سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
منہاج ویلفیئر فاؤنڈیشن کے زیراہتمام منہاج ویمن لیگ فیصل آباد کی ٹیم نے جنوبی پنجاب کے سیلاب سے متاثرہ مختلف علاقوں بصیرہ جدید، ببٹ مونگڑ، بستی کھوکھراں اور دیگر مقامات پر میڈیکل کیمپس کا انعقاد کیا۔ ان کیمپس میں 1200 خواتین اور بچوں کو طبی سہولیات اور مفت ادویات فراہم کی گئیں۔ اس موقع پر منہاج ویمن لیگ کی میڈیکل ٹیم کا کہنا تھا کہ متاثرین کی خدمت کرنا ہم سب کا دینی و اخلاقی فریضہ ہے۔
منہاج القرآن ویمن لیگ فیصل آباد کے زیرِ اہتمام ایگرز کلب کی افتتاحی تقریب کا انعقاد کیا گیا۔ تقریب میں مرکزی وفد نے خصوصی شرکت کی۔ اس موقع پر محترمہ ام کلثوم قمر نے ایگرز کلب کے متعلق بریفنگ دیتے ہوئے کہا کہ جہاں منہاج القرآن کے مختلف امتیازات اسے باقی تنظیمات سے جدا اور منفرد بناتے ہیں اسی طرح ایگرز ڈیپارٹمنٹ کا قیام ایک سنگ میل کی حیثیت رکھتا ہے۔
منہاج القرآن ویمن لیگ کے دو رکنی وفد محترمہ رافعہ عروج ملک (زونل ناظمہ سینٹرل پنجاب اے) اور محترمہ عائشہ مبشر (نائب ناظمہ منہاج القرآن ویمن لیگ) نے جڑانوالہ کی تحصیلات بچیانہ، کھڑیانوالہ اور باہمنی والہ کا تنظیمی دورہ کیا۔ اس دوران وفد نے تنظیمات سے ملاقات کی۔
رمضان المبارک کی نورانی ساعتوں میں منہاج القرآن ویمن لیگ پیر محل (پارہ ٹاؤن) کے زیراہتمام محفل درود پاک کا انعقاد کیا گیا جس میں محترمہ عائشہ نذیر انچارج گوشہ درود شریف اور سید پاکیزہ بخاری ناظمہ ویمن لیگ پیرمحل نے خطاب کیا۔ انہوں نے اپنے خطاب میں کہا کہ حضور نبی اکرم صلی اللہ علیہ وآلہ وسلم پر درود و سلام بھیجنا ایک مقبول ترین عمل ہے۔
منہاج القرآن ویمن لیگ بچیانہ منڈی جڑانوالہ کے زیراہتمام میلاد کانفرنس کا انعقاد ہوا، میلاد کانفرنس میں علاقہ بھر سے سیکڑوں خواتین نے شرکت کی، اس موقع پر منہاج ویمن لیگ کی سنٹرل زونل ہیڈ محترمہ رافعہ عروج ملک نے ’’حب مصطفیٰ صلی اللہ علیہ وآلہ وسلم وجہ بقائے ایمان‘‘ کے موضوع پر خطاب کیا۔ انہوں نے کہا کہ حب مصطفیٰ صلی اللہ علیہ والہ وسلم ایمان کی اصل ہے۔
منہاج القرآن ویمن لیگ کے زیراہتمام ضلعی ناظم رانا رب نواز انجم، ناظمہ فرحت دلبر قادری، فریدہ اکبر، حرا دلبر، ثناء اشتیاق، رانا کرامت علی، الطاف حسین و دیگرنے الائیڈ ہسپتال میں مریضوں میں کھانا تقسیم کیا۔ رانا رب نواز انجم نے میڈیا سے بات چیت کرتے ہوئے کہا کہ پاکستان کو امن کا گہوارہ بنانے کیلئے ظالم اور قاتل نظام کی قربانی ناگزیر ہے۔
منہاج القرآن ویمن لیگ فیصل آباد کی ضلعی ناظمہ فرحت دلبر اعوان نے کہاکہ ایمان کی اساس کے تحفظ اور انتہاء پسندی اور دہشتگردی کے قلع قمع کیلئے منہاج القرآن کی کارکنان اور وابستگان پوری دنیا میں اپنا دینی، قومی وملی فریضہ انجام دے رہی ہیں، تحریک کے بانی ڈاکٹر محمد طاہرالقادری نے قرآن وحدیث کی تعلیمات پر مبنی ملت اسلامیہ کو اتنا علمی وتحقیقی ذخیرہ فراہم کر دیا ہے کہ اب کوئی بھی دین دشمن، نظریاتی دہشتگرد اپنے مذموم اور مخصوص تخریبی ایجنڈا کی تکمیل کے لیے آئندہ نسلوں کو گمراہ نہیں کر سکتا۔
منہاج القرآن ویمن لیگ کی ضلعی ناظمہ فرحت دلبراعوان نے کہا کہ تحریک پاکستان کیلئے خواتین میں بیداری شعور پیدا کرنا مادر ملت فاطمہ جناح کا بہت بڑا کارنامہ تھا، مادر ملت نے خواتین کے حقوق اور تعلیم و تربیت کی جو تحریک 23 مارچ 1940 ء سے شروع کی وہ پاکستان بننے کے بعد بھی جاری رہیمادر ملت پاکستان کی خواتین کیلئے رول ماڈل ہیں۔
مادر ملت محترمہ فاطمہ جناح کے 51 ویں یوم وفات پر تعزیتی ریفرنس منعقد ہوا، جس میں منہاج القرآن ویمن لیگ کی ضلعی ناظمہ فرحت دلبراعوان نے خطاب کرتے ہوئے کہا کہ محترمہ فاطمہ جناح نے دنیا کی سیاسی تاریخ میں بہت کم بہن بھائی ایسے ہونگے جو تعلیم، کردار میں اپنے وقت کے نابغہ روزگار ہوں اور ان کا مرنا جینا قوم کیلئے ہو، محترمہ فاطمہ جناح نے تحریک پاکستان میں خواتین کو متحد کیا۔
منہاج القرآن ویمن لیگ فیصل آباد کے زیراہتمام مستحق خواتین میں راشن تقسیم کرنے کی تقریب منعقد ہوئی، تقریب سے ضلعی ناظم رانا رب نواز انجم، میاں کاشف محمود، رانا طاہرسلیم، آصف عزیز نے خطاب کرتے ہوئے کہا کہ خوش قسمت ہیں وہ لوگ جو انسانیت کی خدمت کو عبادت سمجھتے ہیں۔
عالمی یوم خواتین 8 مارچ 2018ء کے موقع پر منہاج القرآن ویمن لیگ فیصل آباد کے زیراہتمام سیمینار منعقد ہوا، جس کی صدارت منہاج القرآن ویمن لیگ کی ضلعی ناظمہ فرحت دلبراعوان نے کی۔ سیمینار میں روبینہ خاکی، فریدہ علی، قمرانساء علی، تسنیم افضال، حرادلبر، شازیہ ارشد، نرجس عارف، مصباح افتخار، مسزکاشف امین دیگر خواتین بھی موجود تھیں۔
فیصل آباد میں منہاج القرآن ویمن لیگ کے زیراہتمام قائد ڈے پر پروقار تقریب منعقد ہوئی، جس کی صدارت ویمن لیگ سنٹرل پنجاب کی زونل ناظمہ عائشہ مبشر نے کی۔ تقریب میں ویمن لیگ کی مقامی قائدین و کارکنان نے بھرپور شرکت کی۔ اس موقع پر شیخ الاسلام ڈاکٹر محمد طاہرالقادری کی 67 ویں سالگرہ کا کیک بھی کاٹا گیا۔
منہاج القرآن ویمن لیگ فیصل آباد کے زیراہتمام خواتین کی تربیتی نشست منعقد ہوئی۔ جس کی صدارت ضلعی صدر فاطمہ سجادنے کی۔ پروگرام میں محترمہ باجی ارشاد، قمر النساء، روبینہ خاکی، فریدہ علی اکبر، حرا دلبرموجود تھیں۔ منہاج القرآن ویمن لیگ کی مرکزی ناظمہ افنان بابر نے خواتین کو اہم اہداف دئیے اور کہا کہ خواتین کارکن عوامی رابطہ مہم میں تیزی لائیں اور ڈاکٹر طاہرالقادری کا پیغام ہر گھر تک پہنچائیں۔ یونین کونسل سے نیچے وارڈ کی سطح تک تنظیمات کو منظم کریں۔
منہاج القرآن ویمن لیگ کے زیراہتمام 29 اگست 2017 کو خواتین کی تربیتی ورکشاپ کا انعقاد کیا گیا۔ ورکشاپ میں تحریک منہاج القرآن کے مرکزی نائب ناظم اعلیٰ انجینئر محمد رفیق نجم نے خصوصی شرکت کی۔ تربیتی ورکشاپ میں منہاج القرآن ویمن لیگ ضلع فیصل آباد کی ناظمہ فرحت دلبرقادری، فریدہ علی، روبینہ خاکی، قمرالنساء علی اور تسنیم افضال سمیت سینکڑوں خواتین نے شرکت کی۔
منہاج القرآن ویمن لیگ فیصل آباد کے زیراہتمام مستحق خاندانوں میں راشن تقسیم کرنے کی تقریب منعقد ہوئی، جس میں 50 سے زائد مستحق خاندانوں میں راشن کے پیکٹ تقسیم کیے گئے۔ تقریب میں فرہدہ علی، طاہرہ شکور، شمائلہ انجم، حرا دلبر، اقرء اکرم، غلام محمدقادری، دلبر اعوان، جعفر حسین گجر، اشتیاق حسین، الطاف حسین بھی موجود تھے۔
3.4M
فیس بک
1.9M
ٹوٹر
© 1994 - 2022 Minhaj-ul-Quran International.
