شیخ الاسلام پروفیسر ڈاکٹر محمد طاہر القادری کی 73ویں سالگرہ پر مرکزی سیکرٹریٹ میں دعائیہ تقریب

شیخ الاسلام پروفیسر ڈاکٹر محمد طاہر القادری کی زندگی کا ہر لمحہ خدمت دین وخلق کے لئے وقف ہے: مقررین
ڈاکٹر حسن محی الدین قادری، پروفیسر ڈاکٹر حسین محی الدین قادری، خواجہ معین الدین کوریجہ، احمد مسعود دیوان، خرم نواز گنڈاپور سمیت اہم شخصیات کی شرکت

بانی و سرپرست تحریک منہاج القرآن شیخ الاسلام پروفیسر ڈاکٹر محمد طاہر القادری کی 73ویں سالگرہ پر مرکزی سیکرٹریٹ ماڈل ٹاؤن لاہور میں پروقار دعائیہ تقریب کا انعقاد کیا گیا۔ تقریب میں ہزاروں کارکن شریک ہوئے۔ دعائیہ تقریب میں چیئرمین سپریم کونسل ڈاکٹر حسن محی الدین قادری، صدر منہاج القرآن پروفیسر ڈاکٹر حسین محی الدین قادری نے خصوصی شرکت کی۔ پیر آف کوٹ مٹھن شریف خواجہ معین الدین کوریجہ، پیر آف پاکپتن شریف احمد مسعود دیوان، ناظم اعلیٰ خرم نواز گنڈاپور، بیرسٹر عامر حسن، راجہ زاہد محمود، میاں زاہد اسلام، سید الطاف شاہ گیلانی، جی ایم ملک، سید مشرف شاہ، علامہ رانا محمد ادریس، نور اللہ صدیقی، جواد حامد، صوفی مقصود، رانا وحید شہزاد، شیخ فرحان عزیز، سمیت مرکزی، صوبائی، ضلعی رہنماؤں نے شرکت کی۔

تقریب میں عالمی شہرت یافتہ قراء قاری نور احمد چشتی، قاری سید خالد حمید کاظمی الازہری نے تلاوت قرآن مجید، نامور قوال فیض علی فیضی، محمد افضل نوشاہی، شہباز قمر فریدی، ڈاکٹر سرور نقشبندی، ظہیر عباس بلالی، امجد بلالی، شہزاد برادران، بلال برادران، رضا المصطفیٰ و دیگر ثنا خواناں مصطفی نے بارگاہ رسالت مآب میں گلہائے عقیدت پیش کیے۔ مقررین نے شیخ الاسلام ڈاکٹر محمد طاہرالقادری کی زندگی کے مختلف پہلوؤں پر روشنی ڈالتے ہوئے ان کی علمی، تحقیقی،بین المسالک و بین المذاہب اورامن عالم کے لئے خدمات کو خراج تحسین پیش کیا۔

اس موقع پر ڈاکٹر طاہر القادری کی 73ویں سالگرہ کا کیک بھی کاٹا گیا ان کی درازی عمر کے لئے اور ملکی سلامتی و خوشحالی کے لئے خصوصی دعا بھی کی گئی۔

لاہور میں ہونے والی مرکزی تقریب میں حاجی منظور حسین، عبدالرحمن ملک، فرحان جاوید، ثناء اللہ خان، قاضی فیض الاسلام، سہیل رضا، اشتیاق حنیف مغل، ڈاکٹر علی وقار، نعیم الدین چوہدری ایڈووکیٹ، شکیل طاہر، انجینئر سلیم، شاہد لطیف، حفیظ الرحمن، شہزاد رسول، حاجی محمد اسحاق، حافظ غلام فرید سمیت رہنماؤں نے بڑی تعداد میں شرکت کی۔