سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
منہاج القرآن ویمن لیگ جہلم کے زیراہتمام قائد ڈے کی تقریب منعقد کی گئی۔ تقريب کا باقاعدہ آغاز تلاوتِ کلامِ پاک اور نعت رسولِ مقبول ﷺ سے کیا گیا بعد ازاں محترمہ ثمینہ کوثر ناظمہ منہاج القرآن ویمن لیگ جہلم نے ابتدائیہ پیش کرتے ہوئے تمام شرکاء کو شیخ الاسلام پروفيسر ڈاکٹر محمد طاہر القادری کی 73 ویں سالگرہ کی مبارکباد پیش کی اور منہاج القرآن ویمن لیگ کے مختلف پراجیکٹس پر بریفننگ دی۔
منہاج القرآن ویمن لیگ کی مرکزی ٹیم کے جہلم وزٹ کے دوران سرائے عالمگیر کی ذمہ داران و کارکنان کے ساتھ تنظیمی و تربیتی اجلاس منعقد ہوا، جس میں ناظمہ زونز اے محترمہ انیلا الیاس ڈوگر اور ڈائریکٹر نظامتِ دعوت و تربیت محترمہ سحر عنبرین نے خصوصی شرکت کی۔
منہاج القرآن ویمن لیگ تحصیل جہلم کے زیراہتمام سیرة النبی ﷺ کانفرنس کا انعقاد کیا گیا۔ جس میں مرکزی سینئر نائب صدر ویمن لیگ محترمہ راضیہ نوید نے خصوصی شرکت کی۔ جہلم بھر سے سوشل ورکرز، سیاسی شخصیات، ٹیچرز، وکلاء، سٹودنٹس نے بھرپور شرکت کی۔ محترمہ راضیہ نوید صاحبہ (نائب صدر منہاج القرآن ویمن لیگ) نے "کامل ایمان کے چار تقاضے" کے موضوع پر خطاب کیا۔
ایم ایس ایم سسٹرز کی سوشو ویلیفئر سوسائٹی جہلم کے زیراہتمام اور وائس کے تعاون سے شجرکاری مہم کا آغاز کیا گیا، اس سلسلہ میں جہلم کے خان محمد ہاسپتال میں پودے لگائے گئے۔ اس موقع پر ایم ایس ایم سسٹرز کی طرف سے اعادہ کیا گیا کہ جشن آزادی کے موقع پر شروع کی گئی شجرکاری مہم ملک بھر میں جاری ہے۔
منہاج القرآن ویمن لیگ کے زیراہتمام ’’سیدہ زینب سلام اللّٰہ علیہا‘‘ کانفرنس 29 اگست 2021 کومنہاج اسلامک سنٹر جادہ جہلم میں منعقد ہوئی۔ اس موقع پر حافظہ سمیرا شاہین نے سیدہ زینب سلام اللہ علیھا کی حیاتِ مقدسہ کے دعوتی، تبلیغی اور روحانی پہلووں خطاب کیا۔
منہاج القرآن ویمن لیگ ضلع جہلم کے زیراہتمام فیلڈ ورکرز کے لیے سوشل میڈیا ورکشاپ کا انعقاد کیا گیا۔ ورکشاپ میں جہلم اور اس کی تحصیلات دینہ، پی ڈی خان اور سوہاوہ سے منہاج ویمن لیگ کی فیلڈورکرز نے شرکت کی۔
منہاج القرآن ویمن لیگ تحصیل جہلم کی طرف سے نرسنگ کالج آف ڈی ایچ کیو جہلم کی لائبریری کے لئے شیخ الاسلام ڈاکٹر محمد طاہرالقادری کی معرکۃ الآراء تصنیف قرآنی انسائیکلوپیڈیا کا تحفہ پیش کیا گیا۔ اس سلسلہ میں کالج میں قرآنی انسائیکلوپیڈیا کی تعارفی تقریب کا انعقاد کیا گیا۔ اس موقع پر محترمہ راحیلہ رفعت (صدر ویمن لیگ جہلم) ، محترمہ ثمینہ کوثر (ناظمہ ویمن لیگ جہلم) اور محترمہ حافظہ سمیرا شاہین (فاضلہ منہاج گرلز کالج لاہور ) نے تقریب میں شرکت کی۔
منہاج القرآن ویمن لیگ جہلم اور عرفان الھدایہ ٹیم کے زیراہتمام آنلائن ’’آرٹ اینڈ کیلگرافی‘‘ مقابلہ کا انعقاد کیا گیا، جس کی اختتامی تقریب 12 مئی کو منعقد ہوئی۔ مقابلہ جات میں منہاج القرآن ویمن لیگ جہلم اور دیگر شہروں سے طالبات نے شرکت کی اور مختلف اسلامی رسم الخط کے فن پارے بنائے۔ کیلگرافی مقابلہ جات میں جہلم سے ماجدہ صابر اور ثناء وحید جبکہ فیصل آباد سے حافظہ مروہ نے پوزیشن حاصل کی۔
منہاج القرآن ویمن لیگ ضلع جہلم کے زیر اہتمام یکم مارچ 2021ء کو شیخ الاسلام ڈاکٹر محمد طاہر القادری کی 70ویں سالگِرہ کے سلسلہ میں پروقار تقریب کا انعقاد کیا گیا۔ تقریب میں منہاج القرآن ویمن لیگ شمالی پنجاب کی زونل ناظمہ مسز ارشاد اقبال اور مرکزی کوآرڈینیٹر تنظیمات ہاجرہ قطب اعوان نے خصوصی شرکت کی۔ دیگر شرکاء میں ڈاکٹر شہزانہ امتیاز، ڈسٹرکٹ اسمبلی جہلم کی ممبر شاہدہ شاہ، ایڈووکیٹ شازیہ نیئر، پروفیسر عفت شاکر سمیت منہاج القرآن ویمن لیگ تحصیل جہلم، دینہ، سوہاہ اور پنڈدادنخان شرقی و غربی کی ذمہ داران و کارکنان اور مختلف شعبہ ہائے زندگی سے تعلق رکھنے خواتین شامل تھیں۔
منہاج ویمن لیگ ضلع جہلم کی کنوئننگ باڈی تشکیل دے دی گئی، عالیہ نوید کو ضلعی صدر اور مریم نعیم کو ضلعی ناظمہ نامزد کیا گیا۔ اس سلسلہ میں منہاج القرآن ویمن لیگ شمالی پنجاب کی زونل ناظمہ محترمہ ارشاد اقبال نے 12 دسمبر 2020ء کو منہاج ویمن لیگ تحصیل جہلم کا تنظیمی وزٹ کیا۔
منہاج القرآن ویمن لیگ تحصیل جہلم کے زیراہتمام سالانہ محفل میلاد النبیﷺ بعنوان ’’حبِ مصطفٰیﷺ وجہِ بقائے ایمان‘‘ 6 دسمبر 2020ء کو منعقد ہوئی۔ محفل میں مرکزی نائب ناظمہ انیلہ الیاس نے خطاب کیا۔ اس موقع پر محترمہ شاہدہ شاہ (سوشل ورکر، سابق ممبر ضلع کونسل، ماسٹر ٹرینر، چئیرپرسن المرکز ویمن ونگ)، عالیہ رضا ایڈوکیٹ اور مسز فرزانہ اجمل (پرنسپل منہاج ماڈل سکول جادہ) مہمانان خصوصی تھیں۔
ایم ایس ایم سسٹرز جہلم نے نرسنگ سکول جہلم کی طالبات کے ساتھ مل کر فرانس میں ہونے والے گستاخانہ خاکوں کی نمائش کے خلاف اپنا احتجاج ریکارڈ کروایا۔ طالبات نے کتبے اور پلے کارڈ اٹھا رکھے تھے، جن پر توہین رسالت کیخلاف نعرے درج تھے۔
پاپولیشن ویلفیئر ڈیپارٹمنٹ کے زیراہتمام ڈی ایچ کیو ہاسپتال جہلم میں خصوصی سیمینار کا انعقاد کیا گیا، جس کا موضوع اسلام اور ذمہ دار والدین تھا۔ سیمینار میں ضلع جہلم سے تعلق رکھنے والی شعبہ صحت سے منسلک مختلف خواتین نے شرکت کی۔
ایم ایس ایم سسٹرز جہلم اور ڈی ایچ کیو ہسپتال کے نرسنگ سکول کی سٹوڈنٹس کے باہمی تعاون سے میلاد مصطفیٰ ﷺ کانفرنس کا انعقاد کیا گیا۔ پروگرام میں منہاج نعت کونسل کالا گجراں جہلم، ایم ایس ایم سسٹرز اور نرسنگ سکول کی سٹوڈنٹس نے حضور نبی کریم ﷺ کی بارگاہ میں گلہائے عقیدت پیش کئے۔
منہاج القرآن ویمن لیگ جہلم کی ناظمہ محترمہ ثمینہ کوثر کی رہائش گاہ پر محفلِ میلادالنبیﷺ کا انعقاد کیا گیا جس میں حافظہ سمیرا شاہین (فاضلہ منہاج کالج فار ویمن لاہور) نے وما ارسلنک الا رحمۃ للعالمین کے موضوع پر خطاب کیا۔
3.6M
فیس بک
1.9M
ٹوٹر
© 1994 - 2024 Minhaj-ul-Quran International.
