تحریک منہاج القرآن پاکستان کی اہم خبریں

ڈاکٹر طاہرالقادری وطن واپس پہنچ گئے

ڈاکٹر طاہرالقادری وطن واپس پہنچ گئے

پاکستان عوامی تحریک کے قائد ڈاکٹر طاہرالقادری ناروے سے وطن واپس پہنچ گئے۔ لاہور ائیرپورٹ پر کارکنان کی بڑی تعداد نے آپ کا پرتپاک استقبال کیا۔ ڈاکٹر طاہرالقادری ناروے سے براستہ قطر دوحہ لاہور ائیرپورٹ پہنچے۔ دوحہ ائیرپورٹ پر بول ٹی وی سے خصوصی گفتگو کرتے ہوئے انہوں نے کہا کہ قصاص تحریک کے لیے پاکستان واپس آ رہا ہوں۔ حدیبیہ پیپرز ملز میں شہباز شریف نامزد ہیں۔ اب شہباز شریف بھی نااہل ہوں گے۔ ماڈل ٹاون کے شہداء کا خون ان پر اللہ کا قہر بن کر گرے گا۔

08 اگست 2017ء

گریٹر اقبال پارک مینار پاکستان میں بین المذاہب جشن آزادی تقریب

گریٹر اقبال پارک مینار پاکستان میں بین المذاہب جشن آزادی تقریب

پاکستان میں بسنے والے تمام مذاہب کے نمائندگان کے لیے جشن آزادی تقریب 5 اگست 2017ء مینار پاکستان لاہور میں منعقد ہوئی۔ تقریب میں مسلمانوں کے ساتھ ہندو، سکھ، مسیحی، پارسی مذہب کے راہنماوں نے شرکت کی۔ تقریب کے منتطمین پاکستان گردوارہ پربندھک کمیٹی کے سابق پردھان سردار بشن سنگھ، انٹرفیتھ ریلیشنز منہاج القرآن انٹر نیشنل کے ڈائریکٹر سہیل احمد رضا، پاکستان ہندو کونسل کے چئیرمین منویر چند، بالمیک سوامی مندر کے پنڈت بھگت لال کھوکھر اور کیتھیڈرل چرچ آف پاکستان کے ڈین ریورنڈ شاہد معراج تھے۔

05 اگست 2017ء

گوشہ درود کی ماہانہ مجلس ختم الصلوۃ علی النبی کا روحانی اجتماع

گوشہ درود کی ماہانہ مجلس ختم الصلوۃ علی النبی کا روحانی اجتماع

تحریک منہاج القرآن کے عظیم عالمی مرکز روحانیت و محبت گوشہ درود کا ماہانہ روحانی اجتماع مجلس ختم الصلوۃ علی النبی صلی اللہ علیہ وآلہ وسلم ماہ اگست کا پروگرام 5 اگست 2017ء کو مرکزی سیکرٹریٹ میں ہوا۔ روحانی اجتماع کی صدارت امیر تحریک مسکین فیض الرحمن درانی نے کی، گوشہ درود کے خادم سید مشرف حسین شاہ، ڈائریکٹر ایڈمن جواد حامد اور دیگر مرکزی قائدین بھی معزز مہمانوں میں شامل تھے۔

05 اگست 2017ء

عظیم قومی نعت خواں ریاض حسین چودھری انتقال کر گئے، نماز جنازہ سیالکوٹ میں ہوگی

عظیم قومی نعت خواں ریاض حسین چودھری انتقال کر گئے، نماز جنازہ سیالکوٹ میں ہوگی

تحریک منہاج القرآن کے دیرینہ رفیق، فرید ملت ریسرچ انسٹی ٹیوٹ کے سینئر ریسرچ اسکالر، عظیم نعت خواں اور عاشق رسول ریاض حسین چودھری قضائے الہی سے وصال فرما گئے، انا للہ وانا الیہ راجعون۔ مرحوم کی نماز جنازہ آج اتوار کو سیالکوٹ میں ادا کی جائے گی۔

06 اگست 2017ء

سانحہ ماڈل ٹاؤن کی قانونی جنگ کا احوال

سانحہ ماڈل ٹاؤن کی قانونی جنگ کا احوال

سانحہ ماڈل ٹاؤن پاکستان کی تاریخ کا ایک بھیانک کھیل ہے۔ جس میں گورنمنٹ نے طے شدہ منصوبہ کے تحت منہاج القرآن اور پاکستان عوامی تحریک کے معصوم نہتے اور بے گناہ کارکنان کے خون سے ہولی کھیلی گئی۔ خونی اور دہشت گردی پر مبنی مناظر موقع پر موجود لوگوں کے علاوہ پوری دنیا نے میڈیا چینلز پر براہ راست دیکھے جس میں 14افراد شہید جس میں 2خواتین بھی شامل تھیں اور 100سے زائد افراد کو سیدھی گولیاں ماری گئیں اور ظلم وریاستی دہشت گردی کی ایک نئی تاریخ رقم کی گئی۔

03 اگست 2017ء

رمضان المبارک 2017ء کے موقع پر طبع ہونے والی نئی کتب

رمضان المبارک 2017ء کے موقع پر طبع ہونے والی نئی کتب

رمضان المبارک 2017ء کے موقع پر شیخ الاسلام ڈاکٹر محمد طاہرالقادری کی 15 تصانیف شائع ہوئیں جبکہ ڈاکٹر حسن محی الدین قادری کی 3 اور ڈاکٹر حسین محی الدین قادری کی بھی 3 نئی کتب منظر عام پر آئی ہیں۔ ’’عاشقوں کا سفر‘‘ اپنی طرز کی انوکھی تصنیف ہے۔ اس کتاب کا سب سے اہم اور مرکزی نکتہ یہ ہے کہ انبیاء کرام علیھم السلام کے مکہ مکرمہ آنے اور یہاں قیام پذیر ہونے کا واحد سبب یہ آرزو تھی کہ وہ خاتم انبیاء و المرسلین حضرت محمد صلی اللہ علیہ وآلہ وسلم کا دیدار کرلیں۔ اس کتاب کے علاوہ آپ کی عربی اور انگریزی زبان میں بھی کتب شائع ہوئی ہیں۔

17 جولائی 2017ء

گوشہ درود کے شرکاء کا فرید ملت ریسرچ انسٹی ٹیوٹ کا دورہ

گوشہ درود کے شرکاء کا فرید ملت ریسرچ انسٹی ٹیوٹ کا دورہ

منہاج القرآن کے مرکزی گوشہ درود کے گوشہ نیشنان نے 19 جولائی 2017ء کو فرید ملت ریسرچ انسٹی ٹیوٹ کا وزٹ کیا۔ گوشہ درود کے خادم غلام فرید عاجز کی سربراہی میں نماز ظہر کے بعد شرکاء نے مرکز تحقیق گئے اور اس کے مختلف شعبہ جات کو دیکھا۔ FMRI پہنچنے پر سینئر ریسرچ اسکالر حافظ محمد فرحان ثنائی اور ادارہ کے ڈپٹی ڈائریکٹر محمد فاروق رانا نے بھی گوشہ نیشنان کو باقاعدہ ویلکم کیا۔

19 جولائی 2017ء

سپریم کورٹ پانامہ JIT کی طرح باقر نجفی کمیشن رپورٹ پبلک کرنے کا حکم دے: ڈاکٹر طاہرالقادری

سپریم کورٹ پانامہ JIT کی طرح باقر نجفی کمیشن رپورٹ پبلک کرنے کا حکم دے: ڈاکٹر طاہرالقادری

پاکستان عوامی تحریک کے سربراہ ڈاکٹر محمد طاہرالقادری نے مال روڈ پر عوامی تحریک کے احتجاجی جلسے سے خطاب کرتے ہوئے کہا کہ سپریم کورٹ سے مطالبہ کرتے ہیں کہ جس طرح پانامہ لیکس پر قائم JIT رپورٹ پبلک کی گئی اسی طرح سانحہ ماڈل ٹاؤن پر قائم جسٹس باقر نجفی کی رپورٹ پبلک کی جائے، انسانی خون بہانا مال لوٹنے سے بڑا جرم ہے۔ پانامہ JIT کے بارے میں میرا تجزیہ غلط اور دعا قبول ہوئی۔ سپریم کورٹ کا فیصلہ بھی اسی سمت پر آیا تو کرپشن روکنے میں اہم پیش رفت ہوگی۔

15 جولائی 2017ء

فرید ملت ڈاکٹر فریدالدین قادری کا سالانہ عرس 2017ء

فرید ملت ڈاکٹر فریدالدین قادری کا سالانہ عرس 2017ء

شیخ الاسلام ڈاکٹر محمد طاہرالقادری کے والد گرامی، محسن تحریک اور فرید ملت ڈاکٹر فریدالدین قادری رحمۃ اللہ علیہ کا 44 واں سالانہ عرس مبارک 11 جولائی 2017ء کو بستی لوہلے شاہ جھنگ صدر میں ہوا۔ عرس تقریبات سجادہ نشین دربار عالیہ صاحبزادہ صبغت اللہ قادری کی زیرصدارت منعقد ہوئیں۔ منہاج القرآن کے صدر ڈاکٹر حسین محی الدین قادری نے عرس کی مرکزی تقریب میں خصوصی شرکت کی اور خطاب کیا۔

11 جولائی 2017ء

شہدائے ماڈل ٹاؤن کی یاد میں دعائیہ تقریب

شہدائے ماڈل ٹاؤن کی یاد میں دعائیہ تقریب

ڈاکٹر طاہرالقادری نے شہدائے ماڈل ٹاؤن کی یاد میں منعقدہ تقریب سے خطاب کرتے ہوئے کہا کہ ملک میں رول آف لاء ہوتا تو شہدائے ماڈل ٹاؤن کے ورثاء 3 سال بعد بھی انصاف سے محروم نہ ہوتے، مجھے علم ہے کہ ان اداروں سے انصاف نہیں ملے گا مگر انصاف کی جدوجہد کرتے کرتے اس دنیا سے جاؤں گا اور میری آئندہ نسلیں بھی سانحہ ماڈل ٹاؤن کا انصاف مانگے گی۔ سانحہ ماڈل ٹاؤن کے قاتلوں کو ریمنڈ ڈیوس نہیں بننے دیں گے۔

30 جون 2017ء

حضور صلی اللہ علیہ وآلہ وسلم حسن کا پیکر جمیل تھے۔ ڈاکٹر طاہرالقادری

حضور صلی اللہ علیہ وآلہ وسلم حسن کا پیکر جمیل تھے۔ ڈاکٹر طاہرالقادری

شیخ الاسلام ڈاکٹر محمد طاہرالقادری نے شہراعتکاف میں خطاب کرتے ہوئے سراپا حسن رسول صلی اللہ علیہ وآلہ وسلم بیان کیا۔ آپ نے کہا کہ آقا علیہ السلام اپنی ذات میں سب سے حسین تھے۔ آپ کا چہرہ مبارک چودھویں رات کے چاند کی طرح چمکتا تھا۔ آپ کا رنگ مبارک ایسا چمکدار تھا، جیسے سونا اور چاندی ملا ہوا ہو۔ آپ کا قد مبارک ایسا میانہ تھا کہ درمیانہ سے کچھ نکلا ہوا اور پستہ سے اونچا تھا۔ یعنی دراز قد سے کچھ کم تھے، لیکن جب آپ دراز قد لوگوں میں چلتے لیکن ان سے اونچے لگتے تھے۔

23 جون 2017ء

منہاج القرآن کا خواتین شہر اعتکاف

منہاج القرآن کا خواتین شہر اعتکاف

تحریک منہاج القرآن کے سالانہ شہر اعتکاف میں مردوں کے علاوہ ہزاروں خواتین بھی معتکف ہیں، جن کے لیے منہاج کالج برائے خواتین میں الگ انتظامات کیے گئے ہیں۔ منہاج کالج میں ہر سال خواتین کا شہر اعتکاف منعقد کیا جاتا ہے۔ مردوں کے شہر اعتکاف سے روازانہ شیخ الاسلام ڈاکٹر محمد طاہرالقادری کے روح پرور خطابات انہیں براہ راست دکھائے جاتے ہیں۔

17 جون 2017ء

رحمت مصطفیٰ سب کے لیے ہے۔ جمعۃ الوداع پر ڈاکٹر حسن محی الدین قادری کا خطاب

رحمت مصطفیٰ سب کے لیے ہے۔ جمعۃ الوداع پر ڈاکٹر حسن محی الدین قادری کا خطاب

شہراعتکاف میں جمعۃ الوداع کا اجتماع 23 جون 2017ء 27 رمضان المبارک کو جامع المنہاج بغداد ٹاون میں منعقد ہوا، جہاں منہاج القرآن انٹرنیشنل کی سپریم کونسل کے چئیرمین ڈاکٹر حسن محی الدین قادری نے خطاب کیا۔ ہزاروں معتکفین کے علاوہ ملک بھر سے فرزندان اسلام کی بہت بڑی تعداد نے اجتماع میں شرکت کی۔

23 جون 2017ء

شہراعتکاف میں 27 ویں شب کا عالمی روحانی اجتماع 2017ء

شہراعتکاف میں 27 ویں شب کا عالمی روحانی اجتماع 2017ء

منہاج القرآن انٹرنیشنل کے شہراعتکاف میں 27 ویں شب رمضان لیلۃ القدر کا عالمی روحانی اجتماع 22 جون 2017ء کو جامع المنہاج بغداد ٹاون میں منعقد ہوا۔ ڈاکٹر حسن محی الدین قادری، صاحبزادہ حماد مصطفیٰ قادری اور صاحبزادہ احمد مصطفیٰ العربی نے پروگرام میں خصوصی شرکت کی۔ ناظم اعلیٰ خرم نواز گنڈا پور، امیر تحریک مسکین فیض الرحمن درانی سمیت منہاج القرآن کے قائدین، ملک بھر سے علماء و مشائخ اور مختلف طبقہ ہائے فکر سے معزز شخصیات بھی مہمانوں میں شامل تھیں۔ شیخ الاسلام نے ’’عشق الہی‘‘ (ارادہ اور محبت) کے موضوع پر خطاب کیا۔

22 جون 2017ء

رفاقت بندوں کو جنت کے ایک درجہ میں جمع کر دے گی، ڈاکٹر محمد طاہرالقادری

رفاقت بندوں کو جنت کے ایک درجہ میں جمع کر دے گی، ڈاکٹر محمد طاہرالقادری

شہراعتکاف میں 21 جون 2017ء کی شب شیخ الاسلام ڈاکٹر محمد طاہرالقادری نے معتکفین و معتکفات سے خطاب کیا۔ آپ نے بسلسلہ ’’حسن اخلاق‘‘ موضوع ’’الحب فی اللہ‘‘ پر گفتگو کرتے ہوئے کہا کہ اچھی رفاقت اور صحبت جنت میں بھی کام آئے گی۔ جنت میں جس شخص کو جس سے محبت ہو گی تو اللہ اس کو اس شخص سے جوڑ دے گا۔ جو اللہ اور اس کے رسول کی تابعداری میں آ جائیں تو پھر وہ یہ نہ سوچیں کہ اللہ کے رسول کا جنت میں درجہ کیا ہوگا اور صحابہ ان سے مل نہ سکیں گے۔ بلکہ جنت میں بھی اللہ انہیں محبت کرنے والوں کیساتھ جوڑ دے گا۔

21 جون 2017ء

Admissions Open Minhaj University Lahore

تعارف‬‎

تحریک منہاج القرآن ایک وسیع البنیاد اسلامی تنظیم ہے، جو اسلام کے اجتہادی تصورات کو عام کرنے اور دہشت گردی و تنگ نظری کے خلاف امن اور تعامل باہمی کی تعلیمات کو فروغ دینے میں مصروف ہے۔ اس تحریک کی بنیاد شیخ الاسلام ڈاکٹر محمد طاہرالقادری نے 1980 میں لاہور میں رکھی تھی۔

eLearning by Minhaj-ul-Quran International

Official WhatsApp Group Dr Qadri

Ijazat Chains of Authority

Top