ایف سی جوانوں کی شہادت کی خبر سنتے ہی دہشت گردوں کو کچلنے کیلئے آپریشن کا اعلان کر دیتی۔ ڈاکٹر حسین قادری

پاکستان عوامی تحریک کی فیڈرل کونسل کے صدر ڈاکٹر حسین محی الدین القادری نے کہا ہے کہ پوری قوم افواج پاکستان کو سلام پیش کرتی ہے جنہوں نے غیرت ملی کا اظہار کرتے ہوئے دہشت گردوں کے خلاف آپریشن کا آغاز کیا۔ دہشت گردی کے فتنے کو کچلنے کا بہترین حل آپریشن ہے کیونکہ مکالمہ انسانوں سے ہوتا ہے درندوں سے نہیں۔ بد امنی، ظلم، بربریت، لاقانونیت اور دہشت گردی کے خلاف عوام کو اٹھنا ہو گااور ڈاکٹر طاہر القادری کا دست و بازو بن کر ملکی مفادات کی دھجیاں اڑانے والے حکمرانوں کو اقتدار کے ایوانوں سے باہر پھینکنا ہو گا۔

23 فروری 2014ء

حکومت کو ریاست، عوام اور افواج پاکستان کے جوانوں سے نہیں صرف اور صرف مکروہ سیاست سے سروکار ہے: شیخ زاہد فیاض کا پریس کانفرنس سے خطاب

حکومت کو ریاست، عوام اور افواج پاکستان کے جوانوں سے نہیں صرف اور صرف مکروہ سیاست سے سروکار ہے: شیخ زاہد فیاض کا پریس کانفرنس سے خطاب

پاکستان عوامی تحریک کے صدر شیخ زاہد فیاض اور سیکرٹری جنرل خرم نواز گنڈا پورنے کہا ہے کہ حکومت کو ریاست، عوام اور افواج پاکستان کے جوانوں سے نہیں صرف اور صرف مکروہ سیاست سے سروکار ہے۔ قومی غیرت کا تقاضہ تھا کہ جس دن ایف سی کے 23 جوانوں کی شہادت کی خبر آئی تھی، وزیر اعظم مذاکرات ختم کر کے دہشت گردی کے خاتمے کیلئے آپریشن کا اعلان کر دیتے۔ حکمرانوں نے پوری قوم کا سر شرم سے جھکا دیا ہے حکومت کی اس بے حسی اور بے ضمیری کی پرزور مذمت کرتے ہیں۔

22 فروری 2014ء

ملتان: دہشت گردی کے خلاف پاک فوج، سیکیورٹی ادارے اور پاکستانی عوام متحد ہیں، سردار شاکر مزاری کا ریلی سے خطاب

ملتان: دہشت گردی کے خلاف پاک فوج، سیکیورٹی ادارے اور پاکستانی عوام متحد ہیں، سردار شاکر مزاری کا ریلی سے خطاب

پاکستان عوامی تحریک کے تحت ملتان میں مہنگائی، بے روزگاری، دہشت گردی اور کرپشن کے خلاف احتجاجی مظاہرہ کیا گیا۔ مظاہرے میں ہزاروں خواتین و حضرات نے شرکت کی۔ اس موقع پر مہنگائی اور دہشت گردی کے خلاف نعرے بازی کی گئی۔ اس موقع پر سردار شاکر خان مزاری نے ریلی کے شرکاء سے خطاب کرتے ہوئے کہا کہ 60 ہزار لوگوں کا خون بہایا جا چکا ہے، جو لوگ شہید کئے گئے ان کا خون ناحق کیا گیا۔ مساجد، امام بارگاہوں، تعلیمی اداروں پر حملے کئے گئے، بچے، بوڑھے، خواتین کا ناحق خون بہایا گیا۔ پوری دنیا میں کہیں بھی ایسا قانون نظرنہیں آتا جس کے اندر قیدیوں کے ساتھ درندگی کا مظاہرہ کیا جائے اور ان کی گردنیں کاٹی جائیں۔

21 فروری 2014ء

ڈاکٹر طاہرالقادری کی 63ویں سالگرہ کے موقع پرغیر مسلم مذہبی رہنماؤں کی مبارکباد

ڈاکٹر طاہرالقادری کی 63ویں سالگرہ کے موقع پرغیر مسلم مذہبی رہنماؤں کی مبارکباد

پاکستان عوامی تحریک کے قائد ڈاکٹر محمد طاہرالقادری کی 63ویں سالگرہ کے موقع پر پاکستان میں بسنے والے غیر مسلم رہنماؤں کی جانب سے انہیں مبارکبادی پیغامات دئیے گئے۔ مرکزی سیکرٹریٹ میں سالگرہ کی تقریب میں مسیحی رہنماء ریورنڈ چمن سردار، ہندو رہنماء ڈاکٹر منوہر چاند، چیئرمین ہندو ویلفیئر کونسل سردار بشن سنگھ، چیئرمین بابا گرو نانک ویلفیئر فاؤنڈیشن سردار سر جیت سنگھ نے ڈائریکٹر انٹر فیتھ ریلیشنز تحریک منہاج القرآن سہیل احمد رضا کی دعوت پر خصوصی شرکت کی۔

19 فروری 2014ء

فیصل آباد: سوشل میڈیا ٹریننگ کیمپ برائے رضاکاران

فیصل آباد: سوشل میڈیا ٹریننگ کیمپ برائے رضاکاران

منہاج القرآن یوتھ لیگ فیصل آباد کے زیراہتمام 16 فروری 2014ء بروز اتوار رضاکاران کے لئے ضلعی دفتر پاکستان عوامی تحریک فیصل آباد میں سوشل میڈیا ٹریننگ کیمپ کا انعقاد کیا گیا۔ پاکستان میں حقیقی جمہوریت کی بحالی، کرپٹ نظام کے خاتمے اور مصطفوی انقلاب کیلئے سوشل میڈیا پر شب و روز رضاکارانہ طور پر کام کرنے والے نوجوانوں اور خواتین کی بڑی تعداد نے اس کیمپ میں شرکت کی۔ کیمپ کے مقاصد میں سوشل میڈیا کا مثبت اور بہترین استعمال، سوشل میڈیا پر عملی کام کے دوران احتیاطی تدابیر سے آگہی اور سوشل میڈیا کو مصطفوی انقلاب کے لئے بہتر طریقے سے استعمال کرنے کی ٹپس شامل تھیں۔

16 فروری 2014ء

مذاکرات کا ڈرامہ قومی اثاثوں کی نجکاری کو چھپانے کیلئے رچایا گیا تاکہ قومی لوٹ مار کی خبروں سے توجہ ہٹ سکے: ڈاکٹر طاہرالقادری

مذاکرات کا ڈرامہ قومی اثاثوں کی نجکاری کو چھپانے کیلئے رچایا گیا تاکہ قومی لوٹ مار کی خبروں سے توجہ ہٹ سکے: ڈاکٹر طاہرالقادری

ڈاکٹر طاہرالقادری نے کہا کہ میڈیا کو مذاکرات کی طرف لگا دیا گیا تاکہ اس کے پس پردہ نجکاری کے نام پر جاری لوٹ مار کو کوریج نہ مل سکے۔ طالبان طالبان کا کھیل کھیلا جا رہا ہے تاکہ قوم کمیٹیوں کے معاملات میں الجھ جائے، پس پردہ نجکاری کی لوٹ جاری رہے۔ انہوں نے کہا کہ دنیا میں نجکاری ہمیشہ ان اداروں کی ہوتی ہے جو نقصان میں جا رہے ہوں اور ریاست بھی اس کے نقصان کو ثابت کر دے۔

07 فروری 2014ء

منہاج القرآن یوتھ لیگ آزادکشمیر کی تنظیم سازی

منہاج القرآن یوتھ لیگ آزادکشمیر کی تنظیم سازی

منہاج القرآن یوتھ لیگ آزادکشمیر کی تنظیم سازی عثمان شوکت صدر اور حافظ عمیر احمد جنرل سیکرٹری منتخب۔ تفصیلات کے مطابق منہاج یوتھ لیگ کی تنظیم سازی کے سلسلہ میں ایک اہم اجلاس روالپنڈی میں منعقد ہوا جس میں منہاج القرآن یوتھ لیگ پاکستان کے صدر حافظ شعیب طاہر نے خصوصی شرکت کی۔

02 فروری 2014ء

زندہ قومیں اپنے شہیدوں کو یاد رکھتی ہیں اور ان کی قربانی کو اپنے لئے فخر کا تاج بناتی ہیں: راضیہ نوید

زندہ قومیں اپنے شہیدوں کو یاد رکھتی ہیں اور ان کی قربانی کو اپنے لئے فخر کا تاج بناتی ہیں: راضیہ نوید

دہشت گردی کی سفاک کارروائیوں میں شہید ہونے والے فوجی افسروں اور جوانوں، معصوم بچوں اور بے گناہ شہریوں کے ساتھ اظہار عقیدت و محبت کیلئے پاکستان عوامی تحریک (ویمن ونگ) کے زیر اہتمام لبرٹی چوک لاہور میں ایک پروقار تقریب کا اہتمام کیا گیا۔ جس میں سینکڑوں خواتین نے موم بتیاں جلا کر شہداء کے ساتھ عقیدت و محبت اور دہشت گردی کے خلاف یکجہتی کا اظہار کیا۔ امن کیلئے شہید ہونے والے فوجیوں، سوسائٹی کے بے گناہ افراد سے محبت کا اظہار پھولوں کے گلدستے رکھ کر کیا گیا۔ خواتین کے ساتھ بچے بھی اس تقریب میں موجود تھے۔

27 جنوری 2014ء

جہلم: سوشل میڈیا ٹریننگ کیمپ برائے رضاکاران

جہلم: سوشل میڈیا ٹریننگ کیمپ برائے رضاکاران

پاکستان عوامی تحریک، منہاج القرآن یوتھ لیگ اور منہاج القرآن ویمن لیگ جہلم کے زیراہتمام منہاج القرآن اسلامک سنٹر جادہ میں 26 جنوری 2014ء کو سوشل میڈیا رضاکاران کے لئے ایک ٹریننگ کیمپ کا انعقاد کیا گیا، جس میں ڈسٹرکٹ جہلم سے 30 سے زائد افراد نے شرکت کی۔ کیمپ کے مقاصد میں سوشل میڈیا کا مثبت اور بہترین استعمال، سوشل میڈیا پر عملی کام کے دوران احتیاطی تدابیر سے آگاہی اور سوشل میڈیا کو مصطفوی انقلاب کی جدوجہد میں بہتر طریقے سے استعمال کرنا شامل تھا۔

26 جنوری 2014ء

صدر ایم ایس ایم پاکستان کا دورہ کراچی (9 تا 12 جنوری 2014ء)

صدر ایم ایس ایم پاکستان کا دورہ کراچی (9 تا 12 جنوری 2014ء)

مصطفوی سٹوڈنٹس موومنٹ کے مرکزی صدر چوہدری عرفان یوسف نے مورخہ 9 تا 12 جنوری 2014ء کراچی کا دورہ کیا، دورے میں سابق مرکزی صدر ایم ایس ایم پاکستان امجد حسین جٹ ان کے ہمراہ تھے۔ اپنے اس تنظیمی دورے میں انہوں نے لانڈھی ٹاؤن، بلدیہ ٹاؤن، بن قاسم ٹاؤن، لیاری ٹاؤن، شاہ فیصل ٹاؤن اور دیگر علاقوں کا دورہ کیا، جہاں مصطفوی سٹوڈنٹس موومنٹ کے کارکنان و وابستگان اور طلبہ سے ملاقاتیں بھی کیں۔

12 جنوری 2014ء

موبائل میڈیکل کیمپس برموقع عالمی میلاد کانفرنس 2014

موبائل میڈیکل کیمپس برموقع عالمی میلاد کانفرنس 2014

مینار پاکستان کے سبزہ زار میں منعقد ہونے والی عالمی میلاد کانفرنس کے موقع پر منہاج ویلفیئر فاؤنڈیشن نے ہزاروں افراد کے اس اجتماع میں کسی بھی ناگہانی صورت حال سے نمٹنے کے لیے اور طبی سہولیات مہیا کرنے کے لیے موبائل میڈیکل کیمپس لگائے۔

16 جنوری 2014ء

ایم ایس ایم کے زیراہتمام وطن عزیز کے مختلف شہروں میں احتجاجی ریلیاں

ایم ایس ایم کے زیراہتمام وطن عزیز کے مختلف شہروں میں احتجاجی ریلیاں

مصطفوی سٹوڈنٹس موومنٹ کے زیر اہتمام 25 دسمبر کو قائد ڈے کے حوالے سے ملک بھر میں قائد کا پاکستان کہاں ہے؟ ریلیاں نکالی گیئں جس میں طلباء نے بھر پور شرکت کی اور ملک کے موجودہ حالات پہ غم وغصے کا اظہا ر کیا اور حالات بدلنے کے لیے ملک میں رائج فرسودہ نظام کے خلاف بھرپور حصہ لینے کا عزم کیا۔ احتجاجی ریلیوں میں مرکزی قائدین نے بھی شرکت کی۔ ان ریلیوں سے خطاب کرتے ہوئے مرکزی صدر مصطفوی سٹوڈنٹس موومنٹ چوہدری عرفان یوسف کا کہنا تھا کہ طلبا ملک کا مقدر سنوارنے کے لئے ہر قسم کی قربانی د ینے کے لئے تیار ہیں اور طلبا جلد پاکستان کو قائد کا پاکستان بنا ئیں گے۔

15 جنوری 2014ء

Admissions Open Minhaj University Lahore

تعارف‬‎

تحریک منہاج القرآن ایک وسیع البنیاد اسلامی تنظیم ہے، جو اسلام کے اجتہادی تصورات کو عام کرنے اور دہشت گردی و تنگ نظری کے خلاف امن اور تعامل باہمی کی تعلیمات کو فروغ دینے میں مصروف ہے۔ اس تحریک کی بنیاد شیخ الاسلام ڈاکٹر محمد طاہرالقادری نے 1980 میں لاہور میں رکھی تھی۔

eLearning by Minhaj-ul-Quran International

Official WhatsApp Group Dr Qadri

Ijazat Chains of Authority

Top