تحریک منہاج القرآن پاکستان کی اہم خبریں

شہراعتکاف کی دوسری نشست، شیخ الاسلام ڈاکٹر محمد طاہرالقادری کا درس تصوف

شہراعتکاف کی دوسری نشست، شیخ الاسلام ڈاکٹر محمد طاہرالقادری کا درس تصوف

تحریک منہاج القرآن کے شہراعتکاف میں 27 مئی 2019 کو دوسری نشست منعقد ہوئی، جس میں 22 رمضان المبارک کی شب شیخ الاسلام ڈاکٹر محمد طاہرالقادری نے لندن سے ویڈیو لنک پر خطاب کیا۔ آپ نے امام غزالی رحمۃ اللہ علیہ کی تصنیف ’’بدایۃ الھدایۃ‘‘ سے منتخب درس تصوف دیا۔ شہراعتکاف کی دوسری نشست میں تحریک منہاج القرآن کی سپریم کونسل کے چیئرمین ڈاکٹر حسن محی الدین قادری، صدر منہاج القرآن ڈاکٹر حسین محی الدین قادری نے بھی خصوصی شرکت کی۔

28 مئی 2019ء

شہر اعتکاف میں ڈاکٹر حسن محی الدین قادری سے خیبر پختون خواہ، بلوچستان اور کراچی کے معتکفین کی ملاقات

شہر اعتکاف میں ڈاکٹر حسن محی الدین قادری سے خیبر پختون خواہ، بلوچستان اور کراچی کے معتکفین کی ملاقات

تحریک منہاج القرآن کے شہراعتکاف میں دوسرے روز 27 مئی 2019ء کو چئیرمین سپریم کونسل ڈاکٹر حسن محی الدین قادری سے خیبر پختون خواہ، بلوچستان اور کراچی کے معتکفین نے ملاقات کی۔ اس موقع پر ناظم اعلیٰ خرم نواز گنڈاپور، نائب ناظم اعلیٰ احمد نواز انجم، راجہ زاہد محمود، انجنئیر رفیق نجم اور دیگر قائدین بھی موجود تھے۔ اس موقع پر گفتگو کرتے ہوئے ڈاکٹر حسن محی الدین قادری نے کہا کہ اعمال کی روح کا نام صدق و اخلاص ہے۔

27 مئی 2019ء

ڈاکٹر حسین محی الدین قادری کا خواتین شہراعتکاف میں معتکفات سے خطاب

ڈاکٹر حسین محی الدین قادری کا خواتین شہراعتکاف میں معتکفات سے خطاب

تحریک منہاج القرآن کے صدر ڈاکٹر حسین محی الدین قادری کی خواتین شہراعتکاف میں خصوصی نشست کا اہتمام کیا گیا، جس میں ڈاکٹر حسین محی الدین قادری نے "معاشرے کی تشکیلِ نو میں منہاج القرآن ویمن لیگ کا کردار" کے موضوع پر خطاب کیا۔ اس موقع پر منہاج القرآن ویمن لیگ کی رہنماء فضہ حسین قادری، منہاج القرآن ویمن لیگ کی صدر فرح ناز، عائشہ مبشر اور دیگر خواتین رہنماء موجود تھیں۔

27 مئی 2019ء

شہر اعتکاف میں منہاج القرآن پبلی کیشنز کا بک اسٹال

شہر اعتکاف میں منہاج القرآن پبلی کیشنز کا بک اسٹال

تحریک منہاج القرآن کے شہر اعتکاف 2019ء میں حسب سابق منہاج القرآن پبلی کیشنز کا بک اسٹال اور سیل سنٹر لگایا گیا ہے، جہاں شیخ الاسلام ڈاکٹر محمد طاہرالقادری کی مطبوعہ کتب 50 فیصد خصوصی رعائت کے ساتھ دستیاب ہیں۔ رمضان المبارک کے موقع پر شیخ الاسلام ڈاکٹر محمد طاہرالقادری کی نئی شائع ہونے والی کتب بالخصوص قرآنی انسائیکلوپیڈیا بھی معتکفین کی دلچسپی کا مرکز ہے۔

28 مئی 2019ء

شہر اعتکاف 2019: اللہ ہر بندے کا ولی، ہر بندہ اللہ کا ولی نہیں ہوتا: ڈاکٹر طاہرالقادری

شہر اعتکاف 2019: اللہ ہر بندے کا ولی، ہر بندہ اللہ کا ولی نہیں ہوتا: ڈاکٹر طاہرالقادری

شیخ الاسلام ڈاکٹر محمد طاہرالقادری نے لندن سے ویڈیو لنک پر شہر اعتکاف میں ہزاروں مرد و خواتین معتکفین، معتکفات سے پہلے روز ایمان، یقین اور تقویٰ کے موضوع پر خطاب کرتے ہوئے کہا کہ اللہ ہربندے کا ولی ہوتا ہے مگر ہر بندہ اللہ کا ولی نہیں ہوتا، کھدائی کے بغیر تیل، گیس، معدنیات کے خزانے نہیں ملتے، بغیر محنت کے اللہ کی قربت کے احساس کا خزانہ کیسے مل سکتا ہے، اعتکاف منہاج القرآن کی تعلیمی، تربیتی، روحانی، تجدیدی اور احیائے اسلام کی عالمگیر تحریک کا نیوکلیس ہے۔ قائد منہاج القرآن نے ہزاروں معتکفین اور معتکفات کو شہر اعتکاف میں خوش آمدید کہا۔

27 مئی 2019ء

تحریک منہاج القرآن کے شہراعتکاف کا آغاز، ہزاروں معتکفین شریک، شیخ الاسلام ڈاکٹر محمد طاہرالقادری کا افتتاحی خطاب

تحریک منہاج القرآن کے شہراعتکاف کا آغاز، ہزاروں معتکفین شریک، شیخ الاسلام ڈاکٹر محمد طاہرالقادری کا افتتاحی خطاب

تحریک منہاج القرآن کے شہر اعتکاف میں 10 ہزار سے زائد افراد معتکف ہو گئے ہیں، جن میں مردوں کے علاوہ خواتین اور بچے بھی بڑی تعداد میں شامل ہیں۔ خواتین کے لئے الگ اعتکاف گاہ بنائی گئی ہے۔ ڈاکٹر طاہرالقادری نے معتکفین کو مبارکباد دی ہے۔ شہراعتکاف میں آزاد کشمیر سمیت چاروں صوبوں سے معتکفین ڈاکٹر حسن محی الدین قادری اور ڈاکٹر حسین محی الدین قادری کی نگرانی میں شریک ہیں۔ شہراعتکاف میں نماز تراویح کے بعد شب ساڑھے 11 بجے شیخ الاسلام ڈاکٹر محمد طاہرالقادری نے معتکفین سے لندن سے ویڈیو لنک کے ذریعے خطاب کیا۔

26 مئی 2019ء

شہراعتکاف کے تمام انتطامات مکمل کر لیے گئے

شہراعتکاف کے تمام انتطامات مکمل کر لیے گئے

تحریک منہاج القرآن کے شہر اعتکاف کی تیاریاں اور تزئین و آرائش کا کام مکمل ہو گیا، 20 رمضان المبارک کی شام ہزاروں لوگ اعتکاف بیٹھیں۔ تحریک منہاج القرآن کی سپریم کونسل کے چیئرمین ڈاکٹر حسن محی الدین قادری، ناظم اعلیٰ خرم نواز گنڈاپور، ڈائریکٹر ایڈمن جواد حامد، ڈائریکٹر میڈیا نوراللہ صدیقی اور دیگر مرکزی قائدین نے شہراعتکاف میں انتظامات کا جائزہ لیا۔ اس موقع پر ڈاکٹر حسن محی الدین قادری کو انتظامی حوالے سے بریفنگ دی گئی، انہوں نے اعتکاف کے جملہ انتظامات کا اطیمنان کا اظہار کرتے ہوئے انتطامی کمیٹیوں کے کام کو سراہا۔

24 مئی 2019ء

غزوہ بدر سے تکبر کو شکست اور انسانیت کو تحفظ ملا: ڈاکٹر حسن محی الدین قادری کا تقریب سے خطاب

غزوہ بدر سے تکبر کو شکست اور انسانیت کو تحفظ ملا: ڈاکٹر حسن محی الدین قادری کا تقریب سے خطاب

چیئرمین سپریم کونسل منہاج القرآن انٹرنیشنل ڈاکٹر حسن محی الدین قادری نے 17 رمضان المبارک معرکہ غزوہ بدر کے حوالے سے منعقدہ تقریب میں خصوصی شرکت کی اور خطاب کیا۔ اس موقع پر انہوں نے کہا کہ غزوہ بدر سے تکبر کو شکست اور انسانیت کو تحفظ ملا، جنگ بدر کا پیغام ہے کہ صرف ایمان کی دولت کامیابی کی ضمانت ہے، اللہ کی مدد اور نصرت صرف ان کے لیے ہے جو حق کے راستے پر ہوں اور ثابت قدم ہوں۔

22 مئی 2019ء

تحریک منہاج القرآن کے شہر اعتکاف کی تیاریاں کا کام تیزی سے جاری، شیخ الاسلام ویڈیو لنک پر خطاب کریں گے

تحریک منہاج القرآن کے شہر اعتکاف کی تیاریاں کا کام تیزی سے جاری، شیخ الاسلام ویڈیو لنک پر خطاب کریں گے

تحریک منہاج القرآن کے شہر اعتکاف کی تیاریاں اور تزئین و آرائش کا کام تیزی سے جاری ہے، شہر اعتکاف میں ہزاروں معتکف شریک ہوں گے۔ شیخ الاسلام ڈاکٹر محمد طاہرالقادری ویڈیو لنک پر خطاب کریں گے۔ آپ کے دس روزہ دروس کا موضوع ’’غنیۃ الطالبین‘‘ اور ’’بدایۃ الہدایۃ‘‘ ہو گا۔ شیخ الاسلام ڈاکٹر محمد طاہرالقادری کے دروس اور خطابات سے استفادہ کے لیے شہر اعتکاف میں تین دیوہیکل ایل ای ڈیز سکرین لگائی جارہی ہیں، بہترین ساؤنڈ سسٹم کا انتظام کیا جارہا ہے۔ مرد جامع المنہاج ٹاؤن شپ میں جبکہ خواتین منہاج گرلز کالج میں اعتکاف بیٹھیں گی۔

20 مئی 2019ء

سرگودھا میں علامہ احسان رضوی کا درس عرفان القرآن

سرگودھا میں علامہ احسان رضوی کا درس عرفان القرآن

تحریک منہاج القرآن سرگودھا کے زیراہتمام سرگودھا میں 5 روزہ دروس عرفان القرآن کی تیسری نشست جامع مسجد پیر سید حامد علی شاہ میں منعقد ہوئی، جس میں علامہ احسان رضوی نے ’’قیام و صیام‘‘ کے موضوع پر خطاب کیا۔ انہوں نے صحیفہ انقلاب عرفان القرآن کی روشنی میں سامعین و حاضرین کو بتایا کہ اللہ کریم نے ماہ رمضان مسلمانوں کیلئے تحفہ دیا ہے تاکہ مسلمان دن کو اللہ کریم کیلئے روزہ رکھے اور رات کو تراویح اور دیگر عبادات میں قیام کرے جس کی وجہ سے اللہ کریم مسلمانوں کو معاف فرمائیں گے۔

19 مئی 2019ء

منہاج القرآن سیکرٹریٹ پر بین المذاہب افطار ڈنر کا اہتمام

منہاج القرآن سیکرٹریٹ پر بین المذاہب افطار ڈنر کا اہتمام

انٹرفیتھ ریلیشنز یوتھ ڈویلپمنٹ فاؤنڈیشن، انٹریکٹو ریسورس سنٹر اور منہاج القرآن انٹرفیتھ ریلیشنز کے زیراہتمام مرکزی سیکرٹریٹ ماڈل ٹاؤن، لاہور میں ’’بین المذاہب افطار ڈنر‘‘ کا اہتمام کیا گیا جس میں مسیحی، ہندو، سکھ اور مسلم رہنماؤں نے شرکت کی۔ افطار ڈنر کے حوالے سے منعقدہ تقریب کی صدارت تحریک منہاج القرآن کے صدر ڈاکٹر حسین محی الدین قادری نے کی۔ کرامت جمیل ڈائریکٹر یوتھ ڈویلپمنٹ، شاہد غوری اور ڈائریکٹر انٹرفیتھ ریلیشنز منہاج القرآن سہیل احمد رضا سمیت اہم رہنما تقریب میں موجود تھے۔

18 مئی 2019ء

یوتھ لیگ حافظ آباد کے رہنماؤں کی ڈاکٹر حسین محی الدین قادری سے ملاقات

یوتھ لیگ حافظ آباد کے رہنماؤں کی ڈاکٹر حسین محی الدین قادری سے ملاقات

منہاج القرآن انٹرنیشنل کے صدر ڈاکٹر حسین محی الدین قادری نے مرکزی سیکرٹریٹ میں یوتھ لیگ کے مرکزی صدر مظہر محمود علوی کی قیادت نے یوتھ لیگ حافظ آباد کے ایک وفد سے ملاقات کے دوران گفتگو کرتے ہوئے کہا کہ پاکستان کی ترقی، خوشحالی اور استحکام کیلئے نوجوان اپنا تعلیمی، سماجی، اصلاحی، فلاحی کردار ادا کریں، جس قوم کے نوجوان علم و ہنر میں یکتا ہوں اس قوم کو نہ کوئی جھکا سکتا ہے اور نہ ہی اس کا استحصال کر سکتا ہے، چین، جاپان، کوریا، ملائیشیا کی بے مثال ترقی کے پیچھے وہاں کے پڑھے لکھے نوجوان ہیں۔

17 مئی 2019ء

منہاج القرآن لاہور کے زیراہتمام دروس عرفان القرآن کا انعقاد

منہاج القرآن لاہور کے زیراہتمام دروس عرفان القرآن کا انعقاد

تحریک منہاج القرآن لاہور کے زیراہتمام پی پی 155 لاہور میں درس عرفان القرآن منعقد ہوا، جس میں علامہ منہاج الدین قادری نے خطاب کیا۔ انہوں نے کہا کہ روزہ رضائے الٰہی کا بہترین ذریعہ ہے، رحمتوں کی برسات اور دعاؤں کی قبولیت کا مہینہ ہے، لوگوں کی خدمت، رضائے الٰہی کے حصول کا ذریعہ ہے، رمضان المبارک کے ماہ مبارک میں جنت کے دروازے کھول دئیے جاتے ہیں، جہنم کے دروازے بند کر دئیے جاتے ہیں، شیاطین کو جکڑ دیا جاتا ہے، بڑے خوش قسمت ہیں وہ لوگ جن کی زندگی میں رمضان المبارک آیا۔

12 مئی 2019ء

منہاج القرآن ویمن لیگ کے زیراہتمام ’’سیدہ فاطمۃ الزہرہ کانفرنس‘‘

منہاج القرآن ویمن لیگ کے زیراہتمام ’’سیدہ فاطمۃ الزہرہ کانفرنس‘‘

منہاج القرآن ویمن لیگ کے زیراہتمام سالانہ سیدہ فاطمۃ الزہرہ کانفرنس کا الحمراء ہال نمبر 2 میں انعقاد کیا گیا ’’عورت کی عظمت، سیرت سیدہ ;کائنات کی پیروی میں ہے‘‘ کے موضوع پر الحمراء میں ہونے والی کانفرنس میں خواتین مقررین نے سیدہ کائنات کی شخصیت کو پوری انسانیت کے لیے کردار کی عظمت کا مینارہ نور قرار دیا۔ کانفرنس کی صدارت فضہ حسین قادری نے کی۔ مہمان خصوصی صوبائی وزیر بہبود خواتین آشفہ ریاض نے کانفرنس سے خطاب کرتے ہوئے کہا کہ خواتین کو آج سیدہ کائنات کے اسوہ سے اپنے عمل کی راہ متعین کرنا ہو گی۔

11 مئی 2019ء

سیالکوٹ: علامہ فیاض بشیر قادری اور علامہ شکیل ثانی کا درس عرفان القرآن

سیالکوٹ: علامہ فیاض بشیر قادری اور علامہ شکیل ثانی کا درس عرفان القرآن

تحریک منہاج القرآن سیالکوٹ کے زیراہتمام چھ روزہ دروس عرفان القرآن کی پانچویں نشست 11 مئی 2019ء کو صبح نماز فجر کے بعد منعقد ہوئی، جس میں علامہ محمد فیاض بشیر قادری نے خطاب کیا۔ اس موقع پر انہوں نے قیام و صیام کے موضوع پر گفتگو کی۔ درس عرفان القرآن میں تحریک منہاج القرآن سیالکوٹ کے قائدین و کارکنان سمیت اہل علاقہ کی بڑی تعداد شریک ہوئی۔

10 مئی 2019ء

Admissions Open Minhaj University Lahore

تعارف‬‎

تحریک منہاج القرآن ایک وسیع البنیاد اسلامی تنظیم ہے، جو اسلام کے اجتہادی تصورات کو عام کرنے اور دہشت گردی و تنگ نظری کے خلاف امن اور تعامل باہمی کی تعلیمات کو فروغ دینے میں مصروف ہے۔ اس تحریک کی بنیاد شیخ الاسلام ڈاکٹر محمد طاہرالقادری نے 1980 میں لاہور میں رکھی تھی۔

eLearning by Minhaj-ul-Quran International

Official WhatsApp Group Dr Qadri

Ijazat Chains of Authority

Top