سوشل میڈیا کے ذریعے ہم سے رابطہ میں رہنے کے لئے حسب ذیل لنکس ملاحظہ کر یں۔
منہاج القرآن انٹرنیشنل دی ہیگ کے زیر اہتمام سیدنا حضرت امام ابو محمد جعفر صادق رضی اللہ عنہ کی زندگی پر اظہار خیال کرتے ہوئے علامہ حافظ نذیر احمد القادری نے کہا کہ ایک دن کسی شخص نے حضرت جعفر صادق رضی اللہ عنہ کے قیمتی لباس پر اعتراض کر دیا تو آپ صلی اللہ علیہ وآلہ وسلم نے اس شخص کا ہاتھ پکڑ کر اپنی آستین کے نیچے پھیرا اندر کا لباس کھردرا اور ٹاٹ کا تھا، آپ صلی اللہ علیہ وآلہ وسلم نے فرمایا یہ اندر کا لباس اللہ عزوجل کے لئے ہے اور ظاہری لباس دنیا کے لئے ہے ۔
منہاج القرآن انٹرنیشنل دی ہیگ ہالینڈ کے زیر اہتمام ہفتہ وار درس قرآن اور شان اولیاء کانفرنس منعقد ہوئی جس سے حافظ علامہ نذیر احمد القادری نے سیدنا حضرت امام زین العابدین بن حضرت امام حسین علیہ السلام کی زندگی کے احوال بیان کئے۔
منہاج القرآن دی ہیگ کے زیر اہتمام ہفتہ وار درسِ قرآن سے خطاب کرتے ہوئے علامہ حافظ نذیر احمد القادری نے حضرت ِعثمان ِغنی رضی اللہ عنہ کے حالاتِ زندگی بیان کرتے ہوئے کہا کہ آپ امیرالمومنین ہونے کے باوجود ہمیشہ اپنے دسترخوان میں غرباء کو شامل کرتے۔ حضرت عثمانِ غنی رضی اللہ عنہ کے اس عمل کی مثال آج کے حکمرانوں میں ملنی ناممکن ہے حالانکہ یہ تمام حکمران مسلمان ہونے کے دعویدار بھی ہیں اور سرکاری اخراجات پر خوب حج اور عمرے بھی کرتے ہیں۔
منہاج القرآن انٹرنیشنل دی ہیگ کے زیر اہتمام ہفتہ وار مجلس درس قرآن سے خطاب کرتے ہوئے علامہ حافظ نذیر احمد القادری نے کہا کہ برے لوگوں کی صحبت سے گوشہ نشینی بہتر ہے کیونکہ گوشہ نشینی میں راحت ہے۔ وہ اس طرح کہ اگر کسی شخص کو یہ احساس ہو جائے کہ میں دنیاوی محفلوں میں جا کر غیبت کا شکار ہو جاتا ہوں یا مجھ سے ایسے کام اور ایسی باتیں سرزد ہوجاتی ہیں جن کی وجہ سے مجھے ثواب کی بجائے گناہ مل جاتا ہے تو ایسے شخص پر لازم ہے کہ وہ گوشہ نشینی اختیار کر لے
منہاج القرآن انٹرنیشنل دی ہیگ (ہالینڈ) کے زیر اہتمام مورخہ 20 مارچ 2104 کو ہفتہ وار مجلس عمل ودرس قرآن کی محفل کا انعقاد ہوا جس میں شرکاء کی کثیر تعداد شریک ہوئی۔ تلاوت ونعت کے بعد سفیرِ منہاج القرآن علامہ حافظ نذیر احمد القادری نے خطاب کرتے ہوئے کہا کہ دینِ محمدی صلی اللہ علیہ وآلہ وسلم کو صرف عبادات تک محدود سمجھنا باعثِ ثواب تو ہوسکتا ہے لیکن اللہ تبارک وتعالیٰ کے حکم کے مطابق دین اسلام کو غالب کرنے کی کوشش ہر گز نہیں سمجھی جاسکتی
منہاج القرآن انٹرنیشنل دی ہیگ کے زیر اہتمام مورخہ 13مارچ 2014 کومجلسِ علم کے نئے ہفتہ وار سلسلے کا آغاز ہوا، جس میں کثیر تعداد میں رفقاء نے شرکت کی۔ پروگرام کے شرکاء سے خطاب کرتے ہوئے علامہ احمد رضا نقشبندی نے کہا کہ کائنات کے انسانوں کے لئے معاشی اور سماجی مسائل کو حل کرنے کے لئے جدوجہد کرنا صرف ایک دینی فریضہ نہیں بلکہ یہی کوشش سیاست بھی کہلاتی ہے۔
ڈائریکٹر منہاج القرآن علامہ احمد رضا نقشبندی نے اظہار خیال کرتے ہوئے کہا کہ ARY میڈیا گروپ نے دین اسلام کی اشاعت اور خدمت کرنے کے لئے Q.TV کے ذریعے لازوال تاریخ رقم کی ہے جس کی وجہ سے کروڑوں اردو بولنے والے مسلمان مستفید ہو رہے ہیں اوراس چینل نے لوگوں کی زندگی میں اللہ اور اللہ کے پیارے حبیب حضرت محمد صلی اللہ علیہ وآلہ وسلم کی محبت کے لازوال چراغ روشن کر دیئے ہیں
سالگرہ کی تقریب سے خطاب کرتے ہوئے علامہ حافظ نذیر احمد قادری نے کہا کہ دنیا میں آج تک انسانیت کے حقوق کے لئے جدوجہد ہوتی رہی ہے ہر بار اس جدوجہد کے مقابل سوچ سرمایہ دارانہ ہوتی تھی جیسے حضرت موسیٰ علیہ السلام کے مقابل فرعون اپنے وقت کادولت مند ترین شخص تھا، حضرت ابراہیم علیہ السلام کے مقابل نمرود،حضرت حسین علیہ السلام کے مقابل یزید اوراللہ کے پیارے حبیب حضرت محمد صلی اللہ علیہ وآلہ وسلم کے مقابل بھی مکہ کے سرمایہ دار سردار ہی تھے۔گویا جب بھی کوئی شخص عوام کے حقوق کی بات کرے گا تو وقت کا سرمایہ دار طبقہ جو علاقائی وسائل پر قابض ہوگا وہ اس آواز کے سامنے دیوار بن جائے گا۔
منہاج القرآن دی ہیگ میں ہفتہ وار مجلسِ علم سے علامہ حافظ نذیر احمد القادری نے سورۃ الفِیل کا پس منظر بیان کرتے ہوئے کہا کہ قریش کے سردار حضرت عبدالمطلب کے دور میں جب یمن کے بادشاہ ابراہہ کو خبر ملی کہ ہر سال مخصوص ایام میں یمن اور گردونواح سے بے شمار لوگ مکہ جاکر کچی اینٹوں سے بنے ہوئے گھر کا طواف کرتے ہیں تو اس بادشاہ کے دل میں حسد کی آگ بھڑک اٹھی تو اس نے یمن کے شہر صنعاء میں سنگ مرمر کے قیمتی پتھروں سے ایک کلیسا کی تعمیر کروائی اور لوگوں کو مکہ جانے کی بجائے، اس کلیسا میں آنے کی دعوت دیتا رہا۔
منہاج القرآن انٹرنیشنل دی ہیگ کے زیر اہتمام 11 فروری 2014 کو سالانہ عرس حضور غوث الاعظم کی تقریب سے خطاب کرتے ہوئے علامہ محمد زبیر القادری نے کہا کہ آج دنیا کے معاشی حالات تیزی سے زوال پذیر ہورہے ہیں اور غربت میں بھی اضافہ ہونے کی وجہ سے انسانیت پریشانی میں مبتلا ہے ایسے حالات میں ہمارے پیارے کریم آقا اور اللہ کے حبیب حضرت محمد صلی اللہ علیہ واالہ وسلم کے اسوہ حسنہ کو حضور غوث الاعظم کی زندگی میں باآسانی مشاہدہ کیا جاسکتا ہے۔
سفیرِ منہاج القرآن علامہ حافظ نذیر احمد القادری نے خطاب کرتے ہوئے کہا کہ انبیاء کے جدِ امجد حضرت ابراہیم علیہ السلام کے بیٹے حضرت اسماعیل علیہ السلام کی لڑی سے تمام عظیم انسان اور اللہ عزوجل کے محبان جن کو اللہ نے نورِ محمدی منتقل کرنے کے لیئے منتخب فرمایا تھا وہ تمام افراد صاحبِ ایمان تھے اور ایک مسلمان کے لئے ان کے ایمان پر شک کرنے کی کوئی گنجائش نہیں ہے۔
محسنِ انسانیت، رحمت العالمین، حبیبِ خدا حضرتِ محمد صلی اللہ علیہ وآلہ وسلم کی بعثت تک اللہ تبارک وتعالیٰ نے آپ صلی اللہ علیہ وآلہ وسلم کے تمام آباؤ اجداد کو ہمیشہ ایمان کی دولت سے مالا مال فرمایا اور آپ صلی اللہ علیہ وآلہ وسلم کے شجرہ نسب کے تمام افراد پاک دامن اور اپنے وقت میں اپنے معاشرے کے اعلیٰ افراد میں سے تھے۔
یورپ میں پیدا ہونے والی نسل کے لئے دینی تعلیم اوراسلامی معلومات انتہائی اہمیت کی حامل ہیں کیونکہ ایسی معلومات کی بنیاد پر اس نسل کا تعلق دین اسلام کے ساتھ مزید پختہ اور مضبوط ہوتا ہے۔ بچوں کے لئے اسی اہم ضرورت سے آگاہی حاصل کر نے کے لئے منہاج القرآن انٹرنیشنل دی ہیگ نے اپنے مرکز میں زیر تعلیم بچوں اور ان کے والدین کے ساتھ مناسک حج سے متعلق معلومات کے لئے مورخہ 20 جنوری 2014 کو میوزیم کا دورہ کیا۔
علامہ احمد رضا نقشبندی نے خصوصی گفتگو کرتے ہوئے کہا کہ اس دنیا میں آمدِ مصطفی حبیبِ کبریا محسنِ انسانیت اور آمنہ کے لعل حضرتِ محمد صلی اللہ علیہ وآلہ وسلم کو تمام جہانوں کے لئے رحمت قرار دے کر اللہ تبارک وتعالیٰ نے دنیا پر احسان عظیم کہہ کر واضع طو ر پر پیغام دے دیا ہے کہ یہ میرا رسول میرا حبیب بہت ہی خاص ہستی ہے کیونکہ عام انسانوں میں پیدا فرما کر بھی عام انسانوں سے زیادہ بلکہ بے پناہ رفعت اور بلندیوں کا مالک ہے۔
منہاج ایجوکیشن انسیٹیوٹ ہالینڈ کے زیر اہتمام مورخہ 04 جنوری 2014 کو ایک تقریب منعقدہوئی جس میں موجودہ حالات میں امت مسلمہ کا کردار پر خصوصی ڈسکشن ہوئی اور استاد تسنیم صادق القادری نے خصوصی لیکچر دیا جسے سننے کے لئے دور ونزدیک سے منہاج القرآن کے رفقاء اور پاکستانی کمیونٹی کے افراد نے شرکت کی۔
3.6M
فیس بک
1.9M
ٹوٹر
© 1994 - 2024 Minhaj-ul-Quran International.
