منہاج انسٹی ٹیوٹ برائے قرآءت میں حفاظ طلبہ کے اعزاز میں تقریب

والدین بچوں کا قرآن مجید سے تعلق جوڑیں: پروفیسر ڈاکٹر حسین قادری
منہاج انسٹی ٹیوٹ سے 30 سال میں سینکڑوں طلبہ و طالبات نے قرآن مجید حفظ کیا
رواں سال 60 طلبہ اور 10 طالبات نے قرآن مجید حفظ کرنے کی سعادت حاصل کی: عباس نقشبندی
تقریب میں اپنے بچوں کو قرآن مجید حفظ کروانے والے والدین کو بھی تعریفی اسناد دی گئیں
تقریب سے فضہ حسین قادری، علامہ غلام مرتضیٰ علوی، کرنل (ر) مبشر اقبال نے بھی خطاب کیا

”منہاج انسٹی ٹیوٹ برائے قراءت و تحفیظ القرآن“ کے زیراہتمام قرآن مجید حفظ کرنے والے طلباء و طالبات کے اعزاز میں تقریب تقسیم اسناد کا اہتمام کیا گیا۔

مہمان خصوصی چیئرمین آغوش کمپلیکس پروفیسر ڈاکٹر حسین محی الدین قادری نے خطاب کرتے ہوئے کہا کہ وہ والدین خوش قسمت ہیں جو اپنے بچوں کے لئے دینی تعلیم کو ناگزیر سمجھتے ہوئے اس کی فراہمی کے لئے مکمل سرپرستی کرتے ہیں۔ انہوں نے کہا کہ قرآن مجید پڑھنا، پڑھانا، سمجھنا اور سمجھانا بہت بڑی نیکی اور عبادت ہے۔ قرآن مجید ہی صراط مستقیم ہے۔ انہوں نے علوم القرآن کے فروغ کے لئے تحفیظ القرآن کی خدمات پر زبردست الفاظ میں خراج تحسین پیش کیا۔ پروفیسر ڈاکٹر حسین محی الدین قادری نے قرآن مجید حفظ کرنے والے طلباء، ان کے والدین، پرنسپل علامہ عباس نقشبندی اور جملہ مدرسین کو انتہائی محنت اور لگن کے ساتھ تدریسی خدمات انجام دینے پر مبارک باد دی۔

تقریب سے خطاب کرتے ہوئے پرنسپل علامہ عباس نقشبندی نے کہا کہ تحفیظ القرآن 30 سال سے علوم القرآن کے فروغ کے لئے کوشاں ہے۔ اس دوران سینکڑوں طلباء و طالبات نے قرآن مجید حفظ کیا۔ رواں سال 60 بچوں اور 10 بچیوں نے حفظ القرآن مکمل کیا۔ تقریب میں قرآن پاک حفظ کرنے والے بچوں کے والدین کو بھی تعریفی اسناد دی گئیں، تقریب میں موجود سینکڑوں شرکاء نے تالیاں بجا کر والدین کی حوصلہ افزائی کی۔

محترمہ فضہ حسین قادری، رومانہ مبشر، نے قرآن مجید حفظ کرنے والی طالبات کو شیلڈز دیں۔ علامہ عباس نقشبندی، ڈائیریکٹر حج آپریشنز اقرار احمد، عارف ظہور،محمد حامد، کرنل (ر) مبشر اقبال، علامہ غلام مرتضیٰ علوی، میاں زاہد اسلام، نوراللہ صدیقی، الطاف رندھاوا، علامہ میر آصف اکبر، علامہ عین الحق بغدادی نے طلباء کو اچھی کارکردگی پر تعریفی سرٹیفکیٹس دئیے۔ مستعدی سے تدریسی خدمات انجام دینے والے اساتذہ قاری اسماعیل سعیدی، قاری سعید خالد حمید کاظمی، قاری عبدالخالق قمر، قاری غلام مرتضیٰ، قاری غلام حسین، قاری سردار انعام اللہ نعیمی، قاری محمد حسین، قاری محمد انیس الرحمن، قاری محمد سفیان، قاری عبدالطیف، قاری محمد عبداللہ، قاری محمد بشیر، قاری محمد حذیفہ، قاری نعمان حفیظ، قاری ضیاء الرحمن کو خصوصی تعریفی اسناد دی گئیں۔

ڈائریکٹر نظامتِ تربیت علامہ غلام مرتضیٰ علوی کو ترجمۃ القرآن کی پہلی کلاس کے اجراء پر تعریفی شیلڈ دی گئی۔ ایسے والدین جن کے دو یا دو سے زائد بچوں نے قرآن مجید حفظ کیا ان میں آصف سلہریا ایڈووکیٹ اور ارشاد حسین شامل ہیں انہیں بھی خصوصی شیلڈ دی گئی۔