آج اسلام کو اندرونی اور بیرونی دونوں دشمنوں کا سامنا ہے: فیض الرحمن درانی

علماء کرام اپنی تمام تر توانائیاں دین کی سر بلندی کیلئے صر ف کریں تاکہ امت زبوں حالی کی کیفیت سے نکل سکے
امت مسلمہ باہمی انتشار اور گروہ بندیوں کا شکار ہے

تحریک منہاج القرآن کے مرکزی امیر فیض الرحمن درانی نے گزشتہ دنوں منہاج القرآن سیکرٹریٹ کے وزٹ پر آئے ہوئے راولپنڈی کے علماء کرام کے وفد سے گفتگو کرتے ہوئے کہا کہ امت کی زبوں حالی پر ہر مسلمان پریشان اور دل گرفتہ ہے۔ امت مسلمہ کا یہ زوال امت کے باہمی انتشار و افتراق کا شکار ہونے اور عالمی سطح پر صالح و باکردار قیادت سے محرومی کا نتیجہ ہے۔ انہوں نے کہا کہ آج امت کے زوال کو عروج میں بدلنے کیلئے مؤثر کاوش نہیں ہورہی اور امت بھی باہمی انتشار اور گروہ بندیوں کا شکار ہے۔ جس کی بناء پر اغیار کو مسلمانوں پر انتہا پسندی اور دہشت گردی کے الزامات لگانے کی جرات ہورہی ہے۔

فیض الرحمن درانی نے کہا کہ اغیار سے تو خیر کی توقع رکھنا فضول تھی ہی مگر دکھ کی بات یہ ہے کہ آج کے نام نہاد مسلمان بھی روشن خیالی کے نام پر اسلام کو بد نام کرنے پر تلے ہوئے ہیں۔ فحاشی، عریانی اور بے حیائی کو فروغ دے کر دین کی بنیادوں کو کھوکھلا کیا جا رہا ہے۔ انہوں نے کہا کہ آج اسلام کو اندرونی اور بیرونی دونوں دشمنوں کا سامنا ہے۔ انہوں نے کہا کہ علماء کرام نے ہر مو قع پر امت کی رہنمائی کا فریضہ سر انجام دیاہے۔ باہمی فر قہ بندی، تفر قہ پروری اور تنگ نظری سے بالا تر ہوکر امت کے اتحاد اور اتفاق کی کوشش کرنا موجودہ دور کی ضرورت بن چکا ہے۔ انہوں نے علماء کرام پر زور دیا کہ وہ اپنی تمام ترتوانائیاں دین کی سربلندی کیلئے صرف کریں تاکہ امت زبوں حالی کی کیفیت سے نکل سکے۔

تبصرہ

تلاش

ویڈیو

Minhaj TV
Quran Reading Pen
We Want to CHANGE the Worst System of Pakistan
Presentation MQI websites
Advertise Here
Top