شیخ الاسلام ڈاکٹر محمد طاہرالقادری کی تصنیف کی تقریب رونمائی آج ہو گی

مہمان خصوصی مشیر وزیر اعظم پاکستان میاں محمد ایوب جبکہ صدارت ڈاکٹر رحیق عباسی کریں گے

تحریک منہاج القرآن لاہور کی ذیلی تنظیم گلبرگ ٹاؤن کے زیراہتمام شیخ الاسلام ڈاکٹر محمد طاہرالقادری کی تصنیف "دہشت گردی اور فتنہ خوارج" کی تقریب رونمائی گلبرگ کے مقامی شادی ہال میں آج (اتوار) ہو گی۔ جس کی صدارت مرکزی ناظم اعلیٰ ڈاکٹر رحیق احمد عباسی کریں گے۔ مہمان خصوصی مشیر وزیر اعظم پاکستان میاں محمد ایوب ہونگے جبکہ تحریک منہاج القرآن لاہور کے امیر ارشاد طاہر، ناظم حفیظ اللہ جاوید، صدر پاکستان عوامی تحریک لاہور محمد افضل گجر، صدر تحریک منہاج القرآن گلبرگ محمد راشد چوہدری، ناظم گلبرگ شیخ سہیل ظفر، ناظم دعوت گلبرگ حافظ صفدر علی اور غلام مصطفی ملک خصوصی شرکت کریں گے۔ دہشت گردی کے خاتمے کیلئے ڈاکٹر محمد طاہرالقادری کی تصنیف پر ایم پی اے ثمینہ خاور حیات، مسلم لیگ (ن) کے ایم پی اے ڈاکٹر سعید الہی اور دیگر مہمانان گرامی اظہار خیال کریں گے۔