پاکستان کے تاریخی ورثہ پر حملہ کرنے والے ملک و قوم کے حقیقی دشمن ہیں۔ ڈاکٹر طاہر القادری
قومی یادگار پر حملہ کر کے اسے نقصان پہنچانے والوں کو عبرت کا نشان بنا دیا جائے
پاکستان عوامی تحریک کے قائد ڈاکٹر محمد طاہر القادری نے کوئٹہ زیارت میں بانی پاکستان قائداعظم محمد علی جناح رحمۃ اللہ علیہ کی رہائش گاہ پر ہونیوالے دہشت گردی کے حملے کی شدید ترین الفاظ میں پرزور مذمت کرتے ہیں کہا ہے کہ پاکستان کے تاریخی ورثہ پر حملہ کرنے والے ملک و قوم کے حقیقی دشمن ہیں۔ وفاقی اور صوبائی حکومتیں اور قانون نافذ کرنیوالے ادارے مفاہمت کی عینک اور مصلحت کے دستانے اتار کر ان ملک دشمن عناصر کے خلاف سخت کارروائی کرے۔
انہوں نے کہا کہ قومی یادگار پر حملہ کر کے اسے نقصان پہنچانے والوں کو عبرت کا نشان بنا دیا جائے تا کہ آئندہ کوئی ایسی مذموم جسارت کرنے کی جرات نہ کرے۔ ڈاکٹر طاہر القادری نے کہا کہ بانی پاکستان کی ریذیڈنسی پر حملہ حکومت اور قانون نافذ کرنیوالے اداروں کی نااہلی کا کھلا ثبوت ہے۔
تبصرہ