سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
تحریک منہاج القرآن گوجرانوالہ کے زیراہتمام رمضان المبارک کا دوسرا دروس عرفان القرآن 12 جو لائی 2013 کونماز فجر کے بعد بمقام شان میرج ہال سیالکوٹ روڈ میں منعقد ہوا، جس کی صدارت امیر تحریک عمران علی ایڈووکیٹ نے کی۔ پروگرام کا آغاز تلاوت قرآن حکیم سے ہوا جس کے بعد نعت مبارکہ بھی پیش کی گئی۔
تحریک منہاج القرآن تحصیل شکرگڑھ کے زیراہتمام پانچ روزہ دروس عرفان القرآن کا دوسرا پروگرام 12 جولائی 2013ء بروز سوموار بعد از نماز فجر منعقد ہوا۔ تقریب کا باقاعدہ آغاز تلاوت کلام پاک اور نعت رسول مقبول صلی اللہ علیہ وآلہ وسلم سے ہوا۔ پروگرام میں ہر مکتب فکر سے تعلق رکھنے والی مؤثر شخصیات نے شرکت کی۔ سٹی کے علاوہ دور دراز یونین کونسلز سے ہزاروں کی تعداد میں مردوں اور عورتوں نے شرکت کی۔
منہاج القرآن انٹرنیشنل دی ہیگ میں بھی افطاری کا اہتمام ہوتا ہے جس میں قرب وجوار سے روزہ دار جوق در جوق شرکت کرتے ہیں اور افطاری کا انتظام سادہ اور پرتکلف کیا جاتا۔افطاری سے پہلے تلاوت قرآن الحکیم اور نعت شریف کا مختصر پروگرام، حاضرین کی روحانی افطاری معلوم ہوتی ہے جیسے ہی افطار کا وقت قریب ہوتا ہے تو باقاعدہ ختم شریف پڑھ کراللہ عزوجل کے حضور تفصیلی دعا پیش کی جاتی ہے
منہاج القرآن انٹرنیشنل ڈنمارک کے تمام مراکز پر حسب سابق افطاری کا باقاعدگی سے اہتمام ہو رہا ہے اورتراویح کی نماز میں قراء اور حفاظ خوبصورت آواز اور دلکش لہجے میں کلام پاک کی تلاوت سے دلوں کو شاداب کر رہے ہیں۔
منہاج القرآن انٹرنیشنل Lyne Ashton برطانیہ کے زیراہتمام سیدہ کائنات کانفرنس 3 رمضان المبارک 12 جولائی 2013ء کو مرکزی مسجد Ashton میں منعقد ہوئی جس میں حافظ محمد عبداللہ اعوان، تحریک محمدی کے شیخ وحید احمد دباغ کے علاوہ Ashton میں مقیم تمام مکاتب فکر کے 450 سے زائدمسلمانوں نے بھرپور شرکت کی،
منہاج القرآن انٹرنیشنل Lyne Ashton برطانیہ کے زیراہتمام سیدہ کائنات کانفرنس مورخہ 12 جولائی 2013ء کو مرکزی مسجد Ashton میں منعقد ہوئی۔حافظ محمد عبداللہ اعوان، تحریک محمدی کے شیخ وحید احمد دباغ معزز مہمانوں میں شامل تھے۔اس کے علاوہ Ashton میں مقیم تمام مکاتب فکر کے 450 سے زائدمسلمانوں نے بھرپور شرکت کی۔
تحریک منہاج القرآن کے پانچ روزہ دروس عرفان القرآن کی دعوتی مہم کے سلسلہ میں تحریک منہاج القرآن کے عہدیداران اور کارکنان نے بازار میں تاجران اور عوام الناس کو دعوتی کارڈ اور برشرز تقسیم کیے۔ کارکنان کو اس سلسلہ میں مختلف کمیٹیوں میں تقسیم کر کے بازار کے اطراف و اکناف میں پھیلا دیا گیا اور شہر کے عمائدین، معززین تاجران، وکلاء، اساتذہ اور انتظامیہ تک دروس عرفان القرآن کی دعوت کو پہنچایا گیا۔
پتوکی (تحصیل رپورٹرر) رمضان المبارک کی پرنور ساعتوں میں تحریک منہاج القرآن پتوکی میں تیسرا سالانہ 5 روزہ دروس عرفان القرآن کا اہتمام کر رہی ہے جس کا باقاعدہ آغاز 11 جولائی بروز جمعرات بعد نماز فجر ہوگیا ہے۔ پروگرام کا انعقاد کمیٹی گراؤنڈ میں ہوا۔ درس قرآن کا باقاعدہ آغاز تلاوت کلام پاک سے ہوا جس کی سعادت قاری ذیشان عطاری نے حاصل کی جبکہ ماسٹر ذوالفقار احمد نے آقا صلی اللہ علیہ وآلہ وسلم کے حضور ہدیہ نعت پیش کی۔
علامہ غضنفر حسنین قادری نے دروس قرآن کے پہلے پروگرام میں خطاب کرتے ہوئے کہا کہ حضرت عبد اللہ بن عمر رضی اللہ عنہما بیان کرتے ہیں کہ حضور نبی اکرم صلی اللہ علیہ وآلہ وسلم نے فرمایا : روزِ قیامت روزہ اور قرآن دونوں بندہ کے لیے شفاعت کریں گے۔ روزہ کہے گا : اے میرے ربّ! میں نے اس شخص کو دن کے وقت کھانے (پینے) اور (دوسری) نفسانی خواہشات سے روکے رکھا سو تو اس شخص کے متعلق میری شفاعت قبول فرما۔
انہوں نے کہا کہ شہر اعتکاف میں مرد حضرات کے لیے جامع المنہاج بغداد ٹاؤن جبکہ خواتین معتکفات کے لیے منہاج گرلز کالج کے ہوسٹل میں انتظامات کیے جائیں گے، گذشتہ سال شہر اعتکاف میں جگہ کم پڑنے اور ایڈوانس رجسٹریشن نہ ہونے کی وجہ سے سینکڑوں معتکفین کو مشکلات پڑا۔ لہٰذا تنظیمات بروقت رجسٹریشن کروا لیں تاکہ کسی بھی قسم کی پریشانی کا سامنا نہ کرنا پڑے۔
پاکستان عوامی تحریک سندھ کے سینئر نائب صدر علی اوسط نے کہا ہے کہ مہنگائی، غربت اور لوڈ شیڈنگ عوام پر عذاب بن کر مسلط ہیں۔ حکومت کی طرف سے غربت کے خاتمہ کے لئے کوئی ٹھوس منصوبہ بندی سامنے نہیں آئی۔ غربت کی بجائے غریب ختم کرنے کی عوام کش پالیسی کو فی الفور ختم کیا جائے اور حکومت اپنے اضافی اخراجات کو کم کر کے عوام کو ریلیف دے، وہ پاکستان عوامی تحریک کراچی کے زیر اہتمام کراچی پریس کلب میں مہنگائی کے خلاف احتجاجی مظاہرہ سے خطا ب کر رہے تھے۔
تحریک منہاج القرآن آزاد کشمیر کی ایگزیکٹو کونسل کا ماہانہ اجلاس تحریک منہاج القرآن امیر تحریک کشمیر سید ابرار سرور شاہ کی صدارت میں راولپنڈی میں منعقد ہوا۔ جبکہ منہاج القرآن انٹرنیشنل کے نائب ناظم اعلیٰ تنظیمات احمد نواز انجم مہمان خصوصی تھے۔ اجلاس کا باقاعدہ آغاز تلاوت قرآن پاک سے سردار ریاض عباسی نے کیا، جبکہ محمد لطیف غوث نے بارگاہ رسالت صلی اللہ علیہ وآلہ وسلم میں نعت پاک پیش کی۔
ایرانی قونصل جنرل لاہور آغا بنی اسد کی منہاج القرآن سیکرٹریٹ میں صدر پاکستان عوامی تحریک ڈاکٹر رحیق احمد عباسی سے ملاقات ہوئی۔ اس موقع پر نائب امیر تحریک محمد اقبال احمد، جی ایم ملک، ساجد بھٹی، علامہ غضنفر کراروی، عاقل ملک، نجم الثاقب، قاضی فیض الاسلام اور سہیل احمد رضا ڈائیریکٹر انٹرفیتھ ریلیشنز بھی موجود تھے۔
تحریک منہاج القرآن کراچی کے زیراہتمام طارق روڈ رحمانیہ مسجد میں ’’ آئیں دین سیکھیں‘‘ کورس کی اختتامی تقریب منعقد ہوئی، جس میں علامہ احمد نواز انجم مہمان خصوصی تھے۔ علامہ محمد شریف کمالوی تین روزہ کورس کے معلم تھے۔ منہاج القرآن کراچی کے رہنماؤں میں خواجہ ڈاکٹر محمد اشرف، اقبال میمن، لطافت محمود، مسعود عثمانی، زاہد لطیف، حافظ اصغر، سید طیب شاہ اور دیگر بھی موجود تھے۔
مصطفوی سٹوڈنٹس موومنٹ کا تین روزہ تربیتی و تفریحی کیمپ دوتھان، راولاکوٹ میں منعقد ہوا، جس میں ملک بھر سے 120 سے زائد عہدیداران نے شرکت کی۔ ڈاکٹر رحیق احمد عباسی نے طلبہ سے خطاب کرتے ہوئے کہا کہ منہاج القرآن اصلاحی، انقلابی، ہمہ گیر اور آفاقی تحریک ہے جو دعوت و تبلیغ حق، اصلاح احوال امت، تجدید و احیائے دین اور اقامت اسلام کیلئے چہار دانگ عالم سرگرم ہے۔
3.6M
فیس بک
1.9M
ٹوٹر
© 1994 - 2024 Minhaj-ul-Quran International.
