تحریک منہاج القرآن کی مجلس شوریٰ کا ہنگامی اجلاس کل ہو گا، ڈاکٹر محمد طاہرالقادری بذریعہ ویڈیو کانفرنس انتہائی اہم اعلان کریں گے

مورخہ: 25 اگست 2010ء

موجودہ نازک ترین ملکی صورتحال کے تناظر میں شیخ الاسلام ڈاکٹر محمد طاہرالقادری نے تحریک منہاج القرآن کی مجلس شوریٰ کا ہنگامی اجلاس کل (جمعہ) مرکزی سیکرٹریٹ ماڈل ٹاؤن میں طلب کر لیا ہے۔ وہ کینڈا سے تحریک کی سینٹرل ورکنگ کونسل کے اجلاس سے ٹیلیفونک گفتگو کر رہے تھے۔ اس موقع پر قائمقام ناظم اعلیٰ شیخ زاہد فیاض، فیض الرحمٰن درانی، جی ایم ملک، قاضی فیض، افتخار شاہ بخاری، چوہدری بابر علی، ڈاکٹر تنویر اعظم، راجہ جمیل اجمل، ساجد بھٹی، احمد نواز انجم، جواد حامد، ارشاد طاہر، عاقل ملک اور دیگر قائدین بھی موجود تھے۔ ڈاکٹر محمد طاہرالقادری ملک بھر کے نمائندہ عہدیداران کی موجودگی میں ملکی صورتحال کے تناظر میں بذریعہ ویڈیو کانفرنس انتہائی اہم اعلان کریں گے اور عہدیداران کو آئندہ لائحہ عمل کے بارے میں رہنمائی دیں گے۔ مجلس شوریٰ کے اجلاس میں ملک بھر سے تحریک کے جملہ فورمز کے عہدیداران شرکت کریں گے۔ جمعہ کو ہونیوالے مجلس شوریٰ کے اجلاس کیلئے ملک بھر کی تنظیمات کو اطلاعات پہنچا دی گئی ہیں اور مجلس شوریٰ کے اجلاس کی تیاریاں شروع کر دی گئی ہیں۔ تحریک کے ناظم اجتماعات جواد حامد کو اس حوالے سے ذمہ داریاں تفویض کر دی گئی ہیں۔

تبصرہ

تلاش

ویڈیو

Quran Reading Pen
We Want to CHANGE the Worst System of Pakistan
Presentation MQI websites
Advertise Here
Top