قیام امن کیلئے ہمیں ملک سے جہالت کا خاتمہ کرنا ہوگا : ساجد گوندل

مورخہ: 01 مئی 2009ء

تعلیم کو اولین ترجیح بنا لیا جائے تو دہشت گردی کا ناسور خودبخود دفن ہو جائے گا
سیکرٹری جنرل مصطفوی سٹوڈنٹس موومنٹ کی پنجاب یونیورسٹی گوجرانوالہ کیمپس سے آئے ہوئے طلبہ وفد سے گفتگو

مصطفوی سٹوڈنٹس موومنٹ کے سیکرٹری جنرل ساجد گوندل نے کہا کہ امن کے قیام کیلئے ہمیں ملک سے جہالت کا خاتمہ کرنا ہوگا۔ طلبہ تنظیمات اگر سنجیدگی اور مثبت طریقے سے عملی اقدامات کا آغاز کر دیں تو معاشرے سے انتہاء پسندی کا خاتمہ ہوسکتا ہے۔ انہوں نے کہا کہ حکومت تعلیم کے فروغ کو اپنی اولین ترجیح بنالے تو شعور بیدار ہوگا اور دہشت گردی کا ناسور خودبخود دفن ہوجائے گا۔ وہ حافظ تجمل کی قیادت میں پنجاب یونیورسٹی (گوجرانوالہ کیمپس) سے آئے ہوئے طلبہ وفد سے گفتگو کررہے تھے۔ انہوں نے کہا کہ حکومت خواندگی کا تناسب بڑھانے کیلئے فوری پالیسی وضع کرکے اگلے پانچ سالوں میں ملک میں تعلیمی انقلاب لانے کا تہیہ کر لے تو اس کے دیگر مثبت اثرات کے ساتھ دہشت گردی اور انتہاء پسندی کا بھی خاتمہ ممکن ہے۔ انہوں نے طلبہ پر زور دیا کہ وہ اپنی تمام تمام تر توجہ حصول علم اور ذاتی تربیت پر دیں تو وہ معاشرے میں پائے جانے والے منفی رویوں کے خاتمے کیلئے انتہائی اہم کردار ادا کر سکتے ہیں۔

تبصرہ

تلاش

ویڈیو

Minhaj TV
Quran Reading Pen
We Want to CHANGE the Worst System of Pakistan
Presentation MQI websites
Advertise Here
Top