سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
فہم دین، تزکیہ نفس، اصلاح احوال اور آنسوؤں کی بستی شہر اعتکاف 2008ء کے آخری دن نماز فجر کے بعد مسجد کے صحن اور ہال میں تلاوت کلام پاک کے ساتھ انفرادی محافل ذکر و نعت بھی ہو رہی تھیں، جو ایک دیدنی منظر تھا۔ معتکفین کا کہنا تھا کہ ہم نے یہاں دس دن کا اعتکاف گزارا جو ہماری زندگی کے بہترین دن ہیں۔ اس لیے یہ دس دن ہماری زندگی کا اثاثہ ہے۔
تحریک منہاج القرآن کے زیراہتمام لیلۃ القدر کا عالمی روحانی اجتماع 27 ستمبر کو جامع المنہاج سے متصلہ گراؤنڈ میں منعقد ہوا، جسے کیو ٹی وی اور اے آر وائی ڈیجیٹل کے ذریعے براہ راست نشر کیا گیا۔ پروگرام میں پیر امین الحسنات شاہ، ڈاکٹر فیاض رانجھا، خواجہ راحت حسین اور خواجہ پیر محمد یونس مہمان خصوصی تھے۔
شیخ الاسلام نے شرکاء جمعۃ الوداع سے خطاب کرتے ہوئے کہا کہ دین اسلام اقلیتوں کے حقوق کا سب سے بڑا محافظ ہے۔ اس کے باوجود عالم مغرب میں اسلام کا تصور درست نہیں ہے۔ مغرب والوں نے اسلام پر دہشت گردی جیسے الزامات لگا کر اسے مزید دھندلا دیا ہے۔ جس کی وجہ سے عالم مغرب میں اسلام کے دین امن، تحمل، برداشت اور معتدل دین ہونے کے تصور پر غلط فہمیاں پیدا ہوئی ہیں۔
فہم دین، تذکیہ نفس، اصلاح احوال، توبہ اور آنسووں کی بستی شہر اعتکاف کا پانچواں روز جمعۃ المبارک کا تھا جس کی تیاری کے لیے معتکفین نے نماز فجر اور اشراق کی ادائیگی کے بعد ہی تیاریاں شروع کر دیں۔ تمام حلقہ جات گیارہ بجے تک خالی ہو چکے تھے اور معتکفین نماز کے لیے مسجد جانا شروع ہو گئے تھے۔
شیخ الاسلام نے کہا کہ انسانی حقوق کی سب سے بڑی دعویدار مغربی دنیا آج بھی اسلام کے مقابلہ میں وہ حقوق نہیں دے سکی جو یتامیٰ کا حق ہیں۔ اس کی وجہ اسلام کی وہ عالمگیر تعلیمات ہیں جو کسی دوسرے مذہب میں نہیں ہیں۔ آپ نے کہا کہ یتمیوں کے حقوق کے لیے قرآن پاک میں واضح حکم دیا گیا کہ یتامیٰ کی بہتر طریقے سے کفالت کرو۔
شیخ الاسلام ڈاکٹر محمد طاہرالقادری نے معتکفین کو ہدایات دیتے ہوئے کہا کہ ان دس دنوں میں زیادہ سے زیادہ تلاوت قرآن کریں اور کوشش کریں کہ ایک بار قرآن پاک کا ختم ہو جائے۔ آپ نے کہا کہ ہمارے لیے سال بھر میں یہ واحد موقع ہے کہ ہم قرآن پاک کو ایک بار ختم کر سکیں۔
شہر اعتکاف میں 23 ستمبر 2008ء کی صبح دوسرے روز کا آغاز ہوا۔ نماز فجر کے بعد قاری ظہیر احمد کی تسبیحات میں یہاں ایک روح پرور اور وجد آمیز منظر نظر آنے لگا۔ فجر کے بعد معتکفین انفرادی ذکر اذکار میں مصروف ہو گئے۔ نماز اشراق کا وقت ہوا تو تمام معتکفین نماز ادا کرنے کے لیے ایک بار پھر مسجد میں چلے گئے۔
شیخ الاسلام نے کہا کہ جو شخص خواہشات نفس سے پاک ہو جاتا ہے وہ صوفی بن جاتا ہے۔ خواہشات نفس کی دوری اسے جنت کے قریب کر دیتی ہے دوسری طرف خواہشات نفس کے تابع ہونے والا جنت سے دور ہو جاتا ہے۔ انہوں نے کہا کہ اگر انسان کو جہنم کا خوف ہو تو وہ حرام سے بچتا ہے۔ اس لیے آپ بھی اگر جہنم سے ڈرتے ہو تو اپنی زندگی میں حرام نہ داخل ہونے دو۔
تحریک منہاج القرآن کے زیراہتمام 18 ویں سالانہ شہر اعتکاف کا آغاز 21 ستمبر کو ہو گیا ہے۔ تزکیہ نفس، فہم دین، توبہ اور آنسووں کی اس بستی میں پہنچنے کے لیے ہزاروں متعکفین اور معتکفات ایک روز قبل ہی جامع المنہاج پہنچنا شروع ہو گئے تھے تاہم 20 رمضان المبارک کو صبح 8 بجے سے معتکفین کی آمد کا سلسلہ شروع ہوا جو غروب آفتاب سے قبل تک جاری رہا۔
تحریک منہاج القرآن کے شہراعتکاف میں مورخہ 21 ستمبر 2008 ء کی شام ہزاروں فرزندان اسلام شیخ الاسلام ڈاکٹر محمد طاہرالقادری کیساتھ اعتکاف بیٹھ گئے۔ فہم دین، تزکیہ نفس، اصلاح احوال، توبہ اور آنسووں کی بستی میں یہ 18 واں سالانہ شہر اعتکاف ہے جس میں معتکفین دس روز تک اعتکاف کریں گے۔
تحریک منہاج القرآن کے شہر اعتکاف تزکیہء نفس، فہم دین، اصلاح احوال، توبہ اور آنسوؤں کی بستی میں ہر سال ہزاروں فرزندان اسلام شیخ الاسلام ڈاکٹر محمد طاہرالقادری کے ساتھ اعتکاف بیٹھتے ہیں۔ آج مورخہ 21 ستمبر 2008ء (20 رمضان المبارک) کو عشاقان کے تمام قافلے شہر اعتکاف پہنچیں گے۔
شیخ الاسلام ڈاکٹر محمد طاہر القادری کی طرف سے تحریک منہاج القرآن کے مرکزی سیکرٹریٹ کے سٹاف کے لیے مورخہ 18 ستمبر 2008ء کو افطار پارٹی کا اہتمام کیا گیا۔ یہ افطار آپ کی پاکستان آمد کے بعد مرکزی سٹاف کے ساتھ ملاقات کے سلسلہ میں تھا۔ اس کے لیے گوشہ درود کے ہال کی چھت پر پروگرام منعقد کیا گیا۔
یونیورسل پیس اینڈ ہارمنی فورم نے شیخ الاسلام ڈاکٹر محمد طاہرالقادری کو امن ایوارڈ 2008ء دیا ہے۔ اس ایوارڈ کو تحریک منہاج القرآن کے مرکزی قائدین نے وصول کیا۔ اس سلسلہ میں یکم ستمبر 2008ء کو پنجاب کمپلیکس قذافی سٹیڈیم لاہورمیں ایک کانفرنس کا انعقاد کیا گیا۔ اس کانفرنس میں تحریک منہاج القرآن کی طرف سے پاکستان عوامی تحریک کے سیکرٹری جنرل انوار اختر ایڈوکیٹ اور ڈپٹی سیکرٹری سہیل احمد رضا نے خصوصی شرکت کی۔
منہاج القرآن ویمن لیگ کے زیراہتمام سیدہ عائشہ صدیقہ و سیدہ فاطمۃ الزہرا رضی اللہ عنھما کانفرنس مورخہ 13 ستمبر کو گوشہ درود کے نو تعمیر شدہ ہال میں منعقد ہوئی۔ شیخ الاسلام ڈاکٹر محمد طاہرالقادری کی صاحبزادیوں محترمہ قرۃ العین فاطمہ اور محترمہ قرۃ العین عائشہ نے خصوصی شرکت کی۔ کانفرنس میں جسٹس (ر) منیر احمد مغل مہمان خصوصی تھے۔
گوشہ درود کی ماہانہ مجلس ختم الصلوٰۃ علی النبی صلی اللہ علیہ وآلہ وسلم کا پروگرام مورخہ 5 ستمبر 2008ء کو منعقد ہوا۔ ماہ ستمبر کے اس روحانی اجتماع کو رمضان المبارک کی وجہ سے جمعرات کی بجائے جمعۃ المبارک کے دن منعقد کیا گیا۔
3.4M
فیس بک
1.9M
ٹوٹر
© 1994 - 2023 Minhaj-ul-Quran International.
