دین اسلام انسانیت کی اعلیٰ قدروں کا تحفظ کرتا ہے: ڈاکٹر حسین محی الدین

بغض، کینہ و عناد کو سینے سے نکال کر اخوت، بھائی چارے، امن، سلامتی کو جگہ دینا ہو گی
صدر منہاج القرآن کی نماز جمعہ کے بعد عہدیداران، کارکنان، نمازیوں سے گفتگو

Dr Hussain Mohi ud Din Qadri statement

لاہور (18 جنوری 2019) تحریک منہاج القرآن کے صدر ڈاکٹر حسین محی الدین نے کہا ہے کہ دین اسلام ایک طرف تو بندوں کا رشتہ محبوب حقیقی سے مضبوط کرتا ہے تو دوسری طرف تمام انسانوں کے درمیان محبت، بھائی چارے، بھلائی کی فضا قائم کرتا ہے، اسلام انسانیت کی اعلیٰ قدروں کا تحفظ کرتا ہے، اسلام دین فطرت ہے اور اس کے مادے میں امن، سلامتی، صلح، احترام انسانیت کے وسیع معنی موجود ہیں، دین اسلام نے ایک دوسرے کے خون کے پیاسوں کو بھائی بھائی بنا دیا، صدیوں سے چلی آرہی دشمنیوں کو گہری دوستی اور رشتہ داریوں میں تبدیل کر دیا، ایمان کی مضبوطی کیلئے باہمی اخوت، بھائی چارے کو فروغ دینا چاہیے۔ وہ جامع المنہاج ماڈل ٹاؤن میں نماز جمعہ کے بعد کارکنوں سے گفتگو کررہے تھے، ڈاکٹر حسین محی الدین نے کہا کہ نفرتوں کی بجائے محبتوں کو فروغ دینا ہو گا، اللہ تعالیٰ کی رسی کو مضبوطی سے تھامتے ہوئے آپس کے بے جا اختلافات کو بھلا کر بغض، کینہ و عناد کو سینے سے نکال کر اخوت، بھائی چارے، امن، سلامتی کو جگہ دینا ہو گی، انہوں نے کہا کہ اسی عمل سے ہم اچھے انسان، اچھے مسلمان اور محسن انسانیت نبی کریم ﷺ کے اچھے امتی بن سکتے ہیں۔ ڈاکٹر حسین محی الدین نے نماز جمعہ کے بعد تحریک منہاج القرآن کے رفقاء، ممبران، عہدیداران اور سینکڑوں نمازیوں سے ملاقات کی۔

تبصرہ

تلاش

ویڈیو

Minhaj TV
Quran Reading Pen
Presentation MQI websites
Advertise Here
Top