ماہ شعبان نفرت، کدورت کو ختم کرنے، اجتماعی توبہ اور اللہ کو راضی کنے کا مہینہ ہے: فرحت حسین شاہ

مورخہ: 20 مئی 2015ء

شب برات میں اللہ رب العزت انسانیت کو گناہوں کے بوجھ سے آزاد کرتے ہیں
منہاج القرآن علماء کونسل کی مرکزی مشاورتی کونسل کے اجلاس سے خطاب

لاہور (20 مئی 2015) منہاج القرآن علماء کونسل کے مرکزی ناظم علامہ سید فرحت حسین شاہ نے کہا ہے کہ ماہ شعبان بخشش و مغفرت کا مہینہ ہے، اس بابرکت مہینے میں آنیوالی شب برات میں اللہ رب العزت توبہ کرنے وال کو گناہوں کے بوجھ سے آزاد کرتے ہیں۔ شعبان کا مبارک مہینہ نفرت، کدورت کو ختم کرنے اور معافی، نرمی اور خوشیاں تقسیم کرنے کا مہینہ ہے۔ اس مہینے میں ہمیں ایک دوسرے کے گلے شکوے ختم کر کے معاف کرنا چاہیے۔ لوگوں کو معاف کرنے سے اللہ تعالیٰ ہمیں معاف کرے گا۔ وہ منہاج القرآن علماء کونسل کی مرکزی مشاورتی کونسل کے اجلاس سے مرکزی سیکرٹریٹ میں خطاب کر رہے تھے۔ اس موقع پر علامہ امداد اللہ قادری، علامہ میر آصف اکبر، علامہ عثمان سیالوی، علامہ محمد حسین آزاد، علامہ ممتاز صدیقی و دیگر بھی موجود تھے۔

علامہ فرحت شاہ نے کہا کہ برے اعمال کی وجہ سے پاکستانی قوم دہشت گردی کے عذاب سے دو چار ہے، مذہب کو دنیا کمانے کا ذریعہ بنانے کا نتیجہ ہے کہ آج انتہا پسندی اور دہشتگردی نے امن و سکون غارت کر رکھا ہے، امن کی بحالی کیلئے علمائے کرام کو قرآن و سنت کی حقیقی تعلیم کو عام کرنا ہوگا اور دین محمدی کے محبت اور رواداری والے پیغام کو عام کرنا ہو گا، انہوں نے کہا کہ صرف علمائے کرام ہی اپنے کردار سے معاشرہ کو دہشتگردی اور انتہا پسندی سے پاک کر سکتے ہیں، ماہ شعبان اجتماعی توبہ اور اللہ کو راضی کرنے کا مہینہ ہے۔

تبصرہ

تلاش

ویڈیو

Ijazat Chains of Authority
Top