تحریک منہاج القرآن پاکستان کی اہم خبریں

منہاج القرآن سیکرٹریٹ پر بین المذاہب افطار ڈنر کا اہتمام

منہاج القرآن سیکرٹریٹ پر بین المذاہب افطار ڈنر کا اہتمام

انٹرفیتھ ریلیشنز یوتھ ڈویلپمنٹ فاؤنڈیشن، انٹریکٹو ریسورس سنٹر اور منہاج القرآن انٹرفیتھ ریلیشنز کے زیراہتمام مرکزی سیکرٹریٹ ماڈل ٹاؤن، لاہور میں ’’بین المذاہب افطار ڈنر‘‘ کا اہتمام کیا گیا جس میں مسیحی، ہندو، سکھ اور مسلم رہنماؤں نے شرکت کی۔ افطار ڈنر کے حوالے سے منعقدہ تقریب کی صدارت تحریک منہاج القرآن کے صدر ڈاکٹر حسین محی الدین قادری نے کی۔ کرامت جمیل ڈائریکٹر یوتھ ڈویلپمنٹ، شاہد غوری اور ڈائریکٹر انٹرفیتھ ریلیشنز منہاج القرآن سہیل احمد رضا سمیت اہم رہنما تقریب میں موجود تھے۔

18 مئی 2019ء

یوتھ لیگ حافظ آباد کے رہنماؤں کی ڈاکٹر حسین محی الدین قادری سے ملاقات

یوتھ لیگ حافظ آباد کے رہنماؤں کی ڈاکٹر حسین محی الدین قادری سے ملاقات

منہاج القرآن انٹرنیشنل کے صدر ڈاکٹر حسین محی الدین قادری نے مرکزی سیکرٹریٹ میں یوتھ لیگ کے مرکزی صدر مظہر محمود علوی کی قیادت نے یوتھ لیگ حافظ آباد کے ایک وفد سے ملاقات کے دوران گفتگو کرتے ہوئے کہا کہ پاکستان کی ترقی، خوشحالی اور استحکام کیلئے نوجوان اپنا تعلیمی، سماجی، اصلاحی، فلاحی کردار ادا کریں، جس قوم کے نوجوان علم و ہنر میں یکتا ہوں اس قوم کو نہ کوئی جھکا سکتا ہے اور نہ ہی اس کا استحصال کر سکتا ہے، چین، جاپان، کوریا، ملائیشیا کی بے مثال ترقی کے پیچھے وہاں کے پڑھے لکھے نوجوان ہیں۔

17 مئی 2019ء

منہاج القرآن لاہور کے زیراہتمام دروس عرفان القرآن کا انعقاد

منہاج القرآن لاہور کے زیراہتمام دروس عرفان القرآن کا انعقاد

تحریک منہاج القرآن لاہور کے زیراہتمام پی پی 155 لاہور میں درس عرفان القرآن منعقد ہوا، جس میں علامہ منہاج الدین قادری نے خطاب کیا۔ انہوں نے کہا کہ روزہ رضائے الٰہی کا بہترین ذریعہ ہے، رحمتوں کی برسات اور دعاؤں کی قبولیت کا مہینہ ہے، لوگوں کی خدمت، رضائے الٰہی کے حصول کا ذریعہ ہے، رمضان المبارک کے ماہ مبارک میں جنت کے دروازے کھول دئیے جاتے ہیں، جہنم کے دروازے بند کر دئیے جاتے ہیں، شیاطین کو جکڑ دیا جاتا ہے، بڑے خوش قسمت ہیں وہ لوگ جن کی زندگی میں رمضان المبارک آیا۔

12 مئی 2019ء

منہاج القرآن ویمن لیگ کے زیراہتمام ’’سیدہ فاطمۃ الزہرہ کانفرنس‘‘

منہاج القرآن ویمن لیگ کے زیراہتمام ’’سیدہ فاطمۃ الزہرہ کانفرنس‘‘

منہاج القرآن ویمن لیگ کے زیراہتمام سالانہ سیدہ فاطمۃ الزہرہ کانفرنس کا الحمراء ہال نمبر 2 میں انعقاد کیا گیا ’’عورت کی عظمت، سیرت سیدہ ;کائنات کی پیروی میں ہے‘‘ کے موضوع پر الحمراء میں ہونے والی کانفرنس میں خواتین مقررین نے سیدہ کائنات کی شخصیت کو پوری انسانیت کے لیے کردار کی عظمت کا مینارہ نور قرار دیا۔ کانفرنس کی صدارت فضہ حسین قادری نے کی۔ مہمان خصوصی صوبائی وزیر بہبود خواتین آشفہ ریاض نے کانفرنس سے خطاب کرتے ہوئے کہا کہ خواتین کو آج سیدہ کائنات کے اسوہ سے اپنے عمل کی راہ متعین کرنا ہو گی۔

11 مئی 2019ء

سیالکوٹ: علامہ فیاض بشیر قادری اور علامہ شکیل ثانی کا درس عرفان القرآن

سیالکوٹ: علامہ فیاض بشیر قادری اور علامہ شکیل ثانی کا درس عرفان القرآن

تحریک منہاج القرآن سیالکوٹ کے زیراہتمام چھ روزہ دروس عرفان القرآن کی پانچویں نشست 11 مئی 2019ء کو صبح نماز فجر کے بعد منعقد ہوئی، جس میں علامہ محمد فیاض بشیر قادری نے خطاب کیا۔ اس موقع پر انہوں نے قیام و صیام کے موضوع پر گفتگو کی۔ درس عرفان القرآن میں تحریک منہاج القرآن سیالکوٹ کے قائدین و کارکنان سمیت اہل علاقہ کی بڑی تعداد شریک ہوئی۔

10 مئی 2019ء

رمضان المبارک میں منہاج القرآن کے سکالرز ملک گیر دروس عرفان القرآن دیں گے، شیڈول جاری

رمضان المبارک میں منہاج القرآن کے سکالرز ملک گیر دروس عرفان القرآن دیں گے، شیڈول جاری

تحریک منہاج القرآن کی نظامت دعوت کے زیراہتمام سکالرز رمضان المبارک المبارک کے مقدس اور بابرکت مہینے میں لاہور سمیت پورے ملک میں دروس عرفان القرآن دیں گے، جن کا شیڈول جاری کر دیا گیا ہے۔ چاروں صوبوں آزاد کشمیر، گلگت بلتستان میں سینکڑوں مقامات پر منہاج القرآن علماء کونسل، تحریک منہاج القرآن کی نظامت دعوت و تربیت کے سکالرز اسلام، احسان، حصول تقویٰ، قیام صیام، حقوق والدین، مثالی معاشرہ، قرآن فہمی، عقیدہ ختم نبوت، قرب الٰہی، شان مصطفیﷺ، بنیادی عقائد و دیگر اہم موضوعات پر خطابات کریں گے۔

07 مئی 2019ء

منہاج القرآن شکر گڑھ کے زیراہتمام علامہ جمیل احمد زاہد کا درس عرفان القرآن

منہاج القرآن شکر گڑھ کے زیراہتمام علامہ جمیل احمد زاہد کا درس عرفان القرآن

تحریک منہاج القرآن کی نظامت دعوت کے زیراہتمام رمضان المبارک میں ملک گیر دروس عرفان القرآن کے سلسلہ میں یکم رمضان المبارک کو شگرگڑھ میں درس عرفان القرآن منعقد ہوا، جس میں نظامت دعوت کے نائب ناظم علامہ جمیل احمد زاہد نے خطاب کیا۔ اس موقع پر تحریک منہاج القرآن شکرگڑھ کے قائدین سمیت لوگوں کی بڑی تعداد درس میں شریک ہوئی۔

07 مئی 2019ء

نگران گوشہ درود علامہ محمد لطیف مدنی کی گوشہ نشینان سے تربیتی نشست

نگران گوشہ درود علامہ محمد لطیف مدنی کی گوشہ نشینان سے تربیتی نشست

تحریک منہاج القرآن کے زیرانتظام قائم گوشہ درود میں گوشہ نشینان کے لیے تربیتی مجالس کا انعقاد کیا جا رہا ہے، اس سلسلہ میں نگران گوشہ درود علامہ محمد لطیف مدنی نے گوشہ نشینان کیساتھ تربیتی نشست میں لیکچر دیا۔ اس موقع پر انہوں نے کہا کہ تحریک منہاج القرآن بندے کا اللہ اور رسول اللہ صلی اللہ علیہ وآلہ وسلم سے تعلق مضبوط کر کے پرامن اور خوبصورت اخلاق والے معاشرہ کی بنیاد رکھ رہی ہے۔ گوشہ درود واحد جگہ ہے، جہاں بغیر وقفہ کے درود پاک روزانہ پڑھا جا رہا ہے۔

01 مئی 2019ء

امت مسلمہ اور اسلامیان پاکستان رمضان المبارک کی آمد مبارک ہو: ڈاکٹر طاہرالقادری

امت مسلمہ اور اسلامیان پاکستان رمضان المبارک کی آمد مبارک ہو: ڈاکٹر طاہرالقادری

قائد تحریک منہاج القرآن و سربراہ پاکستان عوامی تحریک ڈاکٹر محمد طاہرالقادری نے اسلامیان پاکستان اور امت مسلمہ کو رمضان المبارک کی مبارکباد دیتے ہوئے کہا ہے کہ اہل ایمان رمضان المبارک کا ایمانی جوش و خروش کے ساتھ استقبال کریں، دعا ہے کہ اللہ تعالیٰ ہم سب کو توفیق دے کہ ہم رمضان المبارک کی جملہ برکتوں، رحمتوں، نعمتوں اور سعادتوں سے اپنے ظاہر و باطن کو مالا مال کرسکیں۔ رمضان المبارک اللہ کریم کا مہمان مہینہ ہے، امت مسلمہ سے صبر و استقامت، ایثار اور تقویٰ کا متقاضی ہے، اللہ کو راضی کرنے اور مغفرت کی ان انمول گھڑیوں سے امت محمدیہ زیادہ سے زیادہ فائدہ اٹھائے۔

06 مئی 2019ء

پاکستان خطہ میں تعلیم پر سب سے کم خرچ کرنیوالا ملک ہے: ڈاکٹر حسین محی الدین کا ایم ایس ایم کے سیمینار ’’تعلیم سب کے لئے‘‘ میں خطاب

پاکستان خطہ میں تعلیم پر سب سے کم خرچ کرنیوالا ملک ہے: ڈاکٹر حسین محی الدین کا ایم ایس ایم کے سیمینار ’’تعلیم سب کے لئے‘‘ میں خطاب

منہاج القرآن انٹرنیشنل کے صدر ڈاکٹر حسین محی الدین قادری نے مصطفوی سٹوڈنٹس موومنٹ (ایم ایس ایم) کی طرف سے ’’تعلیم سب کےلئے‘‘ منعقدہ سیمینار سے خطاب کرتے ہوئے کہا کہ تعلیمی بجٹ جی ڈی پی کا 5 فی صد کیا جائے اور پھر بتدریج اسے 10 فی صد تک لایا جائے۔ مدارس کو قومی دھارے میں لانا ہو گا، تعلیمی اداروں میں امن نصاب پڑھایا جائے، تعلیم واحد ہتھیار ہے جس سے قوموں کی زندگی میں انقلاب آتا ہے۔ پنجاب میں ایک کروڑ 30 لاکھ، کے پی کے میں 23 لاکھ 85 ہزار، سندھ میں 64 لاکھ 13 ہزار، بلوچستان میں 19 لاکھ 12 ہزار بچے سکول نہیں جاتے۔

05 مئی 2019ء

منہاج القرآن کے شہر اعتکاف 2019 کیلئے رجسٹریشن کا آغاز

منہاج القرآن کے شہر اعتکاف 2019 کیلئے رجسٹریشن کا آغاز

بحمداللہ تعالیٰ اس سال بھی شیخ الاسلام ڈاکٹر محمد طاہرالقادری کی سنگت میں جامع المنہاج بغداد ٹاؤن، ٹاؤن شپ لاہور میں 28 واں شہراعتکاف آباد ہورہا ہے۔ جسے حرمین شریفین کے بعد دنیا کے سب سے بڑے اعتکاف ہونے کا اعزاز حاصل ہے۔ شہر اعتکاف میں شامل ہونے والوں کیلئے رجسٹریشن کا آغاز کر دیا گیا ہے، معتکفین کی مطلوبہ تعداد مکمل ہونے پر بکنگ بند کردی جائے گی۔ اعتکاف کی بکنگ کیلئے مقامی تنظیم سے رابطہ کریں۔

01 مئی 2019ء

دینی مدارس کا فروغ علم میں اہم کردار، جامع نظام کی ضرورت ہے: کالج آف شریعہ کی تقریب میں ڈاکٹر حسن محی الدین قادری کی گفتگو

دینی مدارس کا فروغ علم میں اہم کردار، جامع نظام کی ضرورت ہے: کالج آف شریعہ کی تقریب میں ڈاکٹر حسن محی الدین قادری کی گفتگو

کالج آف شریعہ اینڈ اسلامک سائنسز میں سینئر کلاسز کے طلباء کیساتھ خصوصی نشست ہوئی، جس میں منہاج القرآن انٹرنیشنل کی سپریم کونسل کے چیئرمین ڈاکٹر حسن محی الدین قادری نے خصوصی شرکت کی۔ اس موقع پر مفتی عبدالقیوم خان ہزاروی، پروفیسر ڈاکٹر خان محمد ملک، ڈاکٹر ممتاز الحسن باروی، مولانا الیاس اعظمی، نوراللہ صدیقی، جواد حامد، شہزاد رسول اور کالج آف شریعہ اینڈ اسلامک سائنسز کے لیکچررز اور بڑی تعداد میں طلباء بھی تقریب میں شریک تھے۔

30 اپریل 2019ء

دکھی انسانیت کی خدمت کیلئے وسائل مہیا کرنا بہترین عمل ہے: شعبہ پبلک ریلیشنز کے سالانہ ڈنر میں ڈاکٹر حسن محی الدین قادری کی گفتگو

دکھی انسانیت کی خدمت کیلئے وسائل مہیا کرنا بہترین عمل ہے: شعبہ پبلک ریلیشنز کے سالانہ ڈنر میں ڈاکٹر حسن محی الدین قادری کی گفتگو

تحریک منہاج القرآن کی نظامت پبلک ریلیشنز کے ڈائریکٹر شہزاد رسول کی طرف سے سالانہ ڈنر 28 اپریل 2019ء کو مرکزی سیکرٹریٹ میں ہوا، جس میں چیئرمین سپریم کونسل ڈاکٹر حسن محی الدین قادری نے خصوصی شرکت کی۔ عشائیہ میں منہاج القرآن کے مرکزی رہنما، مختلف تاجر تنظیموں کے نمائندگان اور کاروباری شخصیات نے بھی شرکت کی۔ ڈاکٹر حسن محی الدین قادری نے کہا کہ دکھی انسانیت کی خدمت کیلئے وسائل مہیا کرنا اللہ اور اس کے رسول ﷺ کے نزدیک ایک بہترین عمل ہے۔

28 اپریل 2019ء

نوشہرہ وادی سون: ڈاکٹر حسن محی الدین قادری سے مقامی عہدیداروں و کارکنان کی ملاقات

نوشہرہ وادی سون: ڈاکٹر حسن محی الدین قادری سے مقامی عہدیداروں و کارکنان کی ملاقات

تحریک منہاج القرآن نوشہرہ وادی سون میں قرآن کانفرنس کے انعقاد کے بعد مقامی قائدین، عہدیداروں و کارکنان نے چئیرمین سپریم کونسل ڈاکٹر حسن محی الدین قادری سے ملاقات کی۔ ملاقات میں مقامی معززین و عمائدین کے علاوہ منہاج القرآن وادی سون، منہاج القرآن نوشہرہ، ایم ایس ایم، منہاج القرآن یوتھ لیگ اور پاکستان عوامی تحریک کے عہدیدار و کارکنان شامل تھے۔ اس موقع پر ڈاکٹر حسن محی الدین قادری نے گفتگو کرتے ہوئے کہا کہ علمِ نافع اللہ کی ایک نعمت ہے۔

28 اپریل 2019ء

نوشہرہ وادی سون میں قرآن کانفرنس

نوشہرہ وادی سون میں قرآن کانفرنس

تحریک منہاج القرآن نوشہرہ وادی سون کے زیراہتمام شیخ الاسلام ڈاکٹر محمد طاہرالقادری کے قرآنی انسائیکلوپیڈیا کی تقریب رونمائی کے سلسلہ میں قرآن کانفرنس منعقد ہوئی، جس میں چیئرمین سپریم کونسل منہاج القران انٹرنیشنل ڈاکٹر حسن محی الدین قادری نے خطاب کیا۔ کانفرنس میں تحریک منہاج القرآن کے قائدین منہاج یوتھ لیگ کے صدر مظہر محمود علوی، مصطفوی سٹوڈنٹس موومنٹ کے صدر چوھدری عرفان یوسف اور مختلف شعبہ ہائے زندگی کی معزز شخصیات نے بھی شرکت کی۔

28 اپریل 2019ء

Admissions Open Minhaj University Lahore

تعارف‬‎

تحریک منہاج القرآن ایک وسیع البنیاد اسلامی تنظیم ہے، جو اسلام کے اجتہادی تصورات کو عام کرنے اور دہشت گردی و تنگ نظری کے خلاف امن اور تعامل باہمی کی تعلیمات کو فروغ دینے میں مصروف ہے۔ اس تحریک کی بنیاد شیخ الاسلام ڈاکٹر محمد طاہرالقادری نے 1980 میں لاہور میں رکھی تھی۔

eLearning by Minhaj-ul-Quran International

Official WhatsApp Group Dr Qadri

Ijazat Chains of Authority

Top